Archive for the ‘திருவல்லிக்கேணி’ Category

மூன்று மனைவிகளை ஏமாற்றி நான்காவது திருமணம் – கின்னஸ் சாதனைப் படைக்கப் போவதாக கணவன் சவால், மிரட்டல் – முதல் மனைவி புகார்!

ஓகஸ்ட்21, 2013

மூன்று மனைவிகளை ஏமாற்றி நான்காவது திருமணம் – கின்னஸ் சாதனைப் படைக்கப் போவதாக கணவன் சவால், மிரட்டல் – முதல் மனைவி புகார்!

Polygamy-chennai-fiest-wifw-complaint-2013சமயபேதம் இல்லாத  –  ஒழுக்கமில்லாத சமுதாய சீரழிவுகள்: கோயம்புத்தூரில் பிலிப் ஜோசப் என்றால், சென்னையில் ஒரு ஜெயசங்கர் அதேபோல, பெண்களை ஏமாற்றி திருமணம் செய்து கொண்டது தெரிய வருகின்றது. இவ்வாறு “நான்கு திருமணம்” செய்திகள் வருவது அதிகமாகி வருகிறது. பொதுவாக முஸ்லிம்கள் “நான்கு திருமணம்” செய்து கொள்கிறார்கள், “நான்கு மனைவிகள்” வைத்துக் கொள்கிறார்கள் என்றெல்லாம் சொல்வதுண்டு, பேசுவது உண்டு. ஆனால், இப்பொழுது கிறிஸ்தவர்களும், இந்துக்களும் அம்முறையைப் பின்பற்றும் போது, மற்றவர்களைப் பற்றி பேசுவதற்கு தார்மீக உணர்வு கிடையாதே? முதலில் அடுத்தவர் மீது குறை சொல்பவர்கள் தாங்கள் ஒழுங்காக இருக்க வேண்டுமே?

Jeyasankar and Kalaimagal - the first wife who lodged complaint22  வயதோன மகனுடன்  43  வயதான பெண் வந்து கணவன் மீது புகார்: சேப்பாக்கம் சி.என்.கே சாலையை சேர்ந்தவர் கலைமகள் (43), எம்.ஏ படித்தப் பெண். இவர், சென்னை போலீஸ் கமிஷனர் அலுவலகத்தில் கணவர் மீது பரபரப்பு புகார் அளித்தார்[1]. அந்த பெண் தனது 22 வயது மகனுடன் போலீஸ் கமிஷனர் அலுவலகம் வந்திருந்தார். புகார் கொடுத்தப் பின்னர், பின்னர், வெளியே வந்த கலைமகள் கூறியதாவது[2]:

1990ல் கலைமளை திருமணம் செய்து கொண்டது: “நான் பெரம்பூரை சேர்ந்தவர். தந்தை போலீசாக பணியாற்றியவர். முதுகலை பட்டப்படிப்பு முடித்துள்ளேன். கல்லூரியில் 2ம் ஆண்டு படித்தபோது பெற்றோர் எனக்கு திருமணம் செய்து வைத்தனர். கணவர் ஜெயசங்கர் (48). 1990 செப்டம்பர் 9ல் திருமணம் நடந்தது. என்ஜினீயரிங் படித்துள்ள ஒரு மகனும்,  9–வது வகுப்பு படிக்கும் ஒரு மகளும் உள்ளனர். கணவர் பல மோசடி வேலைகளில் ஈடுபட்டு வந்தார். இதெல்லாம் நமக்கு வேண்டாம் என்றேன். அவர் கேட்கவில்லை.

 Jeyasankar married thrice and going for fourth

1996ல் ரமணவல்லியை இரண்டாவதாகத் திருமணம் செய்து கொண்டது: 1996ல் அவருக்கும் சேத்துப்பட்டை சேர்ந்த ரமண வள்ளி என்பவருக்கும் பழக்கம் ஏற்பட்டது. இருவரும் பெரியமேடு சார்பதிவாள்ளர் அலுவலகத்தில் பதிவு திருமணம் செய்து கொண்டனர். அவரது பெயரில் ரேஷன் அட்டையும் உள்ளது. அவருக்கு இரண்டு பெண் குழந்தைகள் உள்ளனர்.

