Archive for the ‘பதிவு’ Category

வினுபிரியா தற்கொலை: பேஸ் புக் – வாட்ஸ்-அப் குற்றங்கள் பெருகி வருவதும், இளம்பெண்கள் பலிகடா ஆகும் நிலையும் – தடுக்க ஒழுக்கம், கட்டுப்பாடு எங்கிருந்து துவக்க வேண்டும்?

ஜூன்29, 2016

வினுபிரியா தற்கொலை: பேஸ் புக் – வாட்ஸ்-அப் குற்றங்கள் பெருகி வருவதும், இளம்பெண்கள் பலிகடா ஆகும் நிலையும் – தடுக்க ஒழுக்கம், கட்டுப்பாடு எங்கிருந்து துவக்க வேண்டும்?

Vinupriya photos - lamenting parents-Dinakaran

மைதிலி வினுபிரியா ஐடியில் மெஸேஜ் அனுப்பியது யார்?: இதற்கிடையே நாமக்கல்லில் கல்லூரியில் படித்த போது வினுபிரியாவும், அதே கல்லூரியில் படித்த மைதிலியும் தோழியாகி உள்ளனர். இதில் மைதிலி அதே கல்லூரியில் படித்த ஒரு வாலிபரை காதலித்ததாகவும், அந்த வாலிபர் ஒரு தலையாக வினுபிரியாவை காதலித்ததாகவும் கூறப்படுகிறது. இதனால் மைதிலி தன் காதலரை தன் வசப்படுத்த வினுபிரியாவுக்கு கெட்ட பெயர் ஏற்படுத்தும் வகையில் மைதிலி வினுபிரியா என்ற பெயரில் பேஸ்புக் ஐ.டி.யை போலியாக உருவாக்கி வினுபிரியாவின் ஆபாச படங்களை வெளியிட்டிருக்கலாம் என்று போலீசாருக்கு சந்தேகம் எழுந்துள்ளது. இதனால் தற்போது சென்னையில் பணிபுரிந்து வரும் மைதிலியை போலீசார் சேலத்திற்கு விசாரணைக்கு வருமாறு அழைத்துள்ளனர். அவரிடம் விசாரித்தால் இந்த வழக்கில் முக்கிய தகவல்கள் கிடைக்கும் என்பதால் தற்போது இதில் மேலும் பரபரப்பு ஏற்பட்டுள்ளது. படிக்கும் இடத்தில், படிப்பைத் தவிர இந்த மாணவிகள் இவ்வாறு ஈடுபடுவதால் தான் பிரச்சினை ஏற்படுகிறது. அதேபோல, அந்த மாணவர்களையும் கட்டுப்படுத்தி வைக்க வேண்டும்.

Vindupriya parents cryபோலீசாரின் மெத்தன போக்கு: இதற்கிடையே முன்கூட்டியே அந்த பேஸ்-புக் ஐ.டி.யை போலீசார் முடக்கியிருந்தால் தன் மகள் இறந்திருக்க மாட்டாள் என்றும், வினுபிரியாவின் சாவுக்கு காரணமானவர்களை கைது செய்தால் தான் அவரது உடலை வாங்குவோம், இல்லையென்றால் அவரது உடலை வாங்க மாட்டோம் என்று அண்ணாதுரை மற்றும் அவரது உறவினர்கள் போராட்டம் நடத்தி வருகிறார்கள்[1]. இதனால் சேலம் அரசு ஆஸ்பத்திரியில பதட்டமான சூழல் நிலவுவதால் அங்கு கூடுதல் போலீசார் பாதுகாப்புக்கு குவிக்கப்பட்டுள்ளனர்[2]. அவரது உடல் சேலம் அரசு மருத்துவமனையில் வைக்கப்பட்டுள்ளது. குற்றவாளிகளை கைது செய்யும் வரை உடலை வாங்கப்போவதில்லை என வினுப்பிரியாவின் உறவினர்கள் இரண்டாவவது நாளாக போராட்டத்தில் ஈடுபட்டு வருகின்றனர்[3]. இந்நிலையில், மருத்துவமனையிலிருந்து மாவட்ட ஆட்சியர் அலுவலகம் வரை பேரணியாகச் சென்ற உறவினர்கள், மாவட்ட ஆட்சியர் சம்பத்திடம், குற்றவாளியை விரைந்து கைது செய்யக் கோரி மனு அளித்தனர். காவல்துறை துணைத் தலைவர் அலுவலகத்திற்குச் செல்லுமாறு மாவட்ட ஆட்சியர் பரிந்துரைத்தார். பின்னர், வெளியே வந்த பெற்றோர், அதிகாரிகள் தங்களை அலைக்கழிப்பதாக புகார் தெரிவித்தனர். காவல்துறை துணைத்தலைவர் அலுவலகத்திற்குச் செல்லாமல், அரசு மருத்துவமனைக்குச் சென்ற உறவினர்கள் அங்கு தொடர்ந்து தர்ணா போராட்டத்தில் ஈடுபட்டனர்[4]. வினுப்பிரியா தற்கொலை செய்யப்பட்ட விவகாரத்தில் குற்றவாளி மீது விரைவில் நடவடிக்கை எடுக்கப்படும் என்று சேலம் மாவட்ட ஆட்சியர் சம்பத் தெரிவித்துள்ளார்[5]. இதனிடையே போலீஸார் வருத்தம் தெரிவித்ததை அடுத்து வினுப்பிரியாவின் பெற்றோர் மற்றும் உறவினர்கள் தங்கள் போராட்டத்தை விலக்கி கொண்டதாக தகவல்கள் தெரிவிக்கின்றன[6]. சேலம் எஸ்.பி., அளித்த உறுதிமொழியை தொர்ந்து, வினுபிரியாவின் உடலை பெற்றுக் கொள்ள, பெற்றோர் சம்மதம் தெரிவித்தனர். பிரேத பரிசோதனைக்கு பின், நேற்று மாலை, அவரது உடல் ஒப்படைக்கப்பட்டது. பலத்த போலீஸ் பாதுகாப்புடன், மோட்டூரில், உடல் தகனம் செய்யப்பட்டது[7].

