Archive for பிப்ரவரி, 2014

இளையராஜாவின் மகன் யுவன் சங்கர் ராஜா முஸ்லிமாக மாறினார் – பிரச்சினை தனிமையா, தாம்பத்ய தோல்வியா, பலதார திருமணமா – பெண்கள் படும் பாடு.

பிப்ரவரி10, 2014

இளையராஜாவின் மகன் யுவன் சங்கர் ராஜா முஸ்லிமாக மாறினார் – பிரச்சினை தனிமையா, தாம்பத்ய தோல்வியா, பலதார திருமணமா – பெண்கள் படும் பாடு.

 

Women are the sufferers

Women are the sufferers

பெண்கள் படும் பாடு: எந்த மதப் பெண்ணாக இருந்தாலும், ஒரு ஆணை மணந்து கொண்டு வாழ விரும்புகிறாள் என்பது இயற்கையான நியதி, உண்மையும் ஆகிறது. அந்நிலையில் விவாக ரத்து என்பது அவளுக்கு நினைக்க முடியாத அளவுக்கு இருக்கிறது. ஒருவேளை ஆண் பிரிந்து சென்று விட்டால், இன்னொருவளுடன் சேர்ந்திருந்தால், அப்பெண் முதலில் தனித்திருக்கத்தான் விரும்புகிறாள். இன்னொருவனுடன் உறவு கொள்வதை மனதாலும் மறுக்கிறாள். அது கற்பு என்றும் போற்றப்படுகிறது. ஆனால், ஆண் ஒரு பெண்ணிற்கு மேல் உறவு கொள்ளும் போது, சட்டப்படி திருமணம் செய்து கொள்ளும் போது, பெண் ஏன் அதுமாதிரி செய்யக்கூடாது என்று எண்ணம் வரலாம். நவீனகாலத்தில் விவாகரத்து மூலம் அது சட்டமாக்கப் பட்டுவிட்டது. ஆனால், பிறக்கும் குழந்தைகள் தங்களது தாய்-தந்தை என்று ஒருவர்-ஒருவர் அதாவது அம்மா-அப்பா என்று இருவரை மட்டும் தான் நினைக்க முடிகிறது. ஆனால், இப்பொழுது அம்மா ஒருவர், அப்பா ஒருவர் அதாவது வேறு வேறான நபர்கள் என்று தெரியும் போது, குழந்தைகள் தவிக்கத்தான் செய்யும். “உன் அம்மா ஒருத்தி, ஆனால், நீ வேறு அப்பாவுக்குப் பிறந்தவன்” எனும்போது மகன் எவ்வாறு உணர்வான், சமரசம் செய்து கொள்வான். பெண்ணின் நிலையும் அவ்வாறே கேள்வியாகிறது.

 

முஸ்லிமாக மாறி ஒன்றிற்கு மேலாக மனைவியை வைத்துக் கொள்ள சினிமாக்காரர்கள் பயன் படுத்தி வருகிறார்கள்: இந்தியா ஒரு செக்யூலரிஸ நாடு, ஒருவர் எந்த மதத்தையும் பின்பற்றலாம். அதனால், மதம் பற்றிப் பிரச்சினை இல்லை. அதிலும் சினிமாக்காரர்கள் மதம் மாறுவதிலும் ஒன்றும் ஆச்சரியம் இல்லை. அது அவர்களுக்கு ஒரு சட்டையைக் கழட்டி, இன்னொரு சட்டையை மாட்டிக் கொள்வது போலத்தான். ஆனால், சினிமாக்காரர்கள் மதம் மாறுவது எப்பொழுதுமே பலதார திருமண விசயமாகத்தான் இருந்து வந்துள்ளது. அதிலும் முஸ்லிமாக மாறி ஒன்றிற்கு மேலாக மனைவியை வைத்துக் கொள்ள அது பயன் படுத்தப் பட்டு வருகின்றது. இதை கிஷோர் குமார், தர்மேந்திரா போன்ற பிரபல நடிகர்கள் கூட பின்பற்றினார்கள். கிஷோர் குமாருக்கு நான்கு மனைவிகள் – ரூமா குஹா தாகுர்தா, மதுபாலா (முஸ்லிம்), யோகிதா பாலி, லீனா சந்தவர்கர். தர்மேந்திராவுக்கு பிரகாஷ் கௌர், ஹேமாமாலினி முதலியோர்.   இந்து திருமணச் சட்டத்தின்படி இரண்டு மனைவிகளை வைத்துக் கொள்ள முடியாது அல்லது முதல் மனைவி இருக்கும் போது இரண்டாவது திருமணம் செய்து கொள்ள முடியாது என்பதால் தான், இந்தியாவில் நடிகர்கள் மட்டுமல்ல மற்றவர்களும் இஸ்லாத்திற்கு மாறுவது குறுக்குவழி போல பின்பற்றி வருகிறார்கள்[1].

 

சாதீய திரிபுவாதம் கொடுக்கப்பட வேண்டிய அவசியம்: உண்மை அவ்வாறாக இருக்கும் போது, சில தமிழ் ஊடகங்கள், வேறுமுறையில் திரிபுவாதம் கொடுத்துள்ளது கவழத்தை ஈர்த்துள்ளது. வழக்கம் போல “இனியொரு.டாட்.காம்”, “தமிழ் நாட்டில் ஒடுக்கப்பட்ட தலித் சமூகத்திலிருந்து இசைத் துறைக்கு வந்து மில்லியன்கள் புரளும் சினிமாவில் முன்னணி இசையமைப்பாளரானவர் இளையராஜா. இளையாராஜா தன்னைத் தலித் என்று அழைத்துக்கொள்வதை எப்போதும் விரும்பியதில்லை. இந்துத்துவ தத்துவத்தின் சினிமா இசைக்காவலனைப் போன்று தன்னை வெளிப்படுத்திக்கொண்ட இளையராஜா ஆதிக்க சாதியோடு தன்னை அடையாளப்படுத்திக்கொண்டார்”, என்று ஆரம்பித்து[2], யுவன் சங்கர் ராஜாவின் பிரச்சினைக் குறிப்பிட்டு, “புதிய மதத்திலும் சாதி ஒடுக்குமுறையைச் சந்திக்கின்றனர். இந்துத்துவாவின் வேர்கள் அனைத்து மதங்களிலும் படர்ந்துள்ளன”, என்று முடித்துள்ளது[3]. “இந்துத்துவ தத்துவத்தின் சினிமா இசைக்காவலனைப் போன்று தன்னை வெளிப்படுத்திக்கொண்ட இளையராஜா” எனும்போது, ரஹ்மான் கூட அவ்வ்வாறு இஸ்லாத்திற்கு முக்கியத்துவம் அளித்து வரும் போது, அவரை அவ்வாறு குறிப்பிடுவதில்லையே, அது ஏன் என்று தெரியவில்லை. அதனால், இதன் நோக்கத்தையும், பின்னணியையும் ஆராய வேண்டியுள்ளது.