 மேகலா தேவியை மூன்றாவதாகத் திருமணம் செய்து கொண்டது: தொடர்ந்து காரணீஸ்வரர் பகோடா தெரு, மயிலாப்பூரை சேர்ந்த மேகலா தேவி என்பவருடன் கணவருக்கு பழக்கம் ஏற்பட்டது. இப்பொழுது இங்குதான் நிரந்தரமாகத் தங்கியுள்ளார்..

 ஒரே கணவன் மூன்று மனைவிகளோடு மூன்று குடும்ப ரேஷன் கார்டுகளைப் பெற்றது: என்னோடு சேர்த்து, 3 மனைவிகளுக்கும் தனித்தனி ரேஷன் கார்டும் உள்ளது. இதுபற்றி எனது கணவரிடம் கேட்டபோது, உனக்கு நான் எந்த குறையும் வைக்கவில்லை. நான் எத்தனை மனைவிகளுடனும் வாழ்வேன், நீ அதுபற்றி எதுவும் கேட்க கூடாது என்கிறார். அடித்துத் துன்புறுத்தியுள்ளார்[3].

 நான்காவதாக ஒரு மைனர் பெண்ணை கல்யாணம் செய்யப் போவது: மேலும், 17 வயது பெண்ணை திருமணம் செய்யப்போவதாக கணவர் கூறி வருகிறார்இதுவரை 2000 ஆயிரத்திற்கும் மேற்பட்ட முறை பெண்களுடன் தவறான உறவு வைத்துள்ளேன்[4]. இன்னும் பல பெண்களை திருமணம் செய்வேன். தட்டிக்கேட்டால் உன்னை தீர்த்து கட்டிவிடுவேன்”, என்று மிரட்டுகிறார். இதுகுறித்து திருவல்லிக்கேணி, மயிலாப்பூர் மகளிர் காவல் நிலையங்களில் புகார் செய்தேன். நடவடிக்கை எடுக்கப்படவில்லை. எனவே, நான் கொடுத்த புகார் மீது போலீஸ் கமிஷனர் நடவடிக்கை எடுக்க வேண்டும். எனது குழந்தையை நான் காப்பாற்றுவேன். போலீஸ்காரர் மகளின் புகாருக்கே நடவடிக்கை இல்லை. இதனால் அவமானப்படுகிறேன்”, இவ்வாறு கலைமகள் வேதனையுடன் கூறினார்[5].

கின்னஸ் சாதனைப் படைக்கப் போவதாக கணவன் சவால்,  மிரட்டல்: ஜெயசங்கர் (43) பி.ஏ பட்டதாரி, இளைஞர்களுக்கு “பிட்னஸ் சர்டிபிடிகேட்” வாங்கித் தந்து, கமிஷன் பெற்று காலம் தள்ளிக் கொண்டிருக்கிறார். நிறைய கமிஷன் வந்ததால், பெண் பித்து பிடித்து, கல்யாணம் செய்து கொண்டே போகும் கணவன் புதிய சரித்திரம் படைக்க தயாராக இருக்கிறான் போலும். ஒரு நாளிதழ்,இதுவரை 2000 ஆயிரத்திற்கும் மேற்பட்ட முறை பெண்களுடன் தவறான உறவு வைத்துள்ளேன்[6]. இன்னும் பல பெண்களை திருமணம் செய்வேன். தட்டிக்கேட்டால் உன்னை தீர்த்து கட்டிவிடுவேன்என்று ஜெயசங்கர் மிரட்டினார் என்றுள்ளது. தினகரன் 2000 என்கிறது, தினத்தந்தி 1000 என்கிறது. தினமலர் எண்ணிக்கையைச் சொல்லவில்லை. ஊடகங்களுக்கு படு குஷி போலிருக்கிறது.

Three ration cards issued to him with three wivesமூன்று குடும்ப அட்டைகள் எப்படி”  என்பது சரி,  இரண்டாவதாக,  மூன்றவதாகப் பதிவு திருமணம் செய்தது எப்படி என்று தெரியவில்லையே?: “மூன்று குடும்ப அட்டைகள் எப்படி” என்று தினமலர் கேள்வி கேட்டு கட்டம் போட்டு காட்டியுள்ளது. “திருமணம் முடிந்து புதிய அட்டை கேட்டால், பல் ஆவணங்களை கேட்டு, இழுத்தடிக்கும் சம்பந்தப்பட்ட துறை, ஜெயசங்கருக்கு அட்டை கொடுத்தது எப்படி”, என்று கேட்டுள்ளது. “மூன்று குடும்ப அட்டைகள் எப்படி” என்பது சரி, இரண்டாவதாக, மூன்றவதாக பதிவு திருமணம் செய்தது எப்படி என்று தெரியவில்லையே?

