Archive for the ‘கல்யாண மன்னன்’ Category

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி – ஆறு கணவன்மார்கள் புகார் செய்யவில்லை – அதனால் விடுதலை!

ஜூன்15, 2016

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி – ஆறு கணவன்மார்கள் புகார் செய்யவில்லை – அதனால் விடுதலை!

Selvakumar marrying Mariammal - Pavithra

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி: பிரச்சினை பெரியதாவது உணர்ந்த பவித்ரா விசயத்தை கமுக்கமாக முடித்துக் கொள்ள முயன்றாள். மற்ற ஆறு கணவர்கள் வெளிப்படையாக வராமல் இருப்பதும் நோக்கத்தக்கது. ஒரு வேளை, போலீசாரும் அத்தகைய ஐடியாவைக் கொடுத்திருக்கலாம். அதனால், பவித்ரா உடனடியாக 15 பவுன் நகையை செல்வகுமாரிடம் கொடுத்தார். இதையடுத்து, செல்வகுமார் நகையை வாங்கி கொண்டு பவித்ரா மீது கொடுத்த புகாரை திரும்ப பெற்று கொண்டு சென்றுவிட்டார். அத்துடன் அக்டோபர் 2015 முதல் மே 2016 வரை நடந்த தாம்பத்திய உறவு முடிந்து விட்டது போலும்! முறையான விவாக ரத்துப் பற்றி கூட கவலைப்படவில்லை என்றால், முறாஇயா அத்திருமணம் பதிவு செய்யப்பட்டதா, இல்லையா என்ற கேள்வியும் எழுகின்றது. பவித்ராவின் மற்ற கணவர்கள் பற்றிய விவரம் தெரியவில்லை. அவர்கள் யாரும் புகார் அளிக்காததால் பவித்ராவிடமும், முதல் கணவர் கர்ணனிடமும் போலீசார் எழுதி வாங்கி கொண்டனர். ஆனால், முறையாக விவாகரத்து நடந்ததா, செய்த திருமணங்கள் செல்லுமா, இது குற்றமாகுமா என்றெல்லாம் போலீசார் ஆராய்ச்சி செய்யவில்லை என்பது பெரிய வேடிக்கைதான். பின்னர், போலீஸ் விசாரணைக்கு அழைத்தால் தான் எப்போது வேண்டுமானாலும் வரத் தயார் என்றும், இனி இதுபோல யாரையும் ஏமாற்றி திருமணம் செய்ய மாட்டேன் என்றும் உறுதி மொழி அளித்த பின் பவித்ரா என்ற மாரியம்மாள் விடுவிக்கப்பட்டதாக போலீசார் தெரிவித்தனர்[1].

Selvakumar marrying Mariammal - Pavithra-seveth marriageஆறு கணவர்கள் புகார் கொடுக்கவில்லை – அதனால் வழக்கில்லை, பெண் விடுதலை: “இனி இதுபோல யாரையும் ஏமாற்றி திருமணம் செய்ய மாட்டேன்” என்பதும் ஆச்சரியம் தான். அதாவது, இதுவரை செய்தது மோசடி, போலி திருமணம், சட்டத்திற்குப் புறம்பானது என்று தெரிகிறாது. பிறகு போலீசார் எப்படி விடுவிக்கலாம். கல்யாண ராணியிடம் ஏமாந்த விஷயத்தில் புகார் தர அவரது மாஜி கணவர்கள் யாரும் முன் வராத காரணத்தால் அவர் மீது வழக்கு பதிவு செய்யப்படவில்லை[2]. அதாவது, அவர்கள் திருமணம் செய்து கொண்டதே சந்தேகத்தில் உள்ளது. மேலும் அவர்கள் தங்களது விவரங்கள் வெளியே வர விரும்பவில்லை என்றும் தெரியவில்லை. அப்படியே விவகாரங்களை அமுக்கவே அவர்கள் முயல்கிறாற்கள், தீர்மானமாக இருக்கிறாற்கள் என்று தெரிகிறது. செல்வகுமாரிடம் வாங்கிய நகைகளைத் திரும்ப கொடுத்தது போல, அவர்களிடம் ஏன் நகைகளைத் திரும்ப கொடுக்கவில்லை என்பதும் கேள்விக்குறியாக உள்ளது. இந்த திருமண மோசடிக்கு தாராபுரம், உடுமலை, பழனி, திருப்பூர் பகுதிகளைச் சேர்ந்த திருமண புரோக்கர்கள் 9 பேர் உதவி செய்துள்ளனர்[3]. இவர்களது விவரம் குறித்து போலீசார் விசாரித்து வருகின்றனர், என்று செய்தி முடிகிறது[4]. குற்றம் செய்த பெண்ணையே விடுவித்த பிறகு, கல்யாண தரகர்களை என்ன செய்யப் போகிறார்கள் என்று தெரியவில்லை.

Selvakumar marrying Mariammal - with many witnessesபோலித் திருமணமா, குறுகிய கால தாம்பத்தியமா, விபச்சாரமா: ஒரு பெண் ஏழு பேரைத் திருமணம் செய்து கொண்டு உறவு வைத்துக் கொள்கிறாள் என்றால், சட்டப்படி அவள் ஆறுமுறை விவாகரத்து செய்து கொண்டு, ஏழாவது திருமணத்திற்கு தயாராகி இருந்திருக்க வேண்டும். இந்த உறவுகளை என்னென்பது, ஏதென்பது. கற்பைத் துச்சமாக மதித்து ஏழு கணவர்களுடன் முதலிறவு நடத்தியுள்ளாள் என்றால், அவளை மனைவி என்பதா, தருமப் பத்தினி என்பதா, திராவிட வழக்கில் துணைவி என்பதா என்று புரியவில்லை. மனம்-உடல் இரண்டுமே ஒத்துப் போனால் தான் ஒரு பெண் அவ்வாறு செய்ய முடியும். ஓரளவிற்கு விபச்சாரி போன்ற மனநிலையை அடைந்திருக்க வேண்டும். கணவன், இவற்றிற்கெல்லாம் ஒப்புக்கொள்கிறான் என்றால், அவனும் ஒரு புரோக்கராகி விட்டான் என்றே ஆகிறது! பிறகு இவர்கள் மற்றவர்களின் திருமண பந்தத்தைப் பற்றி என்ன கவலைப் பட போகிறார்கள்? ஆகவே, பணம், நகை கிடைக்கும் என்றாலும், இப்பெண் தனது உடலை வைத்து வியாபாரத்திற்கு ஒப்புக் கொண்டுள்ளாள் என்று தெரிகிறது. மனைவியாக இருந்து, சல்லாபித்து, நம்பிக்கையைப் பெற்ற பிறகு தான், எந்த பெண்ணும் கணவனிடமிருந்து, நகை, பணம் முதலியவற்றைப் பெறா முடியும். அந்நிலையின் கணவனது தாய்-தந்தையர், குடும்பத்திற்கும் விவரங்கள் தெரிய வரும்.