 

வந்துள்ள செய்தி, வதந்தி, விளக்கம்: இசைஞானி இளையராஜாவின் மகனும் இசையமைப்பாளருமான யுவன்சங்கர் ராஜா இஸ்லாம் மதத்திற்கு மாறிவிட்டதாக  தகவல்கள் வெளியாயின[4]. மேலும் யுவன் 3வதாக ஒரு பெண்ணை திருமணம் செய்து கொண்டதாகவும் தகவல்கள் பரவின. இதுகுறித்து டுவிட்டரில் கருத்து தெரிவித்துள்ள யுவன் சங்கர் ராஜா தான் இஸ்லாத்தை பின்பற்றுவதாகவும், அதற்காக பெருமைப்படுவதாகவும் குறிப்பிட்டுள்ளார்[5].. மேலும் மூன்றாவதாக யாரையும் திருமணம் செய்யவில்லை என்று மறுப்பு தெரிவித்துள்ள அவர். குடும்பத்தினர்  அனைவரும் தனது முடிவை ஏற்றுக்கொண்டதாகவும் கூறியுள்ளார்[6]. சினிமா இசையமைப்பாளர் யுவன்சங்கர் ராஜா, முஸ்லிம் மதத்துக்கு மாறினார். அவர் இப்போது தினமும் 5 வேளை தொழுகை நடத்துகிறார், என்று சுருக்கமாக செய்திகளைக் கொடுத்துள்ளனர்.

 

இளையராஜாவின் மகன் யுவன்சங்கர்ராஜா: பிரபல சினிமா இசையமைப்பாளர் இளையராஜாவுக்கு, கார்த்திக் ராஜா, யுவன்சங்கர் ராஜா என்ற 2 மகன்களும், பவதாரிணி என்ற மகளும் இருக்கிறார்கள். மூன்று பேருமே சினிமா படங்களுக்கு இசையமைத்து வருகிறார்கள். குடும்பமே சேர்ந்து ஒரு தொழிலை செய்வது, வியாபாரம் செய்வது என்பதெல்லாம் ஒன்றும் ஆச்சரியப் படுவதற்கு ஒன்றும் இல்லை. இளையராஜா ஆன்மீகம், பக்தி என்று ஊறித்திளைக்கும் நேரத்தில் தன் மகன் இப்படி மாறுகிறார் என்றால் அது ஆன்மீக தேடலும் இல்லை, பக்தியும் இல்லை ஆனால், அதற்கு மேலாக வேறொன்றுள்ளது என்று தெரிகிறது.

 

1–வதுதிருமணம் (2005): இளையராஜாவின் மகன் யுவன்சங்கர் ராஜா சினிமா இசையமைப்பாளராகிப் பிரபலமானார். பல திரைப்படங்களுக்குப் பின்னணி இசையமைத்தவர். பிரித்தானியாவில் வசித்த சுஜயா சந்திரன் என்ற ஈழத் தமிழ்ப் பெண்ணை 2002லிருந்து காதலித்து வந்தார். சி. ஆர். வேலாயுதம் மற்றும் சரோஜினி சந்திரன் மகளான இவரை லண்டனில் 2003ல் பதிவு திருமணம் செய்து கொண்டு, மார்ச்.21, 2005ல் பெற்றோர் சம்பதத்துடன் முறைப்படி திருமணம் செய்து கொண்டார். ஆனால்,ஆகஸ்ட் 2007ல் விவாகரத்து மனு போட்டு பிப்ரவரி 2008ல் விவாகரத்து பெற்றனர்[7]. யுவன்சங்கர் ராஜா, சுஜயா மனுவில் கூறியிருந்த காரணம், “தீர்த்துக் கொள்ளமுடியாத வேறுபாடுகள்” [irreconcilable differences[8]] என்று குறிப்பிட்டிருந்தனர்! பிரிந்த பிறகு, சுஜயா, வெளிநாடு போய்விட்டார்[9]. ஆக முதல் திருமணம் தோல்வி என்றாகி விட்டது. என்னத்தான் இசை அமைத்தாலும், மனைவியுடன் இயைந்து வாழ்க்கை நடத்தமுடியவில்லை என்றாகிறது.

 

2–வதுதிருமணம் (2011): அதன்பிறகு யுவன்சங்கர் ராஜா ஷில்பா என்ற பெண்ணை இரண்டாவது திருமணம் 01-09-2011 அன்று செய்துகொண்டார். இவர்கள் திருமணம் திருப்பதி கோவிலில், பெற்றோர்கள் சம்மதத்துடன் நடைபெற்றது. முதல் திருமணம் டைவர்ஸில் முடிந்ததால், இது ரகசியமாக நடத்தப் பட்டது[10]. குடும்பத்தினர் மற்றும் சில நெருங்கிய நண்பர்கள் [மைத்துனர் வெங்கட் பிரபு, பிரேம்ஜி, மாமா கங்கை அமரன், விஷ்ணு வர்தன், அவரது மனைவி அனு, சுப்பு பஞ்சு, மிர்சி சிவா போன்றோர்] மட்டுமே கலந்து கொண்டனர்[11]. கடந்த சில மாதங்களுக்கு முன்பு யுவன்சங்கர் ராஜாவுக்கும், ஷில்பாவுக்கும் இடையே கருத்துவேறுபாடு ஏற்பட்டது. இரண்டுபேரும் பிரிந்து வாழ்வதாக கூறப்படுகிறது. ஆக, இரண்டாவது திருமணத்தையும் திருப்திகரமாக இல்லை அல்லது இரண்டாவது மனைவியை திருப்திகரமாக வைத்துக்கொள்ள முடியவில்லை, தாம்பத்தியம் ஒழுங்காக நடத்தமுடியவில்லை என்றாகிறது.

 

முஸ்லிமாகமாறினார்[12] (2014): இந்தநிலையில், யுவன்சங்கர் ராஜா, முஸ்லிம் மதத்துக்கு மாறியிருக்கிறார். அவர் இப்போது தினமும் 5 வேளை தொழுகை நடத்துகிறார். குரான் படிக்கிறார். தாடியும் வளர்த்துவருகிறார், என்று செய்திகள் வர ஆரம்பித்துள்ளன. யுவன்சங்கர் ராஜா முஸ்லிம் மதத்துக்கு மாறியதை தனது ‘டுவிட்டர்’ பக்கத்தில் அவர் நேற்று வெளியிட்டார். அதில், ‘‘நான் இஸ்லாம் மதத்துக்கு மாறிவிட்டேன். ஆனால், மூன்றாவது திருமணம் செய்து கொள்ளவில்லை’’ என்று அவர் குறிப்பிட்டு இருக்கிறார். இதற்கிடையில், யுவன்சங்கர் ராஜா, மூன்றாவதாக முஸ்லிம் பெண் ஒருவரை காதல் திருமணம் செய்துகொண்டதாக சினிமா வட்டாரத்தில் பேசப்படுகிறது. அதாவது இஸ்லாத்தையும், திருமணத்தையும் அவரே இணைத்துப் பேசுவதிலிருந்து அதற்கு சம்பந்தம் உள்ளது என்றாகிறது.