  • ஒன்று முதல் மனைவி எதிர்க்கவில்லை
  • அல்லது ஜெயசங்கர் உண்மையினை மறைத்து திருமணம் செய்து கொண்டார் என்றாகிறது.
  • எதேபோல, மூன்றாம் திருமணம் செய்து கொண்டபோது, ஒன்று முதல் மனைவி மற்றும் இரண்டாவது மனைவி எதிர்க்கவில்லை
  • அல்லது ஜெயசங்கர் மறுபடியும் உண்மையினை மறைத்து திருமணம் செய்து கொண்டார் என்றாகிறது.
  • எல்லாமே – இரண்டு-மூன்று பதிவு திருமணம் என்றால், அத்தகைய பதிவுகள் எவ்வாறு செய்யப்படுகின்றன என்றும் கேள்வி கேட வேண்டுமே?

கமலஹாசன் காட்டிய முறையை தமிழர்கள் பின்பற்ற ஆரம்பித்து விட்டார்கள் போலும். தமிழச்சிகளும் ராதிகாவின் திருமுண முறையை, குஷ்புவின் அறிவுரையைப் பின்பற்றுகிறார்கள் போலும்!

© வேதபிரகாஷ்

21-08–2013


[1] தினகரன், போலீஸ்காரர் மகள் குமுறல் கணவரின் 3வது திருமணத்தை தடுக்க வேண்டும் ,பதிவு செய்த நேரம்: 2013-08-20 10:33:52,

[2] தினகரன், போலீஸ்காரர் மகள் குமுறல் கணவரின் 3வது திருமணத்தை தடுக்க வேண்டும், http://www.dinakaran.com/News_Detail.asp?Nid=59563

[3] தினமலர், செவ்வாய், 20-08-2013, பக்கம்.6, சென்னைப் பதிப்பு.

[4] இதற்கிடையில், இந்த புகார் மனு கொடுத்துள்ள கலைமகள், நிருபர்களிடம் கூறும்போது, எனது கணவர் 4–வதாக 17 வயது நிரம்பிய மேஜர் ஆகாத சிறுமியை திருமணம் செய்யப்போவதாக என்னிடம் சவால் விட்டுள்ளார். மேலும், 1,000 பெண்களை மணந்து, கின்னஸ் சாதனை செய்யப்போவதாகவும், எனது கணவர் சொல்கிறார். அவரது 4–வது திருமணத்தை நடக்கவிடாமல் தடுக்க வேண்டும் என போலீசாரை கேட்டுக்கொள்வதாக, அழுது கொண்டே தெரிவித்தார். http://www.dailythanthi.com/stop%20husband’s%204th%20marriage%3A%20%20Graduate%20female%20files%20complaint%20to%20Police%20Commissioner

[6] இதற்கிடையில், இந்த புகார் மனு கொடுத்துள்ள கலைமகள், நிருபர்களிடம் கூறும்போது, எனது கணவர் 4–வதாக 17 வயது நிரம்பிய மேஜர் ஆகாத சிறுமியை திருமணம் செய்யப்போவதாக என்னிடம் சவால் விட்டுள்ளார். மேலும், 1,000 பெண்களை மணந்து, கின்னஸ் சாதனை செய்யப்போவதாகவும், எனது கணவர் சொல்கிறார். அவரது 4–வது திருமணத்தை நடக்கவிடாமல் தடுக்க வேண்டும் என போலீசாரை கேட்டுக்கொள்வதாக, அழுது கொண்டே தெரிவித்தார். http://www.dailythanthi.com/stop%20husband’s%204th%20marriage%3A%20%20Graduate%20female%20files%20complaint%20to%20Police%20Commissioner

பக்ரீத் பண்டிகையை கொண்டாடுவதற்காக வீட்டிற்கு சொல்லாமல் மறைந்த மாணவியர்!