Selvakumar marrying Mariammal - with many witnesses-TVஒழுக்கமற்ற, குடும்பங்களை, சமுதாயத்தை சீரழிக்கும் குற்றம்: தாராபுரம், உடுமலை, பழனி, திருப்பூர் பகுதிகளில் அப்படியொன்றும் மக்களை ஏமாற்றிவிட முடியாது. எனவே, இதில் சம்பந்தப்பட்ட கணவர்களுக்கும் சபலம் இருந்ததா, அவ்வாறு ஜாலியாக இருக்க வேண்டும் என்ற எண்ணத்தில், புரோக்கர்கள் மூலம் ஒப்புக் கொண்டு நடந்து கொண்டனரா, அல்லது புரோக்கர்கள் மூலம் ஏமாற்றப்பட்டனரா என்று விசாரிக்க வேண்டும். குறிப்பிட்ட காலத்தில் ஏழு ஆண்களுடன் திருமணம், முதலிறவு, குறுகிய காலத்தில் தொடர்ந்த உறவு என்றேல்லாம் இருப்பது, எந்தவிதத்திலும் ஏற்புடையதல்ல. அப்பெண் துணிந்து விட்டதாலும், முதல் கணவனே அவ்வாறு ஒப்புக் கொண்டு செய்வதாலும், இது மிகவும் அசிங்கமாகி விட்டிருக்கிறது. மோசடி செய்து சம்பாதிக்க இது ஒரு வழியாக்க முடியாது. பணம் உள்ளவர்கள், மோகத்திற்குக் கூட உபயோகித்துக் கொண்டிருக்கலாம். ஆனால், அதுவும் ஒழுக்கமாகாது. குடும்பங்களை சீரழிக்கும், பிளவுகளை ஏற்படுத்தும், உடைக்கும்,  என்ற நிலைகளும் உள்ளன. அதனால் தான், ஆறு பேர் அமைதியாக இருக்கிறார்கள் போலும். இது சமுதாயத்தை சீரழிக்கும் வேலை என்பதால் குற்றமாகத்தான் கருத வேண்டும்.

போலி மோசடி திருமணங்கள்பெண்மைப் பிரச்சினைகள் பெண்கள் ஏன் முறையாக அணுகுவதில்லை: பெண்ணியத்தவர், பெண்ணிய சித்தாந்திகள், பெண்ணிய வீராங்கனைகள், “தமிழச்சி” என்று சொல்லி மார்தட்டிக் கொண்டு உலாவரும் நவநகரிக பெண்டிர் முதலியோர் இத்தகைய சமூக சீரழிவுகளை ஏன் கண்டுகொள்ளாமல் இருக்கிறார்கள் என்று தெரியவில்லை. திராவிடத்துவவாதிகள் இப்படி தமிழ் பெண்கள் பாழாகின்றனரே, சோரம் போகின்றனரே என்று வருத்தப் படுவதாக அறியப்படவில்லை. இந்துத்துவவாதிகள் கூட இத்தகைய, முக்கியமான பிரச்சினைகளை எடுத்துக் கொள்வதில்லை. ஊடகங்களோ, “கல்யாண ராணி” என்று தலைப்புப் போட்டு, செய்திகள் வெளியிட்டு, விட்டுவிடுன்றன. ஆனால், பாதிக்கப் பட்ட பெண்மை மற்ற பெண்களையும் பாதிக்காதா, சமூகத்தை தாக்காதா, இதனால் ஏற்படும் விளைவுகளை யார் சந்திப்பது என்று யோசிக்க வேண்டும். பெண்மை பற்றி நடத்தும் சஞ்சிகைகளும், சமையல், புடவை, அலங்காரம், கோலப்போட்டி போன்றவற்றைத் தவிர இத்தகைய பிரச்சினைகளை வாதிப்பது, விவாதிப்பது, அலசுவது இல்லை.

போலி திருமணங்கள்© வேதபிரகாஷ்

15-06-2016

 

[1] தினகரன், புகார் கொடுக்க யாரும் முன்வராததால் 7 பேரை ஏமாற்றி திருமணம் செய்த கல்யாண ராணி விடுவிப்பு, Date: 2016-06-15@ 00:57:42

[2] http://www.dinakaran.com/News_Detail.asp?Nid=224157

[3] தமிழ்முரசு, 8வது திருமணத்துக்கு ரெடி 7 பேரை மணந்த கல்யாண ராணிகைது, 06/14/2016 2:20:23 PM

[4] http://tamilmurasu.org/Tamil_News_Details.asp?Nid=94067

 

தமிழச்சிகளின் வீரமா, திராவிடச்சிகளின் சோரமா, பெண்ணிய வீரங்களின் உரிமைகளா, என்னென்பது, ஏதென்பது?

பிப்ரவரி27, 2015

தமிழச்சிகளின் வீரமா, திராவிடச்சிகளின் சோரமா, பெண்ணிய வீரங்களின் உரிமைகளா, என்னென்பது, ஏதென்பது?

வலையில் விழுந்த தொழிலதிபர்கள் 5வது திருமணம் செய்ய முயன்ற கல்யாண ராணி சிக்கியது எப்படி

வலையில் விழுந்த தொழிலதிபர்கள் 5வது திருமணம் செய்ய முயன்ற கல்யாண ராணி சிக்கியது எப்படி

பேச்சால் ஆண்களை மயக்கிய கல்யாண ராணி: 5வது திருமணத்துக்கு முயன்ற இளம்பெண் போலீசில் சிக்கினார்: பரபரப்பு தகவல்கள்:  இதுவரை கல்யாண மன்னன்கள், திருமண ராஜாக்கள், காதல் அரசன்கள் என்றெல்லாம் கேள்வி பட்டோம். அதாவது, ஒரு ஆண் பல பெண்களை ஏமாற்றிக் கல்யாணம் புரிந்து கொண்ட சமாச்சாரங்கள். இப்பொழுது, அதே போல ஒரு பெண் மாறியுள்ளாள். “நகை, பணத்துக்காக 4 வாலிபரை திருமணம் செய்து ஏமாற்றிய பெண் கைது”, “காதல் வலையில் பணக்கார வாலிபர்கள்…4 பேரை ஏமாற்றி திருமணம் செய்த கில்லாடி பெண்”, “வசீகர பேச்சால் ஆண்களை மயக்கிய கல்யாண ராணி: 5வது திருமணத்துக்கு முயன்ற இளம்பெண் போலீசில் சிக்கினார்: பரபரப்பு தகவல்கள் ”, “வலையில் விழுந்த தொழிலதிபர்கள்: 5வது திருமணம் செய்ய முயன்ற கல்யாண ராணி சிக்கியது எப்படி?,”, என்றெல்லாம் செய்திகள் வந்துள்ளன. ஏற்கெனவே, ஆர்குட்டினால் பெண்கள் சீரழிந்தனர்; செல்போன் காதலால் சோரம் போக நேரிட்டது; பேஸ்புக்கினால் கற்பிழந்தனர்; இதை பெண்ணுரிமைகள் என்பதா, நவநாகரிக மனித உரிமைகள் என்பதா, மேற்கத்தைய கலாச்சாரத்தின் தாக்கம் என்பதா, தமிழச்சிகளில் சமூக பிறழ்சி என்று விளக்கம் கொடுப்பதா என்று பெண்கள், பெண்ணிய வீராங்கனைகள், தமிழச்சிகள் தாம் தீர்மானிக்க வேண்டும்.