 

ஏ. ஆர். ரஹ்மான் போல மாறவில்லை என்கிறார்கள்: தன்னுடைய தாயார் 31-10-2011 இறந்ததிலிருந்து[13] அன்று அவர் தனிமையை உணருவதாகக் கூறப்படுகிறது. ஒரு ஆன்மீகக் குருவை சந்தித்து இருப்பதாகவும் தெரிகிறது. இருப்பினும் இஸ்லாமுக்கு சென்றது ஏன் என்று தெளிவாகத் தெரியவில்லை. ஏ. ஆர். ரஹ்மான் போல மாறவில்லை என்கிறார்கள்[14]. கடந்த ஒரு வருடமாக இஸ்லாத்தைப் பின்பற்றி வருகிறார். ஸ்டூடியோவில் இருந்தாலும், வேலையில் இருந்தாலும் தவறாமல் ஐந்துமுறை தொழுகை செய்து வருகிறார். இன்னும் பெயரை மாற்றிக் கொள்ளவேண்டுமா என்பதைப் பற்றொ யோசித்து வருவதாகத் தெரிகிறது. இது அவருடைய தனிப்பட்ட விவகாரம் என்பதினால் அவரது குடும்பத்தினரும் தலையிடவில்லையாம்[15]. ஏ. ஆர். ரஹ்மான் போல முஸ்லிமாக மாறவில்லை என்றால், வேறு எவர் போல முஸ்லிமாக மாற துணிந்தார் என்று அவர்தான் விளக்க வேண்டும். இஸ்லாத்தை இவ்வாறு உபயோகப் படுத்துகிறார்கள், இஸ்லாம் அவ்வாறு உபயோகப்படுகிறது என்றால், இஸ்லாம் அதனை ஏன் ஊக்குவிக்கிறது, அனுமதிக்கிறது, பதிவு செய்கிறது? 1995ல் சரளா முதுகல் தீர்ப்பில் உச்சநீதி மன்ற, இஸ்லாத்துக்கு மாறினால் கூட இரண்டாவது திருமணம் செல்லாது என்று குறிப்பிட்டது[16].

 

வேதபிரகாஷ்

© 10-02-2014


[2] இனியொரு.டாட்.காம்,  http://inioru.com/?p=39133

[4] தினமணி, நான்இஸ்லாத்தைபின்பற்றுவதற்காகபெருமைப்படுகிறேன்: யுவன்சங்கர்ராஜா, பிப்ரவரி.10 2014. By Web Dinamani, சென்னை, First Published : 09 February 2014 02:58 PM IST

 

[10] Yuvan has kept the marriage as a closely guarded secret since it is his second marriage. However, the event was publicized and eventually everyone came to know about it before the Yuvan’s wedding. Remember, Yuvan’s first marriage with Sujaya ended in divorce in 2008 and the promising music director now found Shilpa as his life partnerhttp://www.teluguone.com/tmdb/news/Music-Director-Yuvan-Shankar-Raja-Marriage-en-6135c1.html

[12] தினத்தந்தி, சினிமாஇசையமைப்பாளர்யுவன்சங்கர்ராஜாமுஸ்லிம்மதத்துக்குமாறினார், பதிவு செய்த நாள் : Feb 10 | 02:15 am

[14] While we tried to reach Yuvan regarding this, a source close to the music director revealed, “Yuvan was very attached to his mother and soon after she passed away, he started missing her a lot. He also met a spiritual guru, but we cannot say what exactly made him follow Islam,” and maintained that, he was definitely not inspired by fellow composer AR Rahman (who had converted to Islam) in his decision.

http://timesofindia.indiatimes.com/entertainment/tamil/movies/news-interviews/Yuvan-Shankar-Raja-embraces-Islam/articleshow/30113638.cms

[15] Yuvan, the source said, has been practicing Islam for almost a year now. “He has been doing namaz five times a day all these months. He is not missing his prayers even when he is at work and ensures that he allots time for it at his studio as well,” said the source. The source added that Yuvan is now in the process of converting to Islam. “Currently, he is planning to convert to Islam and is also thinking of going for a change of name. But, he is yet to decide on these. Since it is his personal decision, his family members respect it.”

http://timesofindia.indiatimes.com/entertainment/tamil/movies/news-interviews/Yuvan-Shankar-Raja-embraces-Islam/articleshow/30113638.cms

[16] In 1995, the Supreme Court ruled in the Sarla Mudgal case that under the Hindu Marriage Act 1955, a Hindu husband cannot marry a second time simply by embracing Islam without lawfully dissolving the first marriage. He would be guilty of bigamy, the Court ruled.

ஜேம்ஸ் வசந்தன், கமல் ஹஸன் வழியில் செல்கிறாரா அல்லது கிருத்துவத்தில் பலதார மணம், சேர்ந்து வாழ்தல் முதலியவை அனுமதிக்கப் படுகின்றனவா?

பிப்ரவரி8, 2014

ஜேம்ஸ் வசந்தன், கமல் ஹஸன் வழியில் செல்கிறாரா அல்லது கிருத்துவத்தில் பலதார மணம், சேர்ந்து வாழ்தல் முதலியவை அனுமதிக்கப் படுகின்றனவா?

ஜேம்ஸ் வசந்தின் மனைவி சுகந்தி புகார் கொடுத்தார்

ஜேம்ஸ் வசந்தின் மனைவி சுகந்தி புகார் கொடுத்தார்

இன்னொருவர்  மனைவியுடன்  குடும்பம்  நடத்துவதாக  அவரது  மனைவி  பரபரப்பு  புகார்: கல்லூரி பேராசிரியராக இருந்து தொலைக்காட்சி தொகுப்பாளராகி சுப்பிரமணிபுரம் படத்தின் மூலம் இசை அமைப்பாளர் ஆனவர் ஜேம்ஸ் வசந்தன், என்று ஊடகங்கள் விவரிக்கின்றன. அத்தகைய மெத்தப் படித்தவர், இல்லறத்தை அறுப்பது ஏனென்று தெரியவில்லை. அவர் மீது அவரது மனைவி இன்னொருவர் மனைவியுடன் குடும்பம் நடத்துவதாக அவரது மனைவி பரபரப்பு குற்றம் சாட்டியுள்ளார்[1].  அடையாறு அனைத்து மகளிர் காவல் நிலையத்தில் இது தொடர்பாக அவர் புகார் மனு ஒன்றை கொடுத்துள்ளார்[2]. பசங்க, நாணையம், சுப்ரமணியபுரம், ஈசன் உள்ளிட்ட பல படங்களுக்கு இசையமைத்தவரும், தொலைகாட்சி நிகழ்ச்சி தொகுப்பாளராகவும் பணிபாற்றுபவர் ஜேம்ஸ்வசந்தன். ஒரு இசைப்பள்ளியையும் வைத்து நடத்துகிறார்[3]. இவரது மனைவி சுகந்தி இன்று அடையாறு மகளிர் காவல் நிலையத்தில் புகார் மனு ஒன்றை அளித்தார். அந்த மனுவில் அவர் கூறியிருப்பதாவது: “நான் சென்னை கொட்டிவாக்கத்தில் வசிக்கிறேன்[4].  எனக்கும் திரைப்பட இசையமைப்பாளர் ஜேம்ஸ் வசந்தனுக்கும் கடந்த 1991-ல் திருச்சியிலுள்ள கிறிஸ்துவ ஆலயத்தில் கிறிஸ்துவ முறைப்படி திருமணம் நடந்தது. 23 வருடங்கள் ஆகிவிட்டது. எங்களுக்கு  22 வயதில் ஷில்பா என்ற மகளும், 17 வயதில் சச்சின் என்ற மகனும் உள்ளனர். ஆனால், எனது கணவன் ஜேம்ஸ் வசந்தனுக்கு அதிக பெண்களுடன் தவறான தொடர்பு இருந்ததால் எங்களுக்குள் அடிக்கடி கருத்துவேறுபாடு ஏற்பட்டு வந்தது.”