நவம்பர்18, 2010

பக்ரீத் பண்டிகையை கொண்டாடுவதற்காக வீட்டிற்கு சொல்லாமல் மறைந்த மாணவியர்:

பக்ரீத் பண்டிகையை கொண்டாடுவதற்காக வீட்டிற்கு சொல்லாமல் மறைந்த மாணவியர்: இந்த காலத்தில் சினிமா, சின்னத்திரை என்றேல்லாம் பார்த்துவிட்டு, மாணவிகள் எடுத்ததற்கு எல்லாம் பார்ட்டிக் கொடு என்று ஆரம்பித்து விடுகின்றனர். இதுபோலத்தான், விஜயா, தேவி, ஜீவிதா பேகம் என்ற மூன்று மாணவியரும் நண்பர்கள். 17-11-2010 அன்று பக்ரீத் பண்டிகை உள்ளதால், அதனை கொண்டாட வேண்டும் என்று தீர்மானித்ததாகத் தெரிகிறது. ஜீவிதா பேகம் தன்னுடைய சித்தியின் வீட்டிற்கு சென்று ஜாலியாக கொண்டாடலாம் என்று சொன்னாள் போலிருக்கிறது. 16-11-2010 அன்று பரீட்சை எழுதி முடித்தனர். பிறகு திட்டமிட்டபடியே மூவரும் பக்ரீத் பண்டிகையை கொண்டாடுவதற்காக வீட்டில் சொல்லிக்கொள்ளாமலேயே திருவல்லிக்கேணிக்குச் சென்றனர். அங்கு ஜீவிதா பேகத்தின் சித்தி வீடு உள்ளது. ஆனால், வீட்டிற்கு சொல்லாமல் வந்ததால், மாணவியரை வீட்டில் அனுமதிக்க ஜீவிதா பேகத்தின் சித்தி மறுத்துவிட்டதாக கூறப்படுகிறது.

திருவல்லிக்கேணியிலிருந்து திருவள்ளூருக்குச் சென்றது: ஜீவிதா பேகத்தின் சித்தி மாணவியரை விரட்டியடிப்பதற்கு பதிலாக, பக்குவமாக சொல்லி அவர்களது வீடுகளுக்குச் செல்லுமாறு பணித்திருக்கலாம். இல்லை ராத்திரிக்கு அங்கேயே இருக்கச் சொல்லி, அடுத்த நாள் பெற்றொர்களுக்கு அறிவித்து, அனுப்பி வைத்திருக்கலாம். இதனால், என்ன செய்வது என்று திகைத்தவர்கள், அருகில் உள்ள தொலைபேசியில் திருவள்ளூரில் உள்ள தோழி ஒருவளுக்கு போன் செய்து தெரிவித்தபோது, எங்கள் வீட்டில் வேண்டுமானால், வந்து தங்கிக் கொள்ளலாம் என்று சொன்னதால் அவள் வீட்டிற்கு மாணவியர் மூவரும் சென்றனர்.

மாணவியர் காணாததால் போலீஸிடம் பெற்றோர் புகார்; இதற்கிடையே காலை பள்ளிக்கு சென்ற மாணவியர் இரவு வரை வீடு திரும்பாததால், அதிர்ச்சியடைந்த பெற்றோர், இதுகுறித்து குரோம்பேட்டை போலீசில் புகார் கொடுத்தனர். ஒரு பெண்ணின் தாத்தா ராத்திரி முழுவதும் போலீஸ் ஸ்டேஷனிலேயே கதியென்று உட்கார்ந்திருந்தார்.

போலீஸ் விசாரணை: இன்ஸ்பெக்டர் சந்திரசேகரன் தலைமையிலான போலீசார் நடத்திய விசாரணையில், மாணவியர் திருவள்ளூர் சென்றது தெரியவந்தது. இதையடுத்து, போலீசார் திருவள்ளூர் சென்று மூன்று மாணவியரையும் பத்திரமாக மீட்டு பெற்றோரிடம் ஒப்படைத்தனர். இதே மாதிரி சென்ற மாதம், நான்கு மாணவிகள் ஓடிப்போயுள்ளனர்.