Salem SP Amit Kumar Singh apologises to the family of the deceased - NIE photoஇன்டர்நெட் புராட்டகால் நெட்வொர்க் முகவரியில் (.பி.எண்) சோதனை: ஆசிரியை வினுப்பிரியாவின் பேஸ்புக் படத்தை எடுத்து மார்பிங் செய்து ஆபாசமாக வெளியிட்ட ஆசாமி, எந்த இன்டர்நெட் புராட்டகால் நெட்வொர்க் முகவரியில் (ஐ.பி.எண்) இருந்து அனுப்பி இருக்கிறான் என்பதை சம்பந்தப்பட்ட நெட்வொர்க் நிறுவனத்திடம் பேசி அலசி ஆராயும் பணியை தொடங்கினர்[8]. அவர்களின் தேடுதல் வேட்டைக்கு பலனாக வினுப்பிரியா புகைப்படத்தை மார்பிங் செய்யப்பட்டதாக சொல்லப்படும் முகவரி (ஐ.பி. எண்) ஒன்று கண்டுபிடிக்கப்பட்டது. அதனுள் புகுந்து சைபர்கிரைம் போலீசார் பார்க்கையில், அதில் ஒரே ஐ.பி. எண்ணைபோல 100-க்கும் மேற்பட்ட எண்கள் இருப்பதை குற்றவாளியை பிடிப்பதில் சிக்கல் ஏற்பட்டது[9]. அதுமட்டுமல்லாது, புகைப்படத்தை மார்ஃபிங் செய்து பரவவிட்ட நபருக்கு எப்படி தற்கொலை செய்து கொண்ட வினுப்பிரியாவின் மாமா மற்றும் தந்தையின் செல்போன் எண் தெரிந்தது என்றும், தொடர்புக்கு என்று தந்தை அண்ணாதுரையின் செல்போன் எண்ணை எப்படி பதிவு செய்தான்? என்பதும் சந்தேகத்திற்கிடமாகியது. இதுதொடர்பாக போலீஸார் தீவிரமாக விசாரணை நடத்தினர்[10].