ஜேம்ஸ் வசந்தின் மனைவி புகார் கொடுத்தார்.ஆகஸ்ட் 2013

ஜேம்ஸ் வசந்தின் மனைவி புகார் கொடுத்தார்.ஆகஸ்ட் 2013

கிறிஸ்தவ  அமைப்பிற்காக  நிகழ்ச்சி   தயாரிக்க   தொழிலதிபரின்  மனைவிக்கும்  என்  கணவருக்கும்  நட்பு  ஏற்பட்டது: சுகந்தி தொடர்கிறார்,  “என் கணவர் சைதாப்பேட்டையில் உள்ள ஒரு கிறிஸ்தவ அமைப்பிற்காக நிகழ்ச்சி தயாரிக்க பிரபல தொழில் அதிபருக்கு சொந்தமான பொழுதுபோக்கு பூங்காவில் படப்பிடிப்பு நடத்தச் சென்றார். அப்போது தொழிலதிபரின் மனைவிக்கும் என் கணவருக்கும் நட்பு ஏற்பட்டுள்ளது.

Hema-James-Vasanthan1

Hema-James-Vasanthan1

இதை அறிந்த அந்த தொழில் அதிபர் மனைவியையும், குழந்தையையும் விரட்டி விட்டுவிட்டார். அவரை அழைத்துக் கொண்டு வந்து இவர்கள் நம் வீட்டிலேயே தங்கட்டும், எல்லோரும் சேர்ந்து குடும்பம் நடத்தலாம் என்றார். நான் அதற்கு சம்மதிக்க வில்லை. இதனால் அவருக்கு தனியாக வீடு எடுத்துக் கொடுத்து குடியமர்த்தினார். எனது குழந்தைகளையும் அழைத்துச் சென்று விட்டார். இதுகுறித்து நான் போலீசில் புகார் செய்ததும் குழந்தையை ஒப்படைத்து விட்டார்.

சச்சின் ஜேம்ஸ், தேஜஸ் ஜேம்ஸ் மற்றும் ஹேமா ஜேம்ஸ்

சச்சின் ஜேம்ஸ், தேஜஸ் ஜேம்ஸ் மற்றும் ஹேமா ஜேம்ஸ்

இப்போது அந்த பெண்ணை அவர் திருமணம் செய்து கொண்டதாக எனக்கு தகவல் கிடைத்திருக்கிறது[5]. வி.ஜி.பி. பிரசாத் தாஸின் முன்னாள் மனைவி ஹேமலதாவுடன் தவறான தொடர்பு வைத்திருந்த அவர் தற்போது தனது மனைவி என்று வெளிப்படையாக சொல்லி வருகிறார். உண்மையான மனைவி நான் உயிரோடு இருக்கும்போது என்னிடம் விவாகரத்தும் வாங்காத நிலையில் வேறொரு பெண்ணை மனைவி என்று எனது கணவன் ஜேம்ஸ் வசந்தன் சொல்லிவருவது எனக்கு கடுமையான மன உளைச்சலை உண்டாக்குகிறது[6]. இதனால் அவர் மீது சட்டரீதியான நடவடிக்கை எடுக்கும்படி கேட்டுக்கொள்கிறேன்”, என்று அந்த மனுவில் அவர் தெரிவித்துள்ளார்[7]. இது தொடர்பாக போலீஸார் வழக்குப் பதிவு செய்து விசாரணை நடத்தி வருகின்றனர்[8].

VGP studios VGP Prasad Das

VGP studios VGP Prasad Das

2013ல் பெண்ணுடன் நிலதகராறில் ஈடுபட்டது: நில விற்பனை விவகாரத்தில் தன் மீது பொய் வழக்கு போடப்பட்டுள்ளது என்றும் இதுகுறித்து தலைமை செயலாளரிடம் புகார் செய்யப் போவதாகவும் இசையமைப்பார் ஜேம்ஸ் வசந்தன் தெரிவித்தார். இவர் மீது ராதா வேணு பிரசாத் (வயது 65) என்பவர் நீலாங்கரை போலீசில் புகார் கொடுத்தார். அதனடிப்படையில், கொலை மிரட்டல், பெண் வன்கொடுமை சட்டத்தின் கீழ் ஜேம்ஸ் வசந்தன் கடந்த 4-ந் தேதி கைது செய்யப்பட்டார். இந்த வழக்கில் ஜாமீனில் வெளியில் வந்த ஜேம்ஸ்வசந்தன், தன் மனைவி ஹேமா மற்றும் சின்னத்திரை கலைஞர்களுடன் நேற்று கூட்டாக நிருபர்களுக்கு பேட்டியளித்தார். அப்போது ஜேம்ஸ் வசந்தன் கூறியதாவது: “எங்களுக்கு பாலவாக்கத்தில் சொந்தமாக ஒரு கிரவுண்ட் நிலம் உள்ளது. இந்த நிலத்தை ராதா வேணுபிரசாத் விலைக்கு கேட்டார். நாங்கள் அவருக்கு விற்பனை செய்ய மறுத்து விட்டோம். அந்த நிலத்தில் 2011-ம் ஆண்டு வீடு கட்டத் தொடங்கினோம். இதனால், எங்கள் மீது ராதா வேணுபிரசாத்துக்கு பகை உணர்வு ஏற்பட்டது. அதன் பின்னர் ஒவ்வொரு நாளும் அவர் எங்களுக்கு மன ரீதியாக பல தொந்தரவுகளை கொடுக்கத் தொடங்கினார். வீடுகட்ட திட்ட அனுமதி பெற விடாமல் தடுத்தார். எனினும் நாங்கள் கடுமையாக போராடி திட்ட அனுமதி பெற்று வீட்டை கட்டி முடித்தோம். தற்போது, அங்கு வசித்து வருகிறோம். இந்த நிலையில், மனதில் பகையுடன் இருக்கும் ராதா வேணுபிரசாத், தன் செல்வாக்கை பயன்படுத்தி, ஒரு அசிங்கமான புகாரை கொடுத்து, என்னை கைது செய்ய வைத்துள்ளார். என் மீது கெட்ட நோக்கத்துடன், பொய்யான கிரிமினல் வழக்கு பதிவு செய்யப்பட்டுள்ளது. எதற்காக கைது செய்யப்பட்டுள்ளேன் என்பதை கூட தெரிவிக்காமல், போலீசார் என்னை கோர்ட்டில் ஆஜர்படுத்தினார்கள். இந்த சம்பவம் அனைத்தையும் சுதந்திரமான அமைப்பை கொண்டு விசாரணை நடத்தி, உண்மை நிலவரத்தை கண்டறிந்து, தவறு செய்த அதிகாரிகள் மீது நடவடிக்கை எடுத்து, எனக்கு நீதி வழங்க வேண்டும் என்று தலைமை செயலாளரை நேரில் சந்தித்து மனு கொடுக்க உள்ளேன்,” என்றார்[9].