இந்து, சுபிக்‌ஷா, சவுந்தரவள்ளி, காயத்ரி

இந்து, சுபிக்‌ஷா, சவுந்தரவள்ளி, காயத்ரி

சீனிவாசன் புகார்நவம்பர் 2014ல் திருமணம், பிப்ரவரி 2015ல் புகார்[1]: சென்னை பி.வி.எஸ்.நகரை சேர்ந்தவர் சீனிவாசன் கட்டிட காண்டிராக்டர். வீடு, அலுவலகங்களில்  உள் அலங்காரம் செய்யும் தொழில் செய்து வருகிறார்.  இவர் கடந்த 2014 நவம்பர் மாதம் மணமகன் தேவை என்ற விளம்பரத்தை இணையதளத்தில் பார்த்துள்ளார். அதில், மணமகளின் பெயர், கோவையை சேர்ந்த காயத்ரி (30), பிஎஸ்சி பட்டதாரி என்று குறிப்பிட்டு இருந்தது. உடனே அதில் இருந்த செல் எண்ணில் காயத்ரியை தொடர்பு  கொண்டு சீனிவாசன் பேசினார். இதையடுத்து இருவருக்கும் திருமணம் நடந்தது.  இவர் திருமங்கலம் அனைத்து மகளிர் காவல்நிலையத்தில் நேற்று புகார் மனு அளித்தார்[2]. அதில், ‘‘கோவையை சேர்ந்த பி.எஸ்.சி. பட்டதாரி பெண் காயத்ரி என்ற பெண்ணை கடந்த 2014–ம் ஆண்டு நவம்பர் மாதம் திருமணம் செய்துக்கொண்டேன். திருமணத்துக்கு பிறகு அவள் நடத்தையில் எனக்கு சந்தேகம் ஏற்பட்டது. சில தினங்களுக்கு முன்பு காயத்ரியின் செல்போனை பார்த்தபோது அதில், ஏராளமான ஆண்களின் எண்கள் இருந்தன. உடனே சீனிவாசன் அந்த நம்பர்களுக்கு தொடர்பு கொண்டு பேசிய போது காயத்ரிக்கு ஏற்கனவே பல திருமணம் முடிந்தது தெரிய வந்தது. விசாரணையில் அவள் ஏற்கனவே 3 பேரை திருமணம் செய்து அவர்களிடம் இருந்து நகை–பணத்தை அபகரித்துக்கொண்டு ஏமாற்றி விட்டு என்னை மணந்துள்ளது தெரியவந்தது. தற்போது 5–வதாக இன்னொரு வாலிபரை திருமணம் செய்து கொள்ள முயற்சிக்கிறார். அவள் மீது நடவடிக்கை எடுக்க வேண்டும்’’ என்று கூறியுள்ளார்[3].

கல்யாண ராணி - ஐந்து திருமணங்கள்

கல்யாண ராணி – ஐந்து திருமணங்கள்

இந்து, சுபிக்‌ஷா, சவுந்தரவள்ளி, காயத்ரி…………எல்லாமே நான்தான் எனும் வீராங்கனை[4]: இந்து, சுபிக்‌ஷா, சவுந்தரவள்ளி, காயத்ரி ….இதெல்லாம் கடைப்பெயர்களோ, சாம்பு-சோப்புகளின் நாமங்களோ இல்லை. சீனிவாசன் என்பவர் மாட்டிக் கொண்ட பெண்ணின் பெயர்கள். இவர் ஏமாந்ததால், போலீஸில் புகார் கொடுத்தார். திருமங்கலம் அனைத்து மகளிர் காவல் நிலையம் இன்ஸ்பெக்டர் பிரான்வின் டேனி இந்திய குற்றவியல் சட்டப் பிரிவுகளில் பெயர்மாற்றம் செய்து ஏமாற்றுதல், மோசடி செய்தல், ஏமாற்றுதல் முதலிய குற்றங்களுக்காக [ sections 294 (b), 417, 419 (punishment for cheating by personation) , 406 (punishment for criminal breach of trust) and 420 (cheating)[5]] வழக்குப்பதிவு செய்து, காயத்ரியை பிடித்து விசாரணை நடத்தினார். விசாரணையில் அவளது உண்மையான பெயர் இந்து என்பதும், தாய்–தந்தை இல்லாத அவர் கோவையில் உள்ள ஒரு விடுதியில் தங்கி பி.எஸ்.சி. படித்து வந்ததும் தெரியவந்தது. இணையதளம் மூலம் வரன் தேடி வசதியான வாலிபர்களை தனது காதல் வலையில் வீழ்த்தி அவர்களை திருமணம் செய்து நகை–பணத்தை அபகரித்த பின் அவர்களை கழற்றி விடுவதும் தெரியவந்தது. இதற்காக அவள் தனது பெயரை இந்து, சுபிக்‌ஷா, சவுந்தரவள்ளி, காயத்ரி என பல பெயரை மாற்றி மோசடி செய்து உள்ளார்[6]. தனது வயதையும் குறைத்து தனது பெயரை பதிவு செய்துள்ளார். இதை நம்பி ஏராளமான ஆண்கள், அவரை தொடர்பு கொண்டு பேசும்போது, வசீகரமாக பேசி அவர்களை வலையில் சிக்க வைத்துள்ளார். முக்கியமாக காயத்ரி, தனது சாதியினரை மட்டுமே ஏமாற்றியுள்ளார் என்பதும் தெரியவந்துள்ளதாக போலீசார் தெரிவித்தனர்[7].

பலதார உரிமைகள் மற்றவர்களுக்கு உண்டு என்றால், எங்களுக்கும் உண்டு

பலதார உரிமைகள் மற்றவர்களுக்கு உண்டு என்றால், எங்களுக்கும் உண்டு

ஐந்தாண்டுகளில் ஐந்து ஆண்களுடன் உறவு[8]: பெண்கள் வாழ்க்கையை அனுபவிக்க வேண்டும், ஜாலியாக செலவழிக்க வேண்டும், ஊரைச் சுற்ற வேண்டும், கார்-பங்களா என்று சொகுசு வாழ்க்கை வேண்டும் அதற்காக சிறிது “அட்ஜெஸ்ட்” செய்து கொண்டால் தவறில்லை என்ற எண்ணம் வலுப்பட்டுள்ளது. “கற்பு” பற்றிய மேன்மை, உயர்ந்த சிந்தனைகள் முதலியவை நீர்த்துபோய் விட்டுள்ளன. ஒரு தடவை போனால் என்ன, பலதடவை போனால் என்ன, போனது போனது தானே, இதைப் பற்றி யாரும் கவலைப்படப் போவதில்லை என்று துணிந்து இம்மாதிரியான உறவுகளில் ஈடுபட ஆரம்பிக்கிறார்கள். இல்லையென்றால், ஐந்தாண்டுகளில், ஐந்து ஆண்களுடன் மனைவியாக வாழ முடியாது.

2010–ம் ஆண்டு நரசிம்மராவ்[9]: காயத்ரி 2010–ம் ஆண்டு திநகரைச் சேர்ந்த நரசிம்மராவ் (40) என்ற கட்டிட காண்டிராக்டரை திருமணம் செய்து உள்ளார். அவரிடம் இருந்து ரூ.2 லட்சத்தை பறித்து விட்டு விவாகரத்து பெற்று விட்டார்.

 

2012–ம் ஆண்டு ரவிக்குமார்[10]: 2012–ம் ஆண்டு திருச்சியை சேர்ந்த ரவிக்குமார் (35) என்ற தொழிலதிபரை திருமணம் செய்துள்ளார். இவரிடமும் இருந்து ரூ.1 லட்சம் பெற்றுவிட்டு விவாகரத்து வழக்கு தொடர்ந்துள்ளார். இந்த வழக்கு விசாரணையில் உள்ளது.