மாயமான மூன்று மாணவியர் மீட்பு[1]: குரோம்பேட்டை, அன்னை இந்திரா நகரைச் சேர்ந்தவர் விஜயா (14), தேவி (14). அதே பகுதி, தண்டுமாரியம்மன் கோவில் தெருவைச் சேர்ந்தவர் ஜீவிதா பேகம் (14) (பெயர்கள் மாற்றப்பட் டுள்ளன). இவர்கள் மூவரும் குரோம்பேட்டை அரசு பெண்கள் மேல்நிலைப் பள்ளியில் ஒன்பதாம் வகுப்பு படித்து வருகின்றனர். நேற்று முன்தினம் பள்ளியில் இடைபருவத் தேர்வை முடித்த மூவரும், சென்னை ஜீவிதா பேகத்தின் சித்தி வீட்டிற்கு பக்ரீத் பண்டிகையை கொண்டாடுவதற்காக சென்றனர். வீட்டிற்கு சொல்லாமல் வந்ததால், மாணவியரை வீட்டில் அனுமதிக்க ஜீவிதா பேகத்தின் சித்தி மறுத்துவிட்டதாக கூறப்படுகிறது. இதையடுத்து, திருவள்ளூரில் உள்ள தோழி வீட்டிற்கு மாணவியர் மூவரும் சென்றனர்.

சென்ற மாதம் மேட்டூரில் காணாமல் போன நான்கு மாணவிகள்: மேட்டூரில் செயின்ட்மேரீஸ் பெண்கள் மேல்நிலைபள்ளி உள்ளது. பள்ளியில் எட்டாம் வகுப்பு படிக்கும்  காயத்ரி (13), சுபலட்சுமி (13), பியூலா ஜெனிபர் (13) ஆகிய மூன்று மாணவியரும் கடந்த 8ம் தேதி பள்ளிக்கு சென்று விட்டு வீடு திரும்பவில்லை. அதே பள்ளியில் படிக்கும் ப்ளஸ் 2 மாணவி ஜோதி (17) கடந்த 10ம்  தேதி பள்ளி ஹாஸ்டலில் இருந்து மாயமாகி விட்டார். அடுத்தடுத்து நான்கு மாணவியர் மாயமானதால் அதிர்ச்சியடைந்த பெற்றோர் நேற்று முன்தினம் செயின்ட்மேரீஸ் பள்ளியை முற்றுகையிட்டனர். மேட்டூர் போலீஸார் மாயமான மாணவியரை வலைவீசி தேடி வந்தனர். எட்டாம் வகுப்பு மாணவியர் மூவரும் வேளாங்கண்ணியில் மீட்கப்பட்டனர். ப்ளஸ் 2 மாணவி ஜோதி, ஈரோடு மாவட்டம், சின்னபள்ளத்தில் உள்ள ஹாஸ்டலில் தங்கியிருப்பதாக தகவல் கிடைத்தது. அதை தொடர்ந்து நேற்று காலை மேட்டூர் போலீஸார் சின்னபள்ளம் சென்று மாணவி ஜோதியை மீட்டு வந்தனர்.

பாடத்தில் பெயில் என்று ஓடி மறைந்த மாணவிகள்: விசாரணையில், மாணவி காயத்ரி காலாண்டு தேர்வில் நான்கு பாடத்திலும், மற்ற இரு மாணவியர் தலா ஒரு பாடத்திலும் பெயில் ஆகியுள்ளனர். அதனால், ஆசிரியர்கள், பெற்றோர் திட்டியதால் விரக்தியடைந்த மாணவியர் சேலம் சென்று, அங்கிருந்து வேளாங்கண்ணி கோவிலுக்கு சென்றுள்ளார். அங்கு ஸ்கூல் பேக்குகளை தனியாக ஒரு இடத்தில் வைத்து விட்டு சர்ச் வளாகத்தில் மூன்று மாணவியரும் தூங்கியுள்ளனர். மூன்று ஸ்கூல் பேக் மட்டும் தனியாக இருப்பதை கண்டு சந்தேகம் அடைந்த போலீஸார், பேக்கை சோதனை செய்தபோது, அதில் பள்ளி அடையாள அட்டை மற்றும் ஃபோன் நம்பர் இருந்துள்ளது. ஃபோன் நம்பரை தொடர்பு கொண்டு போலீஸார் பேசிய பின்னர் தான் மூன்று மாணவியரும் வேளாங்கண்ணியில் இருப்பது மேட்டூர் போலீஸாருக்கு தெரியவந்தது. நேற்று காலை மூன்று மாணவியரையும் மேட்டூர் அழைத்து வந்த போலீஸார், அறிவுரை கூறி பெற்றோரிடம் ஒப்படைத்தனர்.