பெண்ணிடம் தகராறு 2013

பெண்ணிடம் தகராறு 2013

ஜேம்ஸ்  வசந்தன்  என்னை  ஆபாசமாக  திட்டினார். அவர்  மீது  வழக்கு  பதிவு  செய்ய  வேண்டும்’’-   பெண்ணீன்  புகார் (2013): இதுதொடர்பாக இருவருக்கும் பல முறை வாய்த்தகராறு ஏற்பட்டதாகவும் கூறப்படுகிறது. இந்நிலையில், ராதா பிரசாத் நீலாங்கரை போலீசில் புகார் அளித்தார். அதில் “ஜேம்ஸ் வசந்தன் என்னை ஆபாசமாக திட்டினார். அவர் மீது வழக்கு பதிவு செய்ய வேண்டும்’’ என்று கூறி இருந்தார்[10]. இதுகுறித்து போலீசார் மிரட்டல் மற்றும் பெண் வன்கொடுமை சட்டத்தின் கீழ் வழக்குப் பதிவு செய்தனர். வீட்டில் இருந்த ஜேம்ஸ் வசந்தனை கைது செய்தனர். பின்னர், ஆலந்தூர் கோர்ட்டில் ஆஜர்படுத்த இருந்தனர். இதையறிந்த பத்திரிகை நிருபர்கள் ஏராளமானோர் அங்கு வந்திருந்தனர். ஜேம்ஸ் வசந்தனை போலீசார் கோர்ட்டுக்கு அழைத்து வந்தபோது, அங்கிருந்த நிருபர்கள், உங்களை எதற்காக கைது செய்தனர் என கேட்டனர். அதற்கு அவர் பதிலளிக்கும்போது, போலீசார் எதிர்ப்பு தெரிவித்தனர்.

சர்ச்சைகளில் சிக்கியிருக்கும் ஜேம்ஸ் வசந்தன்

சர்ச்சைகளில் சிக்கியிருக்கும் ஜேம்ஸ் வசந்தன்

பதிலுக்கு ஜேம்ஸ் வசந்தன் கொடுத்த விளக்கம் (ஆகஸ்ட்.2013): அதற்கு ஜேம்ஸ் வசந்தன், ‘‘பத்திரிகையாளர்களிடம் பேசுவதற்கு எனக்கு உரிமை உள்ளது. இதை நீங்கள் தடுக்கக்கூடாது. அப்படி தடுத்தால், என்னை பேச விடாமல் தடுக்கும் உங்களை பற்றி அனைவரிடமும் கூறுவேன்’’ என்றார். இதனால், சிறிது சலசலப்பு ஏற்பட்டது. பின்னர், அவர் நிருபர்களிடம் கூறியதாவது: “நான் பாலவாக்கம் பீச் ரோட்டில் 2 வீடுகளை கட்டினேன். அந்த வீட்டை கட்டும்போது அதன் பின்புறம் உள்ள ராதா பிரசாத் என்ற பெண் என்னிடம் தகராறு செய்து, பல்வேறு தொல்லைகள் கொடுத்தார். நான் சிஎம்டிஏ அனுமதி பெற்று முறையாக வீடு கட்டியுள்ளேன். ஆனால், அவர்கள் முறையில்லாமல் கட்டியுள்ளனர். எனது மீது உள்ள காழ்ப்புணர்ச்சியில் பல்வேறு புகார்களை என்மீது அவர் கொடுத்துவருகிறார். இதுகுறித்து விசாரணை நடந்து வருகிறது. கடந்த 2ம் தேதி (02-08-2013) என் மகனை பள்ளியில் விட்டுவிட்டு காரில் வரும்போது, ராதா பிரசாத் அவரது காரை என் கார் மீது மோதுவதுபோல் வந்து சென்றார். ஆனால், இதுபற்றி நான் போலீசில் புகார் கூறவில்லை. இந்நிலையில் உதவி கமிஷனர் தலைமையில் சுமார் 50க்கு மேற்பட்ட போலீசார் என் வீட்டுக்கு வந்து என்னை கைது செய்வதாக கூறினர். நான் எதற்கு என்னை கைது செய்கிறீர்கள் என கேட்டேன். அதற்கு என்னை வலுக்கட்டாயமாக இழுத்தனர். நான் எந்த தவறும் செய்யவில்லை”, என்று விளக்கம் அளித்தார்[11].

ஜேம்ஸ் வசந்தன் அகடமி ஆப் மியூசிக்

ஜேம்ஸ் வசந்தன் அகடமி ஆப் மியூசிக்

பரஸ்பர குற்றாச்சாட்டு எடுபடவில்லை: மேலும் 65 வயது மூதாட்டிக்கு தான் எவ்வாறு பாலியல் தொந்தரவு கொடுக்க முடியும். தன் மீது நிலப் பிரச்சனை காரணமாக வேண்டும் என்றே பொய் வழக்கு பதிவு செய்து காவல் துறையினர் சிறையில் அடைத்தனர் என்றும், இதற்கு பின்னணியில் பெரிய மலையாளி அதிகார ஊடுருவல் இருப்பதாகவும் தெரிவித்துள்ளார். காவல்துறை முன்னிலையில் தன்னை தமிழ் நாய் என்று ராதாதேவிபிரசாத் இழிவு படுத்தியதாகவும், இது குறித்து புகார் அளித்தும் காவல்துறை அப்புகாரை ஏற்கவில்லை என்றும் குற்றம் சாட்டியுள்ளார். ஜேம்ஸ் வசந்தனுடன், அவரது மனைவியும் (ஹேமா) செய்தியாளர்கள் சந்திப்பில் கலந்து கொண்டார். காவல் துறையால் தாங்கள் எப்படி நடத்தப்பட்டோம் என்றும் அவர் கூறினார்[12].