 

2013–ம் ஆண்டு ராஜகோபால்[11]: 2013–ம் ஆண்டு மாம்பலத்தைச் சேர்ந்த கோவில் பூசாரி ராஜகோபால் (33) என்பவரை திருமணம் செய்து ரூ.1 லட்சம் பணம், மற்றும் 5 பவுன் நகையை அபகரித்து உள்ளார்.

 

2014 சீனிவாசன்: இதன்பின் காயத்ரி என்ற பெயரில் முகப்பேர் சீனிவாசனை தனது வலையில் வீழ்த்தி உள்ளார். அவரிடம் தனக்கு கடன் இருப்பதாக கூறி, ரூ.50 ஆயிரம் பணம், 5 பவுன் நகை ஆகியவற்றை பெற்றுள்ளார். மேலும் ஆடம்பர பொருட்களை வாங்கி அனுபவித்துள்ளார்[12].

 

2015 பாலாஜி[13]: அதன்பிறகு அம்பத்தூரை சேர்ந்த பாலாஜி என்ற வாலிபரை தனது திருமண வலையில் வீழ்த்தி உள்ளார். இவர்களது திருமணம் திருவொற்றியூரில் நடப்பதாக இருந்தது[14].

அடுத்ததாக, சீனிவாசனை திருமணம் செய்துவிட்டார். திருமணம் முடிந்த பிறகு கணவன்களிடம், வீட்டில் உள்ள அனைத்து நகைகளையும் தனக்கு கொடுத்தால்தான், தாம்பத்திய உறவுக்கு வருவேன் என கண்டிஷன் போட்டுள்ளார். அதன்படி நகைகளையும், பணத்தையும் கொடுத்துள்ளனர். பின்னர், நகைகளை அபேஸ் செய்துவிட்டு, கணவன்களுக்கு அல்வா கொடுத்துவிட்டு பிரிந்து சென்றுள்ளார்[15].

கல்யாணம், குறுகிய நேர இல்லறம், நகைபணம் கறப்பு, விவாக ரத்து, மறுமணம் அல்லது அதே பாதையில் தொடர்வது: சீனிவாசன் சந்தேகப்பட்டு புகார் கொடுத்ததால், இவள் மாட்டிக் கொண்டுள்ளாள். விவரங்களை அறிந்ததால் அவர் திருமங்கலம் போலீசில் புகார் செய்தார். விசாரித்த போலீசார் காயத்ரியை கைது செய்தனர்[16]. மற்றவர்கள் தங்களது மானம், மரியாதை போய் விடுமே என்று அமைதியாக இருந்து விட்டார்கள் என்று தெரிகிறது. திருமணங்கள் பதிவு செய்யப்பட வேண்டும் என்றுள்ளது. மேலும், பல ஆவணங்களில் மனைவியின் பெயர் எழுதப்பட, அறிவிக்கப்பட வேண்டியுள்ளது. அவ்வாறிருக்கும் போது, எப்படி குறுகிய காலத்தில் எல்லா ஆவணங்களையும் சரிசெய்ய முடியும் என்பதும் புரியவில்லை.  ஆண்கள் எப்படி திருமணத்திற்கு முன்னர், விவரங்களை சரிபார்க்காமல் ஒப்புக் ஒண்டு மணம் புரிகின்றனர் என்பதும் வியப்பாக இருக்கிறது. கிட்டத்தட்ட பாதிக்கப்படும் பெண்களின் நிலையை ஆண்களும் அடைகிறார்கள் என்பது தெரிகிறது. பெற்றோர், உற்றோர், மற்றோர் பார்த்து கல்யாணம் செய்து கொடுக்கும் பழக்கம் கொஞ்சம்-கொஞ்சமாக மாறிவரும் வேளையில், பெண்களே இத்தகைய இல்லற மோசடிகளில், தாம்பத்திய ஏமாற்றிவேலைகளில், கள்ள உறவுகளில் ஈடுபடுவது வருத்தத்திற்குரிய பிரச்சினையாகும். மேலும், இத்தகைய பெண்கள் கருக்கலைப்பு, அபார்ஷண் போன்ற யுக்திகளிலும் ஈடுபடுவார்கள் என்பது தெரிந்த விசயமே. அத்தகைய நிலையில் பலருக்கு “மனைவியாக”ப் படுத்து சோரம் போய், மறுபடி-மறுபடி அதே பாதையில் செல்லும் போக்கு விபச்சாரத்தைவிட படுமோசமானது எனலாம். தாய்மை, பெண்மை போன்ற மகத்தான அணிகலன்கலன்களைப் போற்றும் பெண்கள், இத்தகைய நவீன விபச்சாரிகளாக மாறிவருவது கேவலமான விசயம் தான். இனி பெருமாள் முருகன்கள் இதைப் பற்றியும் கதை எழுதலாம், சிலர் சினிமா எடுக்கிறேன் என்றும் புறப்படலாம். ஆனால், அவர்கள் தமிழச்சிகளின், பெண்களின் கற்ப்பை ஏலம் விடுகிறார்கள் என்பதைப் புரிந்து கொள்ள வேண்டும்.

© வேதபிரகாஷ்

27-02-2015

[1]http://www.dinamani.com/latest_news/2015/02/26/%E0%AE%95%E0%AE%BE%E0%AE%A4%E0%AE%B2%E0%AF%8D-%E0%AE%B5%E0%AE%B2%E0%AF%88%E0%AE%AF%E0%AE%BF%E0%AE%B2%E0%AF%8D-%E0%AE%B5%E0%AF%80%E0%AE%B4%E0%AF%8D%E0%AE%A4%E0%AF%8D%E0%AE%A4%E0%AE%BF-4-%E0%AE%AA%E0%AF%87%E0%AE%B0%E0%AF%88-/article2688104.ece

[2] http://www.dinamalar.com/news_detail.asp?id=1193807

[3] மாலைமலர், நகை, பணத்துக்காக 4 வாலிபரை திருமணம் செய்து ஏமாற்றிய பெண் கைது, மாற்றம் செய்த நாள் : வியாழக்கிழமை, பெப்ரவரி 26, 1:07 PM IST பதிவு செய்த நாள் : வியாழக்கிழமை, பெப்ரவரி 26, 1:08 PM IST .

[4] தினமலர், இணையத்தில் மணமகனை தேடி 4 பேரை மணந்த பெண் கைது, 27-02-2015: 00:15.

[5] http://www.newindianexpress.com/cities/chennai/Much-Married-Woman-Runs-Out-of-Luck-Arrested/2015/02/27/article2689091.ece

[6] http://www.maalaimalar.com/2015/02/26130816/married-cheating–woman-arrest.html

[7] தினகரன், வலையில் விழுந்த தொழிலதிபர்கள்: 5வது திருமணம் செய்ய முயன்ற கல்யாண ராணி சிக்கியது எப்படி?, 27-02-2015.