ஹாஸ்டலில் தங்கி படிக்க விருப்பம் இல்லை என்ரு ஓடி மறைந்த மாணவி: மாயமான ப்ளஸ் 2 மாணவி ஜோதி ஆறாம் வகுப்பு முதல் எட்டாம் வகுப்பு வரை ஈரோடு மாவட்டம், சின்னபள்ளத்தில் உள்ள பள்ளி ஹாஸ்டலில் தங்கி படித்துள்ளார். அதன் பின் மேட்டூர் செயின்ட்மேரீஸ் பள்ளியில் மாணவி சேர்க்கப்பட்டுள்ளார். ஜோதிக்கு ஹாஸ்டலில் தங்கி படிக்க விருப்பம் இல்லை. வீட்டில் இருந்து தினமும் பள்ளிக்கு செல்வாக பெற்றோரிடம் கூறியுள்ளார். ஆனால், பெற்றோர் அதை ஏற்று கொள்ளாமல் திட்டியுள்ளனர். முன்கோபம் அதிகமுள்ள மாணவி ஜோதியும் மற்ற மாணவர்களும் அதிகம் பேசுவதில்லை. யாருடனும் கலகலப்பாக பேசாத ஜோதி, தனக்கு தானே அறிவுரை கூறுவது போலவும், விரக்தியிலும் நோட், புக்கில் ஏராளமான கவிதைகளை எழுதியுள்ளார். பெற்றோர் அரவணைப்பும் இல்லாமல், ஹாஸ்டல் மாணவியருடன் சகஜமாக பேச முடியாத மாணவி ஜோதி, கடந்த 10ம் தேதி ஹாஸ்டலை விட்டு மாயமாகி விட்டார். “பெற்றோர் தன்னை திட்டுவதால் அவர்களுடன் செல்ல மாட்டேன்’ என, ஜோதி பிடிவாதம் செய்ததால் கவுன்சிலிங் கொடுக்க போலீஸார் முடிவு செய்துள்ளார்.

.மாயமான மேட்டூர் பள்ளி மாணவியர் 4 பேர் மீட்பு[2]: மேட்டூர் செயின்ட் மேரீஸ் பள்ளியில் இருந்து அடுத்தடுத்து மாயமான நான்கு மாணவியரையும்  நேற்று போலீஸார் மீட்டனர். பள்ளியில் இருந்து மாயமான நான்கு மாணவியரும் நேற்று ஒரே நாளில் போலீஸாரால் மீட்கப்பட்டதால் பெற்றோர் மகிழ்ச்சியடைந்தனர்.

பெற்றோர்கள், மாணவிகள் செய்யவேண்டியது என்ன? இப்படி மாணவியர் இளம் வயதில் பொறுப்பில்லாமல் சிறிய-சிறிய விஷயங்களுக்கு எல்லாம், விட்டைவிட்டு ஓடிப்போய் விடுவது முதலிய காரியங்களைக் கவனிக்கும் போது, அவர்களுக்கு அளவிற்கு அதிகமாக பெற்றொர்கள் செல்லம் கொடுக்கிறார்கள் அல்லது கவனிக்காமலேயே இருந்து வருகிறார்கள் என்ற நிலை வெளிப்படுகிறது. மேலும், அவர்களுக்கு பணம் கொடுப்பதும் தெரிகிறது. அதனால், தைரியமாக, ஒரு இடத்திலிருந்து வேறு இடத்திற்கு செல்கின்றனர். பெற்றோர்களுக்கு அடங்காமல் இருப்பது, சொல்லிக் கொள்ளாமல் வீட்டைவிட்டுச் செல்வது போன்ற காரியங்கள் பெண்களுக்கு நல்லதல்ல. மேலும் படிக்கும் வயதிலேயே, இத்தகைய மனப்பாங்கு வருவது சமூகப்பிறழ்ச்சிகைக் காட்டுகிறது. பெற்றோர்கள் தங்களது பெண்களை மிகவும் ஜாக்கிரதையாக கவனிக்கவேண்டும் என்ற நிலையும் வெளிப்படுகிறது.

வேதபிரகாஷ்

© 18-11-2010


[1] தினமலர், மாயமான மூன்று மாணவியர் மீட்பு, நவம்பர் 18, 2010, http://www.dinamalar.com/News_Detail.asp?Id=128899

[2] தினமலர், மாயமான மேட்டூர் பள்ளி மாணவியர் 4 பேர் மீட்பு, அக்டோபர் 13, 2010, http://www.dinamalar.com/News_Detail.asp?Id=105724