 

ஜேம்ஸ் வசந்தின் மனைவி ஹேமா-ஹேமலதா-சுகந்தி

ஜேம்ஸ் வசந்தின் மனைவி ஹேமா-ஹேமலதா-சுகந்தி

ஜேம்ஸ் வசந்தனுக்கு எத்தனை மனைவிகள்?: மேலேயுள்ள விவரங்களிலிருந்து, ஜேம்ஸ் வசந்தனின் மனைவியின் பெயர் ஹேமா, ஹேமலதா, சுகந்தி என்று பலவிதமாகக் குறிப்பிடப்பட்டுள்ளன. எனவே ஒரு ஆண் எப்படி அவ்வாறு பல பெண்களுடன் இருக்கிறான் என்பதனைத் தட்டிக் கேட்கப்படுவதில்லை என்பது வியப்பாக உள்ளது. கிருத்துவத்தில் நடக்கும் திருமணங்கள் சர்ச்சுகளில் பதிவு செய்யப் பட்டு நடக்கும் என்கிறர்கள். பிறகு, எப்படி சுகந்தி என்ற மனைவி இருக்கும் போது ஹேமா மனைவியாக முடியும்? விஜிபி பிரசாத் தாஸ் ஹேமாவை விவாக ரத்து செய்திருந்தால், பிறகு ஜேம்ஸ் வசந்தன் சர்ச்சில் முறைப்படி திருமணம் செய்து கொண்டிருக்க வேண்டும். இல்லை அவர் கமல் ஹஸன் பாணியில் சேர்ந்து வாழ்ந்து கொண்டிருக்கிறாரா? மேலும் மனைவியுடன் பேட்டி கொடுக்கிறார் என்று புகைப்படங்களையும் வெளியிடுகிறார்கள். இது கமல் ஹஸன் பல நடிகைகளுடன் வாழ்ந்தது, குழந்தைகளைப் பெற்றுக் கொண்டது போலவே உள்ளது. ஒன்று கிருத்துவ ஒழுக்கத்திற்குக் கட்டுப்பட வேண்டும், இல்லை தமிழ் கலாச்சாரத்திற்கு கட்டுப்பட வேண்டும், இரண்டும் இல்லையென்றால், இவர்கள் எதனைப் பின்பற்றுகிறார்கள் என்பதை தெரிவிக்க வேண்டும்.

VGP family

VGP family

பெண்ணியவாதிகள், வீராங்கனைகள், சமூக சேவகிகள், கம்யூனிஸவாதிகள் முதலியோரும் இதனைக் கண்டு கொள்வதில்லை: மற்ற சமயங்களில் குடியே முழுகி விட்டது போல அலறுவார்கள், ஆர்பாட்டம் செய்வார்கள், ஆனால், இப்பொழுதோ இப்படி பேட்டிகள் கொடுத்துக் கொண்டிருந்தாலும், போட்டொ பிடித்துப் போட்டுக் கொண்டிருக்கிறார்கள். மேலும் கேவலம் என்னவென்றால், இவர்களால் தான் சமூகம் உருப்படப்போகிறது, தமிழுக்கு சேவை செய்கிறார்கள், கலைக்கு பாடுபடுகிறார்கள் என்றெல்லாம் போற்றப்படுவது. இல்லறத்தை ஒழுங்காகப் பேணிக்க்காக்கத் தெரியாதவர்களை எப்படி அவ்வாறு மதிக்கலாம் என்று கூட தமிழ்ம்ண்டைகளுக்குப் புரிவதில்லை. திருவள்ளுவருக்கு உயிரைவிடும் தியாகிகளும் இதனை வேசித்தனம் என்று சொல்வதில்லை. மாறாக பதவி, பட்டங்கள் எல்லாம் கொடுத்து கௌரவிக்கப் படுகிறார்கள். பல்கலைக்கழகங்களில் “டாக்டர்” பட்டம் வேறு!

வேதபிரகாஷ்

© 08-02-2014


[2] தினமணி, இசையமைப்பாளர்ஜேம்ஸ்வசந்தன்மீதுமனைவிபரபரப்புபுகார், பிப்ரவரி.8, 2014.

[3] இந்த இசைப் பள்ளியை பற்றி மேலும் தகவல்கள் அறிய jvamchennai@gmail.com என்ற மின்னஞ்சல் மற்றும் 99400-44433, 98410-49022 என்ற கைபேசி எண்ணிலும் தொடர்பு கொள்ளலாம். அத்துடன் ஜேம்ஸ் வசந்தன் அகடமி ஆப் மியூசிக்-ன் பிரத்யேக இணையதளமான www.jvacademy.com என்ற முகவரியிலும் இதன் தகவல்களை அறிந்துகொள்ளலாம். http://tamil.chennaionline.com/cinema/news/newsitem.aspx?NEWSID=d6549a56-c43e-4449-adee-cd0e3bc241c3&CATEGORYNAME=TFILM

[4] நக்கீரன், பிரபலஇசையமைப்பாளர்மீதுஅவரதுமனைவிபோலீசில்பரபரப்புபுகார், பிப்ரவரி.8, 2014.

[5] சென்ற வருடம் வெளிப்படையாக பேட்டி கொடுத்தபோது ஏன் அமைதியாக இருந்தார் என்று தஎரியவில்லை.

[10] தினகரன், ஆபாசமாக திட்டியதாக பெண் புகார் இசை அமைப்பாளர் ஜேம்ஸ் வசந்தன் கைது, ஆகஸ்ட்.2, 2013.

கல்லூரி மாணவி, பாலியல் பலாத்காரம் செய்த அக்காள் புருஷன், கொலையில் முடிந்த நிலை – அடைக்கலத்திற்கு வந்த பெண்ணின் சோகக் கதை.

பிப்ரவரி3, 2014

கல்லூரி மாணவி, பாலியல் பலாத்காரம் செய்த அக்காள் புருஷன், கொலையில் முடிந்த நிலை – அடைக்கலத்திற்கு வந்த பெண்ணின் சோகக் கதை.