[8] தினமணி, காதல் வலையில் வீழ்த்தி 4 பேரை திருமணம் செய்த கில்லாடி பெண் கைது, By dn, சென்னை; First Published : 26 February 2015 05:26 PM IST

[9]http://www.newindianews.com/view.php?22cOl72bc440Wb4e3KMM402dKmD3dd0pDmI203CgA42e4A04Oecb3lOoc3

[10]. நியூ இந்தியா நியூஸ், காதல் வலையில் பணக்கார வாலிபர்கள்…4 பேரை ஏமாற்றி திருமணம் செய்த கில்லாடி பெண், வியாழக்கிழமை, 26 பெப்ரவரி 2015, 10:00.59 AM GMT +05:30

[11] http://tamilmurasu.org/Inner_Tamil_News.asp?Nid=71165

[12] தினத்தந்தி, 4 வாலிபர்களை ஏமாற்றி திருமணம் செய்த பெண் 5-வது திருமணத்தின் போது கைது, பதிவு செய்த நாள்: வியாழன் , பெப்ரவரி 26,2015, 2:51 PM IST; மாற்றம் செய்த நாள்: வியாழன் , பெப்ரவரி 26,2015, 3:00 PM IST.

[13] தமிழ் முரசு, வசீகர பேச்சால் ஆண்களை மயக்கிய கல்யாண ராணி : 5வது திருமணத்துக்கு முயன்ற இளம்பெண் போலீசில் சிக்கினார்: பரபரப்பு தகவல்கள், பிப்ரவரி.26,2015 

[14] http://www.dailythanthi.com/News/State/2015/02/26145143/woman-cheated-4-youths-by-marriage-and-arrested-on.vpf

[15] http://www.dinakaran.com/News_Detail.asp?Nid=133799

[16] http://www.dhinasari.com/latest-news/4-%E0%AE%AA%E0%AF%87%E0%AE%B0%E0%AF%88-%E0%AE%A4%E0%AE%BF%E0%AE%B0%E0%AF%81%E0%AE%AE%E0%AE%A3%E0%AE%AE%E0%AF%8D-%E0%AE%9A%E0%AF%86%E0%AE%AF%E0%AF%8D%E0%AE%A4%E0%AF%81-%E0%AE%A8%E0%AE%95%E0%AF%88-003138.html

மூன்று மனைவிகளை ஏமாற்றி நான்காவது திருமணம் – கின்னஸ் சாதனைப் படைக்கப் போவதாக கணவன் சவால், மிரட்டல் – முதல் மனைவி புகார்!

ஓகஸ்ட்21, 2013

மூன்று மனைவிகளை ஏமாற்றி நான்காவது திருமணம் – கின்னஸ் சாதனைப் படைக்கப் போவதாக கணவன் சவால், மிரட்டல் – முதல் மனைவி புகார்!

Polygamy-chennai-fiest-wifw-complaint-2013சமயபேதம் இல்லாத  –  ஒழுக்கமில்லாத சமுதாய சீரழிவுகள்: கோயம்புத்தூரில் பிலிப் ஜோசப் என்றால், சென்னையில் ஒரு ஜெயசங்கர் அதேபோல, பெண்களை ஏமாற்றி திருமணம் செய்து கொண்டது தெரிய வருகின்றது. இவ்வாறு “நான்கு திருமணம்” செய்திகள் வருவது அதிகமாகி வருகிறது. பொதுவாக முஸ்லிம்கள் “நான்கு திருமணம்” செய்து கொள்கிறார்கள், “நான்கு மனைவிகள்” வைத்துக் கொள்கிறார்கள் என்றெல்லாம் சொல்வதுண்டு, பேசுவது உண்டு. ஆனால், இப்பொழுது கிறிஸ்தவர்களும், இந்துக்களும் அம்முறையைப் பின்பற்றும் போது, மற்றவர்களைப் பற்றி பேசுவதற்கு தார்மீக உணர்வு கிடையாதே? முதலில் அடுத்தவர் மீது குறை சொல்பவர்கள் தாங்கள் ஒழுங்காக இருக்க வேண்டுமே?

Jeyasankar and Kalaimagal - the first wife who lodged complaint22  வயதோன மகனுடன்  43  வயதான பெண் வந்து கணவன் மீது புகார்: சேப்பாக்கம் சி.என்.கே சாலையை சேர்ந்தவர் கலைமகள் (43), எம்.ஏ படித்தப் பெண். இவர், சென்னை போலீஸ் கமிஷனர் அலுவலகத்தில் கணவர் மீது பரபரப்பு புகார் அளித்தார்[1]. அந்த பெண் தனது 22 வயது மகனுடன் போலீஸ் கமிஷனர் அலுவலகம் வந்திருந்தார். புகார் கொடுத்தப் பின்னர், பின்னர், வெளியே வந்த கலைமகள் கூறியதாவது[2]:

1990ல் கலைமளை திருமணம் செய்து கொண்டது: “நான் பெரம்பூரை சேர்ந்தவர். தந்தை போலீசாக பணியாற்றியவர். முதுகலை பட்டப்படிப்பு முடித்துள்ளேன். கல்லூரியில் 2ம் ஆண்டு படித்தபோது பெற்றோர் எனக்கு திருமணம் செய்து வைத்தனர். கணவர் ஜெயசங்கர் (48). 1990 செப்டம்பர் 9ல் திருமணம் நடந்தது. என்ஜினீயரிங் படித்துள்ள ஒரு மகனும்,  9–வது வகுப்பு படிக்கும் ஒரு மகளும் உள்ளனர். கணவர் பல மோசடி வேலைகளில் ஈடுபட்டு வந்தார். இதெல்லாம் நமக்கு வேண்டாம் என்றேன். அவர் கேட்கவில்லை.

 Jeyasankar married thrice and going for fourth

1996ல் ரமணவல்லியை இரண்டாவதாகத் திருமணம் செய்து கொண்டது: 1996ல் அவருக்கும் சேத்துப்பட்டை சேர்ந்த ரமண வள்ளி என்பவருக்கும் பழக்கம் ஏற்பட்டது. இருவரும் பெரியமேடு சார்பதிவாள்ளர் அலுவலகத்தில் பதிவு திருமணம் செய்து கொண்டனர். அவரது பெயரில் ரேஷன் அட்டையும் உள்ளது. அவருக்கு இரண்டு பெண் குழந்தைகள் உள்ளனர்.

 மேகலா தேவியை மூன்றாவதாகத் திருமணம் செய்து கொண்டது: தொடர்ந்து காரணீஸ்வரர் பகோடா தெரு, மயிலாப்பூரை சேர்ந்த மேகலா தேவி என்பவருடன் கணவருக்கு பழக்கம் ஏற்பட்டது. இப்பொழுது இங்குதான் நிரந்தரமாகத் தங்கியுள்ளார்..

 ஒரே கணவன் மூன்று மனைவிகளோடு மூன்று குடும்ப ரேஷன் கார்டுகளைப் பெற்றது: என்னோடு சேர்த்து, 3 மனைவிகளுக்கும் தனித்தனி ரேஷன் கார்டும் உள்ளது. இதுபற்றி எனது கணவரிடம் கேட்டபோது, உனக்கு நான் எந்த குறையும் வைக்கவில்லை. நான் எத்தனை மனைவிகளுடனும் வாழ்வேன், நீ அதுபற்றி எதுவும் கேட்க கூடாது என்கிறார். அடித்துத் துன்புறுத்தியுள்ளார்[3].

 நான்காவதாக ஒரு மைனர் பெண்ணை கல்யாணம் செய்யப் போவது: மேலும், 17 வயது பெண்ணை திருமணம் செய்யப்போவதாக கணவர் கூறி வருகிறார்இதுவரை 2000 ஆயிரத்திற்கும் மேற்பட்ட முறை பெண்களுடன் தவறான உறவு வைத்துள்ளேன்[4]. இன்னும் பல பெண்களை திருமணம் செய்வேன். தட்டிக்கேட்டால் உன்னை தீர்த்து கட்டிவிடுவேன்”, என்று மிரட்டுகிறார். இதுகுறித்து திருவல்லிக்கேணி, மயிலாப்பூர் மகளிர் காவல் நிலையங்களில் புகார் செய்தேன். நடவடிக்கை எடுக்கப்படவில்லை. எனவே, நான் கொடுத்த புகார் மீது போலீஸ் கமிஷனர் நடவடிக்கை எடுக்க வேண்டும். எனது குழந்தையை நான் காப்பாற்றுவேன். போலீஸ்காரர் மகளின் புகாருக்கே நடவடிக்கை இல்லை. இதனால் அவமானப்படுகிறேன்”, இவ்வாறு கலைமகள் வேதனையுடன் கூறினார்[5].

கின்னஸ் சாதனைப் படைக்கப் போவதாக கணவன் சவால்,  மிரட்டல்: ஜெயசங்கர் (43) பி.ஏ பட்டதாரி, இளைஞர்களுக்கு “பிட்னஸ் சர்டிபிடிகேட்” வாங்கித் தந்து, கமிஷன் பெற்று காலம் தள்ளிக் கொண்டிருக்கிறார். நிறைய கமிஷன் வந்ததால், பெண் பித்து பிடித்து, கல்யாணம் செய்து கொண்டே போகும் கணவன் புதிய சரித்திரம் படைக்க தயாராக இருக்கிறான் போலும். ஒரு நாளிதழ்,இதுவரை 2000 ஆயிரத்திற்கும் மேற்பட்ட முறை பெண்களுடன் தவறான உறவு வைத்துள்ளேன்[6]. இன்னும் பல பெண்களை திருமணம் செய்வேன். தட்டிக்கேட்டால் உன்னை தீர்த்து கட்டிவிடுவேன்என்று ஜெயசங்கர் மிரட்டினார் என்றுள்ளது. தினகரன் 2000 என்கிறது, தினத்தந்தி 1000 என்கிறது. தினமலர் எண்ணிக்கையைச் சொல்லவில்லை. ஊடகங்களுக்கு படு குஷி போலிருக்கிறது.

Three ration cards issued to him with three wivesமூன்று குடும்ப அட்டைகள் எப்படி”  என்பது சரி,  இரண்டாவதாக,  மூன்றவதாகப் பதிவு திருமணம் செய்தது எப்படி என்று தெரியவில்லையே?: “மூன்று குடும்ப அட்டைகள் எப்படி” என்று தினமலர் கேள்வி கேட்டு கட்டம் போட்டு காட்டியுள்ளது. “திருமணம் முடிந்து புதிய அட்டை கேட்டால், பல் ஆவணங்களை கேட்டு, இழுத்தடிக்கும் சம்பந்தப்பட்ட துறை, ஜெயசங்கருக்கு அட்டை கொடுத்தது எப்படி”, என்று கேட்டுள்ளது. “மூன்று குடும்ப அட்டைகள் எப்படி” என்பது சரி, இரண்டாவதாக, மூன்றவதாக பதிவு திருமணம் செய்தது எப்படி என்று தெரியவில்லையே?

  • ஒன்று முதல் மனைவி எதிர்க்கவில்லை
  • அல்லது ஜெயசங்கர் உண்மையினை மறைத்து திருமணம் செய்து கொண்டார் என்றாகிறது.
  • எதேபோல, மூன்றாம் திருமணம் செய்து கொண்டபோது, ஒன்று முதல் மனைவி மற்றும் இரண்டாவது மனைவி எதிர்க்கவில்லை
  • அல்லது ஜெயசங்கர் மறுபடியும் உண்மையினை மறைத்து திருமணம் செய்து கொண்டார் என்றாகிறது.
  • எல்லாமே – இரண்டு-மூன்று பதிவு திருமணம் என்றால், அத்தகைய பதிவுகள் எவ்வாறு செய்யப்படுகின்றன என்றும் கேள்வி கேட வேண்டுமே?

கமலஹாசன் காட்டிய முறையை தமிழர்கள் பின்பற்ற ஆரம்பித்து விட்டார்கள் போலும். தமிழச்சிகளும் ராதிகாவின் திருமுண முறையை, குஷ்புவின் அறிவுரையைப் பின்பற்றுகிறார்கள் போலும்!

© வேதபிரகாஷ்

21-08–2013


[1] தினகரன், போலீஸ்காரர் மகள் குமுறல் கணவரின் 3வது திருமணத்தை தடுக்க வேண்டும் ,பதிவு செய்த நேரம்: 2013-08-20 10:33:52,

[2] தினகரன், போலீஸ்காரர் மகள் குமுறல் கணவரின் 3வது திருமணத்தை தடுக்க வேண்டும், http://www.dinakaran.com/News_Detail.asp?Nid=59563

[3] தினமலர், செவ்வாய், 20-08-2013, பக்கம்.6, சென்னைப் பதிப்பு.

[4] இதற்கிடையில், இந்த புகார் மனு கொடுத்துள்ள கலைமகள், நிருபர்களிடம் கூறும்போது, எனது கணவர் 4–வதாக 17 வயது நிரம்பிய மேஜர் ஆகாத சிறுமியை திருமணம் செய்யப்போவதாக என்னிடம் சவால் விட்டுள்ளார். மேலும், 1,000 பெண்களை மணந்து, கின்னஸ் சாதனை செய்யப்போவதாகவும், எனது கணவர் சொல்கிறார். அவரது 4–வது திருமணத்தை நடக்கவிடாமல் தடுக்க வேண்டும் என போலீசாரை கேட்டுக்கொள்வதாக, அழுது கொண்டே தெரிவித்தார். http://www.dailythanthi.com/stop%20husband’s%204th%20marriage%3A%20%20Graduate%20female%20files%20complaint%20to%20Police%20Commissioner

[6] இதற்கிடையில், இந்த புகார் மனு கொடுத்துள்ள கலைமகள், நிருபர்களிடம் கூறும்போது, எனது கணவர் 4–வதாக 17 வயது நிரம்பிய மேஜர் ஆகாத சிறுமியை திருமணம் செய்யப்போவதாக என்னிடம் சவால் விட்டுள்ளார். மேலும், 1,000 பெண்களை மணந்து, கின்னஸ் சாதனை செய்யப்போவதாகவும், எனது கணவர் சொல்கிறார். அவரது 4–வது திருமணத்தை நடக்கவிடாமல் தடுக்க வேண்டும் என போலீசாரை கேட்டுக்கொள்வதாக, அழுது கொண்டே தெரிவித்தார். http://www.dailythanthi.com/stop%20husband’s%204th%20marriage%3A%20%20Graduate%20female%20files%20complaint%20to%20Police%20Commissioner

ஜோசப், பிலிப் ஜோசப், திலிப் ஜோசப் என்ற பெயர்களில் நான்கு பெண்களை திருமணம் செய்து கொண்டு ஏமாற்றியவன் (1)

ஓகஸ்ட்17, 2013

ஜோசப், பிலிப் ஜோசப், திலிப் ஜோசப் என்ற பெயர்களில் நான்கு பெண்களை திருமணம் செய்து கொண்டு ஏமாற்றியவன் (1)

Philip Joseph - Dilip Joseph - D. Joseph- army

ராணுவ சமையல்காரன்,  அதிகாரி என்று சொல்லி ஏமாற்றி திருமணம்: மூன்று திருமணம் செய்து, பெண்களை ஏமாற்றிய ராணுவ சமையல்காரனை, போலீசார் கைது செய்தனர். கோவை, பெரியநாயக்கன்பாளையத்தைச் சேர்ந்தவர், ஜோசப் / பிலிப் ஜோசப் / திலிப் ஜோசப் வயது 33, ராணுவத்தில் சமையல்காரராக பணியாற்றுகிறான்[1]. ஆனால், தான் அதிகாரியாக இருக்கிறேன் என்று சொல்லி கன்னியாகுமரியைச் சேர்ந்த திவ்யா என்பவரை திருமணம் செய்து கொண்டான். ஆனால், அவனது நடவடிக்கை, பொய் பேசும் விதம் முதலியவற்றை கவனித்து, திவ்யா ராணுவ நீதிமன்றம் மூலம் விவாக ரத்து பெற்றுக் கொண்டாள்[2]. இதற்கு மேல் இவரைப் பற்றிய விவரங்கள் தெரியவில்லை.