 

மாத்யூ பினுராஜ் கொலை செய்யப் பட்ட காமுகன்

மாத்யூ பினுராஜ் கொலை செய்யப் பட்ட காமுகன்

சப்இன்ஸ்பெக்டரின் மகன் பாலியல் பலாத்காரத்தில் ஈடுபட்டது: கற்பழிக்க முயன்ற, அக்காவின் கணவரை, கழுத்தை அறுத்து கல்லூரி மாணவி, கொலை செய்த சம்பவம், மாதவரத்தில் பரபரப்பை ஏற்படுத்தியுள்ளது என்று வழக்கம் போல ஊடகங்கள் செய்தியைக் கொடுத்துள்ளது. மாதவரம் பால்பண்ணை, டெலிபோன் காலனி, 1வது தெருவில் உள்ள அடுக்குமாடி குடியிருப்பை சேர்ந்தவர், சோபன்ராஜ். ஓய்வுபெற்ற சப்-இன்ஸ்பெக்டர். இவருடைய மகன் மேத்யூ பினுராஜ், 32 [Mathew Binuraj]. அண்ணா நகரில், ரியல் எஸ்டேட் தொழிலும், பழைய கார்களை வாங்கி, விற்கும் தொழிலும் செய்து வந்தார். அவரது மனைவி, ஹேமா, 26, மாதவரத்தில் உள்ள அரசு ஆரம்ப சுகாதார நிலையத்தில் / கார்புரேசன் ஆஸ்பத்திரியில் நர்சாக வேலைபார்த்து வருகிறார்[1]. கடந்த 9 ஆண்டுகளுக்கு முன்பு இருவரும் காதல் திருமணம் செய்து கொண்டனர். அவர்களுக்கு, ஒன்பது ஆண்டுகளுக்கு முன் திருமணமானது. எட்டு வயதில் மெர்லின் ஜோசப் [Merlin Joseph] ஒரு மகன் உள்ளான்[2].

 

மாத்யூ பினுராஜ் கொலை செய்யப் பட்ட காமுகன் மாதவரம்

மாத்யூ பினுராஜ் கொலை செய்யப் பட்ட காமுகன் மாதவரம்

அனாதையான பெண்களின் நிலை: போலீஸ் விசாரணையில் கைதான கல்லூரி மாணவி குறித்து உருக்கமான தகவல்கள் கிடைத்து உள்ளன[3]. அது வருமாறு:- ஹரிபிரியாவின் தந்தை கோபால். தாயார் பாக்கியலட்சுமி. உடன் பிறந்தவர்கள் ஹேமா, சுகன்யா. ஹரிபிரியா கடைசி மகள். முதல் 2 மகள்களுக்கு திருமணம் நடந்த நிலையில் தாயார் பாக்கியலட்சுமி கடந்த 1997-ல் இறந்து விட்டார். 2006-ல் தந்தை கோபாலும் இறந்து விட்டார். இதனால் ஹரிபிரியா அனாதை ஆனார். மூத்த மகளான ஹேமா, தனது தங்கை ஹரிபிரியாவை தனது வீட்டிலேயே தங்க வைத்து கடந்த 7 வருடங்களாக மகள்போல் பாவித்து வளர்த்து வந்தார். தனது வீட்டுக்கு வந்த நாள் முதல் மைத்துனி ஹரிபிரியா மீது மேத்யூக்கு தவறான மோகம் ஏற்பட்டது. கடந்த 4 ஆண்டுகளாக அவருக்கு பாலியல் ரீதியான தொந்தரவு கொடுத்து வந்தார். அதாவது, ஏழ்மை மற்றும் அடுத்தவர் தயவில் அண்டிக் கிடக்கவேண்டிய நிலையைத்தான் காமக்கயவர்கள் உபயோகித்துக் கொள்ளப் பார்க்கிறர்கள் என்று தெரிகிறது. மேலும், ஒரு பக்கம் சோபன் ராஜ், மாத்யூ பினுராஜ் என்றிருக்கிறது, இன்னொரு பக்கம் கோபால், பாக்கியலட்சுமி, ஹேமா, ஹரிபிரியா என்றெல்லாம் உள்ளது. ஹேமா- மாத்யூ பினுராஜ் காதலித்து திருமணம் செய்து கொண்டுள்ளனர் என்றும் உள்ளது. பிறகு, இப்படி தொடர்ந்து 7 ஆண்டுகளாக தொந்தரவு செய்து வரும் நிலை, ஹரிபிரியா பொறுத்து வந்த நிலை முதலியவை வேறு காரணங்கள் உள்ளனவா என்றும் நினைக்கத் தோன்றுகிறது. சோபன்ராஜின் நிலை இதில் சூன்யமாக இருப்பதும் சந்தேகமாக இருக்கிறது.

 

மாத்யூ பினுராஜ் கொலைசெய்யப்பட்ட காமுகன்

மாத்யூ பினுராஜ் கொலைசெய்யப்பட்ட காமுகன்

கணவன்மனைவிதகராறு – உள்நோக்கம் கொண்ட கணவன்: இதுபற்றி ஹரிபிரியா தனது அக்காவிடம் கூறி அழுதார். அவர் கணவரை கண்டித்தார். இதனால் ஹேமாவுக்கும், மேத்யூவுக்கும் தகராறு ஏற்பட்டது. தன்னால் தனது அக்காவின் வாழ்க்கை பாதிக்கக்கூடாது என்று கருதிய ஹரிபிரியா, தான் விடுதியில் தங்கி கல்லூரிக்கு சென்று படிப்பதாக அக்காவிடம் கூறினார். ஆனால் அதற்கு ஹேமா மறுத்து விட்டார். இதை அறிந்த மேத்யூ, “நீ விடுதி சென்று படித்தால் உனது அக்காவை நான் விவாகரத்து செய்து விடுவேன். கொலையும் செய்து விடுவேன்” என்று ஹரிபிரியாவை மிரட்டியதாக தெரிகிறது. இதனால் பயந்து போன அவர், அக்காள் கணவரின் பாலியல் தொந்தரவுகளை தாங்கிக்கொண்டு வீட்டில் தங்கி கல்லூரி சென்று வந்தார். இதனால் ஏற்பட்ட மன உளைச்சலில் அவர் சரியாக படிக்க முடியாமலும் தவித்து வந்து உள்ளார். மாத்யூ பினுராஜ் திட்டமிட்டே, செய்து வந்தது தெரிகிறது, மனைவியை இவ்வாறு பிளாக்மெயில் செய்து, அவளை அடையலாம் என்று காத்துக் கிடந்ததும் தெரிகிறது.

தடுத்த தாயார், மனைவி – ஆனால் பலமுறைமுயற்சி செய்த காமக்கொடூரன்[4]: ஹேமாவின், தாயார், லில்லி மற்றும் தங்கை சுபா, 23, (பெயர் மாற்றப்பட்டுள்ளது) ஆகியோரும், பினுராஜின் வீட்டில் உடன் தங்கி இருந்தனர். சுபா, பெரம்பூரில் உள்ள தனியார் கல்லூரியில், பி.காம்., இறுதியாண்டு படித்து வருகிறார். தன் வீட்டில் தங்கி இருக்கும் சுபாவை, தன் வலையில் வீழ்த்த, பினுராஜ் பலமுறை முயன்று உள்ளார்[5].  மேத்யூ, சுபாவிவிற்கு கடந்த 7ஆண்டுகளாக அடிக்கடி பாலியல் தொல்லை கொடுத்தாக கூறப்படுகிறது[6]. தடுத்தும் பலனில்லை, இந்த நிலையில், 01-02-2014 அன்று, நள்ளிரவு 2:00 மணிக்கு, மது போதையில், வீடு திரும்பிய பினுராஜ், சுபாவை அடையும் முயற்சியில் ஈடுபட்டார். அப்போது, அவரது மனைவி மற்றும் மாமியார் ஆகியோர், அவரது வெறிச்செயலை தடுத்தனர். ஆனால், அவர்களை அடித்து, வீட்டிற்கு வெளியில் தள்ளி, கதவை உள்பக்கம் தாழிட்டார். போதையின் உச்சத்தில் தனது மனைவி ஹேமாவின் வாயில் வலுக்கட்டாயமாக மதுவை  ஊற்றி மயக்கமடைய செய்துள்ளார்[7]. அதன்பின், சமையலறையில் பதுங்கி இருந்த சுபாவை கற்பழிக்க முயன்றார்[8].