Philip Joseph - Pushpalatha

புஷ்பலதா  –  இரண்டாவது மனைவி கொடுமைப் படுத்தப் பட்டது (2006-07): தனக்கு 16 வயது இருக்கும் போது, 26 வயதான பிலிப் ஜோசப்பைத் திருமணம் 17-01-2006 அன்று கோயம்புத்தூர், மேட்டுப்பாளையத்தைச் சேர்ந்த புஷ்பலதா செய்து கொண்டாள். அப்பொழுது தனது பெயர் டி. ஜோசப் என்று கொடுத்திருந்தான். தனது கணவனுடன் தான் எல்லா இடங்களுக்கும் சென்று வந்தாள். ஒருமுறை, ஒரு ஐஸ்கிரீம் பார்லருக்கு சென்றபோது, இளைஞர்கள், புஷ்பலதாவையே பார்த்துக் கொண்டிருந்தார்கள். அவர்களில் ஒருவன், பிலிப் என்ன உனது தந்தையா என்று கேட்டுவிட்டான். என்னை விட வயதில் அதிகமாக இருந்ததாலும், அவ்வாறே தோற்றமளித்ததாலும் அவ்வாறு கேட்டான். இதை கேட்டு கோபம் அடைந்த ஜோசப், ஐஸ்கிரீமை, எல்லோருக்கும் எதிரில் என்னுடைய முகத்தில் எரிந்தான். அது மட்டுமல்லாது, அவனுடைய தாய் மற்றும் சகோதரி தன்னை கொடுமைப் படுத்தியதையும் விளக்கினாள். “அவர்கள் என்னை அடித்தார்கள். நான் கர்ப்பமாக இருந்தபோது கூட விடவில்லை. அடித்துத் துன்புறுத்தினார்கள். மொட்டை மாடியில் வெயிலில் நிற்க வைத்தார்கள். நீ அழகாக இருக்கிறாய், கலராக இருக்கிறாய் என்று தானே பெருமைப் பட்டுக் கொள்கிறாய்? வெயிலிலேயே கிட, அப்பொழுது தான் நீ கருப்பாவாய். அப்பொழுது யாரும் உன்னைப் பார்க்க மாட்டார்கள்”, என்றெல்லாம் திட்டினார்கள் இதனால், தனது அத்தை வீட்டிற்கு செல்ல முயன்ற போது, மாமியார் மிரட்டினாள். பிறகு ஒரு நாள் இரவு வீட்டை விட்டே விரட்டி அடித்தாள்.

Joseph with Pushpalata and children

ரம்யா  –  மூன்றாவது மனைவி கொடுமைப் படுத்தப் பட்டது –  2010: கோயம்புத்தூர், கணபதியைச் சேர்ந்த, ரம்யா 30 வயதான டி. பிலிப் என்ற ஜோசப் பிலிப்பை 18-10-2010 அன்று திருமணம் செய்து கொண்டாள். ரம்யாவிற்கு முதல் குழந்தை பிறந்தது. அதற்கு பால் கொடுப்பதற்கே, மாமியார் தடுத்து வந்தாள். முதல் குழந்தை வளர்வதற்கு முன்னமே, பிலிப் உறவு கொண்டதால், இரண்டாவது குழந்தை பிறந்தது. இரண்டு குழந்தைகளுக்கும் கொடுக்க போதிய தாய்பால் இல்லை. வீட்டிலோ சத்தான உணவும் கொடுப்பதில்லை. குழந்தைகளுக்கு பாலும் கொடுப்பதில்லை. இதனால். குழந்தைகளுக்கு சத்து மாவை வாங்கிக் கறைத்து கொடுக்க ஆரம்பித்தாள். ஆனால், குழந்தைகள் அதை ஜீரணிக்க முடியவில்லை. ஒருமாதம் தான் வாழ்ந்தாள்.

Philpi Joseph - Ramya with child

பிரேமா  –  நான்காவது மனைவி  (2013): பிரேமா என்ற பட்டதாரி பெண்ணை 08-02-2013 அன்று, டிரினிடி சர்ச்சில், டி. ஜோசப்பைத் திருமணம் செய்து கொண்டாள். அப்பொழுது இருவருக்குமே 33 வயது. பிரேமாவிற்கு ஏற்கெனவே 33 வயதாகி விட்டதால், ராணுவத்தில் அதிகாரி, கட்டப்பட்டு வரும் நிலையில் வீடு, இந்தியா முழுவதும் சுற்றிவரலாம் போன்ற விஷயங்களால் ஈர்க்கப்பட்டு, பிரேமாவை திருமணம் செய்து வைத்தனர். பிலிப், பிரேமாவை பல்லடத்தில் இந்திரா காலனியில், ஒரு வாடகை வீட்டில் தங்க வைத்து தில்லிக்குச் சென்று விட்டான். பிலிப் போனதும், மேரி பிரேமாவை திட்டித் துன்புறுத்த ஆரம்பித்து விட்டாள். பிலிப்பிடம் சொன்னபோது, அனுசரித்துச் செல் என்று அறிவுரை சொன்னான். ஆனால், மாமியார் வீடு கட்ட கற்களைக் கூட சுமக்கச் சொன்னாளாம். தான் கர்ப்பமாக இருக்கிறேன் என்று சொன்னாலும் விடவில்லை. வரதட்சணை கேட்பது, சகோதர்களிடம் மரியாதை இல்லாமல் பேசுவது என்று ஆரம்பித்தாளாம். இதனால், பிரேமா விலகிச் செல்ல தீர்மானித்தாள்.