 

கற்பழிக்கமுயன்றஅக்காகணவரைகழுத்தறுத்துகொன்றகல்லூரிமாணவி[9]: அக்கா கணவரிடம் இருந்து, தன்னை காப்பாற்றி கொள்ள துணிந்த சுபா, அந்த அறையில் இருந்த பெரிய கத்தியால், பினுராஜின் தலையில் பலமாக அடித்தார். அதில், பினுராஜ் மயங்கி விழுந்தார். ஆத்திரம் தணியாத சுபா, பினுராஜின் கழுத்தை அறுத்து கொலை செய்தார். தகவல் அறிந்த, மாதவரம் போலீசார் சம்பவ இடத்திற்கு சென்று, பினுராஜின் உடலை மீட்டனர். கொலை தொடர்பாக, சுபாவை கைது செய்தனர். கற்பழிக்க முயன்ற அக்கா கணவரை, கொழுந்தியாள் கொன்ற சம்பவம், மாதவரம் பால்பண்ணை பகுதியில், பெரும் பரபரப்பை ஏற்படுத்தியுள்ளது. இந்த சம்பவத்தில் இந்திய தண்டனை சட்டம் 302–வது சட்டப்பிரிவின் கீழ்  சுபா / ஹரிப்ரியா / ரேகா[10] மீது வழக்கு பதிவு செய்யப்பட்டது. பின்னர் விசாரணை நடத்திய போலீஸார் ஹரிப்பிரியாவிடம் எழுதி வாங்கிக்கொண்டு மனிதாபிமான அடிப்படையில் விடுவித்தனர்.

 

தற்காப்பிற்காக நடந்த கொலை: இது குறித்து காவல்துறை அதிகாரி ஒருவர் கூறுகையில் இந்திய தண்டனை சட்டம் 100–வது பிரிவின் கீழ் ஆறு விதமான தற்காப்பு சம்பவங்களில் எதிராளியிடம் இருந்து தற்காத்துக் கொள்ள, பாதிக்கப்படும் நபர் ஆயுதத்தை எடுத்தால் தப்பில்லை என்று குறிப்பிடப்பட்டுள்ளது. பலாத்கார முயற்சியின் போது, பெண் ஒருவர் தன்னை தற்காத்துக்கொள்ள, என்ன வேண்டுமானாலும், செய்யலாம் என்பதே அதன் அர்த்தமாகும். எனவே 02-02-2014 அன்று காலை வரையிலும் மாணவி ஹரிப்ரியாவை நாங்கள் சிறைக்கு அனுப்பவில்லை. தற்போது அவர் மீது கொலை வழக்கு பதிவு செய்யப்பட்டிருந்தாலும், சாதாரண சட்டப்பிரிவின் கீழ் அதனை மாற்றலாமா? என்பது பற்றியும் ஆலோசித்து வருகிறோம் என்றார்[11]. போலீஸ் கமிஷனர் ஜார்ஜ் மேற்பார்வையில் வடசென்னை இணை கமிஷனர் ஸ்ரீதர், மாதவரம் துணை கமிஷனர் விமலா, உதவி கமிஷனர் சங்கரலிங்கம், இன்ஸ்பெக்டர் கிருஷ்ணமூர்த்தி ஆகியோர் தொடர்ந்து ஆலோசித்து வருகிறார்கள்[12]. அருகில் உள்ளவர்கள் மாத்யூ எப்பொழுதும் குடித்து வருவது வழக்கம் மற்றும் நண்பர்களும் அவ்வாறே கலாட்டா செய்து வருகின்றனர் என்று அறிவித்தனர்.

 

ஆதரவு கூறும் மற்றவர்கள்: கல்வியில் ஆர்வம் சந்தர்ப்பவசத்தால் கொலை வழக்கில் சிக்கிய சுபா, கல்வியில் ஆர்வமுள்ள மாணவி. தேர்வுகளில், அவர் 88 சதவீதம் மதிப்பெண்களை பெற்றுள்ளார். தன் அக்கா கணவரின் தொல்லை குறித்து, தனது கல்லூரி தோழிகளிடம் கூறி, பலமுறை அழுதிருக்கிறார். அப்போது அவர்கள், படிப்பை முடித்து, நல்ல வேலையில் சேர்ந்து விட்டால், சுயமாக வாழலாம் என்று அவருக்கு ஆறுதல் கூறியுள்ளனர். அதே போன்று மாணவி சுபாவிற்கு ஆதரவாக, மாதவரம் சுற்றுவட்டாரப் பகுதி அனைத்திந்திய மாதர் சங்கத்தினரும் குரல் கொடுத்துள்ளனர்[13]. என்னதான் இருந்தாலும், தாய்-தந்தையர் இல்லாத நிலையில் இளம்பெண்கள் இவ்வாறு அவதிபடும் நிலையில் தான் இருக்கிறார்கள் என்பது வருத்தப்பட வேண்டிய விசயமாக இருக்கிறது. ஒருபக்கம் அடைக்கலம் தருகிறோம் என்பது, மறுபக்கம் காமத்துடன் நடக்க முயல்வது என்பது குறிப்பிட்ட ஆண்களின் வேலையாக இருக்கிறது. இவர்கள் மாறாவிட்டால், மாற்ரத்தான் வேண்டியுள்ளது.

 

வேதபிரகாஷ்

© 03-02-2014

 

 


[3] தினத்தந்தி, பலாத்காரம்செய்யமுயன்றதால்ஆத்திரம்அக்காள்கணவரைகழுத்தைஅறுத்துகொன்றகல்லூரிமாணவிகைது, பிப்ரவரி 1, 2014.

[6] தினமணி, பலாத்காரமுயற்சியில்அக்காள்கணவர்கொலை: கைதானகல்லூரிமாணவியைவிடுவித்தபோலீஸார், பிப்ரவரி 1, 2014

[9] தினமலர், கற்பழிக்கமுயன்றஅக்காகணவரைகழுத்தறுத்துகொன்றகல்லூரிமாணவி, பிப்ரவரி 1, 2014

[11] தினமணி, பலாத்காரமுயற்சியில்அக்காள்கணவர்கொலை: கைதானகல்லூரிமாணவியைவிடுவித்தபோலீஸார், பிப்ரவரி 1, 2014