Joseph with Prema during their sham marriage

பிலிப்பின் ஏமாற்று முறை: பெண்களின் குடும்பத்தை தான் தில்லியில் வேலை செய்து வரும் ஒரு ராணுவ அதிகாரி என்று அறிமுகப்படுத்திக் கொண்டு, பெண்ணை திருமணம் செய்து கொள்ள விரும்புவதாகச் சொல்வான். பெண்ணிற்கு ராணுவத்தில் வேலை வாங்கித் தருவேன் என்றும் வாக்குக் கொடுப்பான். தில்லியிலிருந்து எப்பொழுது வேண்டுமானால், மிலிடெரி கோட்டாவில் வேலை கிடைக்கும், அதற்காக “அபிடேவிட்” போன்றவை தாக்குதல் செய்யவேண்டும் என்று வெற்று பத்திரங்களில் கையெழுத்து வாங்கி வைத்துக் கொள்வான். திருமணம் ஆனவுடன், தான் தில்லிக்கு செல்லவேண்டும் என்று சென்று விடுவான். வீட்டில் இருக்கும் மனைவியை அவனது தாய் மேரி மற்றும் சகோதரி உஷா மெதுவாக பணம் ஏதாவது கிடைக்குமா என்று பார்ப்பார்கள். பணம் கிடைக்காது என்றால், கொடுமைப் படுத்தி, அங்கிருந்து போனால் போதும் என்ற நிலைக்குக் கொண்டு வந்து விடுவார்கள். மனைவியும் கொடுமைகள் தாங்காமல் ஓடிவிடுவார்கள், அதாவது, தாய் வீட்டிற்கு சென்று விடுவார்கள். தில்லியிலிருந்து வரும் பிலிப் இன்னொரு பெண்ணுக்கு வலை விரிப்பான். இப்படித்தான், இக்குடும்பம் பெண்களின் வாழ்க்கையினை சீரழித்து வாழ்ந்து வருகின்றது.

Mary aka Rajammal - mother of Joseph

வெற்று பத்திரங்கள் எப்படி உபயோகப் படுத்தப் பட்டன?: தில்லியிலிருந்து எப்பொழுது வேண்டுமானால், மிலிடெரி கோட்டாவில் வேலை கிடைக்கும், அதற்காக “அபிடேவிட்” போன்றவை தாக்குதல் செய்யவேண்டும் என்று வெற்று பத்திரங்களில் கையெழுத்து வாங்கி வைத்துக் கொள்வான் என்று மேலே குறிப்பிடப்பட்டது. ஆனால், அவை பெண்களை மிரட்டத்தான் உபயோகப் படுத்தப் பட்டன. புஷ்பலதா விஷயத்தில் அவளது தந்தை தன்னிடத்தில் ஆட்டோ வாங்குவதற்காக ரூ.1.5 லட்சம் பணம் வாங்கியுள்ளதாகவும், ஆனால், இதுவரை கொடுக்கவில்லை என்று பத்திரத்தைக் காட்டி மிரட்டுவான். ரம்யா விஷயத்தில், அவளது அத்தை ரூ. 2 லட்சம் கடன் வாங்கிக் கொண்டாள் என்று பத்திரத்தைக் காட்டினான். அது மட்டுமல்லாது, அதில் பிலிப் ஏற்கெனவே திருமணம் ஆனவன் என்றும், இப்பெணனிவ்விஷயத்தைத் தெரிந்து கொண்டுதான், விரும்பித்தான் திருமணம் செய்து கொள்கிறாள் என்றும் எழுதி வாங்கிக் கொண்டதைப் போல இருந்தது[3].

Usha - sister of Joseph

தாங்கள் பக்தியுள்ள கிருத்துவர்கள் என்று சொல்லிக் கொண்டு உண்மைகளை மறைத்தது: தாங்கள் சிரத்தையுள்ள, பக்தியுள்ள கிருத்துவர்கள் என்று சொல்லிக் கொண்டு, திருமணத்திற்குக் கூட தாங்கள் செலவு மாட்டோம் என்றார்களா. பெண்ணின் தரப்பில் கூட அதிகமானவர்கள் திருமணத்திற்கு வரவேண்டாம் என்பார்கள். திருமணத்தைக் கூட படோபடமாக நடத்த வேண்டாம், ஊருக்கு வெளியில் உள்ள கல்யாண மண்டபத்தில் நடத்தினால் போதும்,  எந்தவித விளம்பரமும் வேண்டாம், திருமண அழைப்பிதழில் கூட பிலிப்பின் பட்டங்களைப் போடவேண்டாம், என்றெல்லாம் சொல்லி ஏதோ மிகவும் எளிமையானவர்கள் போல நடித்தனராம். ஆனால், பிலிப் உண்மையில் ஒன்பதாவது பெயில்! இருப்பினும் அவனிடத்தில் பத்தாவது பாஸ் மற்றும் டிகிரி சர்டிபிகேட் போன்ற போலியான சான்றிதழ்கள் இருந்தன! இவ்வாறு உண்மைகளை மறைத்து, பெண்களை ஏமாற்றி வந்தனர்.

Winesses to Philip marriage

குடிப்பது,  தகாத உறவுகளைக் கொள்வது போன்ற செயல்களில் ஈடுபட்டிருந்தது: தாய் மேரி, சகோதரி உஷா, மகன் பிலிப் முதலியோர் அதிகமாகக் குடிப்பார்களாம். அதுமட்டுமல்லாது, விதவிதமான மாமிச உணவுகளை அளவுக்கு அதிகமாகத் தின்பார்களாம். இப்படி குடித்து, தின்ற பிறகு கும்மாளம் அடிப்பார்களாம். தகாத செயல்களிலும் ஈடுபடுவார்களாம்[4]. இதையெல்லாம் யார் சொல்லிக் கொடுத்தது என்று கவனிக்க வேண்டும். குடும்பம் நடத்தும் இந்திய பெண்கள் இவ்வாறு இருப்பார்களா என்றும் யோசிக்க வேண்டும். பாரதியப் பெண்மணிகள் இவ்வாறு நடந்து கொண்டு மற்ற பெண்களின் வாழ்க்கையினையும் சீரழிப்பார்களா என்று ஆய்ந்து பார்க்க வேண்டும். தாங்கள் தங்களது தனிப்பட்ட வாழ்க்கையில் ஒழுங்கில்லாமல் இருந்தது எப்படி மற்றவர்களை மிக்கக் கொடுமையாக பாதித்துள்ளது என்பதனை கவனிக்க வேண்டியுள்ளது. இந்திய பெண்மை எப்படி அயல்நாட்டுக் காரணிக்ளால் சீரழிகிறது என்பதற்கு இது இன்னொரு உதாரணம் ஆகும். மேலும், 60-80 வருடங்களாக நாத்திகத்தை வளர்த்து, மக்களைக் கெடுத்த சித்தாந்திகளும் இதற்கு பதில் சொல்லியாக வேண்டும்.

வேதபிரகாஷ்

© 17-08-2013


[1] தினமலர், மூன்றுதிருமணம்செய்துபெண்களைஏமாற்றியராணுவசமையல்காரர்கைது, பதிவு செய்த நாள் : ஆகஸ்ட் 16,2013,20:20 IST; மாற்றம் செய்த நாள் : ஆகஸ்ட் 16,2013,20:42 IST.

[3] He even took the signatures of the girls on a blank bond paper, stating that he would be able to get a job for them through the military quota and that the document had to be submitted urgently. This document would then be used to defraud the girls further. In the case of Pushpalatha, Philip used the signed bond paper to state that her father had borrowed Rs. 1.5 lakhs from him to purchase an auto rickshaw and has not returned the money to him yet. In Ramya’s case, Rs. 2 lakhs was said to be borrowed by her aunt. The bond paper also states that the girls had married Philip of their own accord in spite of knowing about his previous marriages. – http://bridaltears.blogspot.in/

[4] The family followed a pattern of hedonistic and riotous living. They included excessive meat in their diets, but asked the young wives to preserve ¼ litre of milk for 4 days at a stretch. All Philip’s victims have reported that they saw the family drink liquor together, consume vast quantities of meat licentiously, and then practice immoral relations with each other.- http://bridaltears.blogspot.in/