Parents refused to take the body - Vinupriyaமார்பிங் செய்த சுரேஷ் கைது (29-06-2016): இந்நிலையில், இந்த சம்பவம் தொடர்பாக சேலம்- கோவை தேசிய நெடுஞ்சாலையில் உள்ள கல்பாரைப்பட்டியை சேர்ந்த சுரேஷ் என்பவரை பிடித்து விசாரணை நடத்தினர். தொடர்ந்து அவர் கைது செய்யப்பட்டார். அவர் அளித்த தகவலின் பேரில் இளம்பிள்ளை பகுதியை சேர்ந்த தனுஷ் என்பவரை பிடித்து விசாரணை நடத்தி வருகின்றனர். மேலும் இருவரை பிடித்து விசாரணை நடத்த திட்டமிட்டுள்ளனர். சுரேஷ் தறி நெய்யும் தொழிற்சாலையில் மேலாளராக பணிபுரிந்து வந்தார். கடந்த இரண்டு வருடத்திற்கு முன் வினுப்பிரியாவை சுரேஷ் ஒரு தலையாக காதலித்ததாக கூறப்படுகிறது[11]. இதை வினுப்பிரியா ஏற்கவில்லை. இருப்பினும் வினுப்பிரியா பெற்றோரிடம் சென்று பெண் கேட்டார். ஆனால் பெண் கொடுக்க மறுத்து விட்டனர். அதே நேரத்தில் முகமது சித்திக் என்பவனும் வந்து பெண் கேட்டான், அவர் வேறு மதம் என்பதால் பெண் கொடுக்க அண்ணாதுரை மறுத்தார் என்று முன்னர் செய்திகள் வந்தன. அப்படியென்றால், இந்த விவகாரங்கள் பெற்றோர்களுக்குத் தெரியும் என்றாகிறது. இருப்பினும், இக்கால பையன்கள் இம்மாதிரி, தாங்களே, ஒருதலைபட்சமாக முடிவெடுத்துக் கொண்டு, மற்றவர்களையும், தங்களது விருப்பங்களுக்கு ஒப்புக் கொள்ளவேண்டும், இல்லையென்றால், தான் என்னவேண்டுமானாலும் செய்வேன் என்ற குரூர-வக்கிர புத்தியுடன் செயல்படுவது தான் அதிர்ச்சியாக இருக்கிறது. இதனால் ஆத்திரமடைந்த சுரேஷ் தனது நண்பர் தனுஷ் உதவியுடன் வினுப்பிரியா உடலை மார்பிங் செய்து வெளியிட்டுள்ளது விசாரணையில் தெரியவந்துள்ளதாக போலீஸ் வட்டாரங்கள் தெரிவித்தன[12].

Vinupriyas பரென்ட்ச் அப்பெஅல் டொ தெ சொல்லெச்டொர்பிடிபட்டவர்கள் எத்தனை பேர், எல்லோரும் மார்பிங் செய்தனரா?: மேலும் அவர் அளித்த தகவலின் பேரில் இளம்பிள்ளை பகுதியை சேர்ந்த தனசேகரன் என்பவரை போலீசார் பிடித்து விசாரணை நடத்தி வருகின்றனர்[13]. தொடர்ந்து விசாரணை நடைபெற்று வருகிறது[14]. சுரேஷ் அளித்த தகவலின் பேரில் மேலும் இருவரை பிடித்து விசாரிக்க காவல்துறையினர் திட்டமிட்டுள்ளனர் என்கிறாது தினகரன்[15]. இது குறித்து இன்று செய்தியாளர்களிடம் பேசிய சங்ககிரி டிஎஸ்பி கந்தசாமி, ஒருதலைக் காதலால் வினுப்பிரியா படத்தை ஆபாசமாக சித்தரித்து சுரேஷ் வெளியிட்டுள்ளார். வினுப்பிரியா தற்கொலை வழக்கில் சுரேஷை தவிர வேறு யாருக்கும் தொடர்பில்லை. கைதான சுரேஷிடம் தொடர்ந்து விசாரணை நடைபெற்று வருகிறது” என்று தெரிவித்தார் என்கிறது விகடன்[16], ஆனால் தனசேகர் பற்றி ஒன்றும் குறிப்பிடவில்லை[17]. எனவே, இவ்விசயத்திலும் முரண்பட்ட செய்திகள் விசித்திரமாக இருக்கின்றன, உண்மையில் மார்பிங் செய்தது யார், அல்லது அவனுக்கு உதவி செய்தது யார், இதில் ஈடுபட்டது, ஒருவரா, ஒருவருக்கு மேல் உள்ளனரா என்ற கேள்விகள் எழுகின்றன.

 

© வேதபிரகாஷ்

29-06-2016

[1] மாலைமலர், பேஸ்புக்கில் ஆபாச படம் வெளியானதால் ஆசிரியை தற்கொலை: உடலை வாங்க மறுத்து உறவினர்கள் போராட்டம், பதிவு: ஜூன் 28, 2016 10:43

[2] http://www.maalaimalar.com/News/District/2016/06/28104306/1021908/salem-teacher-suicide-case-relatives-struggle.vpf

[3] நியூஸ்7.டிவி, மார்ஃபிங் காரணமாக தற்கொலை செய்துகொண்ட வினுப்பிரியாவின் உடலை வாங்க மறுப்பு, June 28, 2016

[4] http://ns7.tv/ta/parents-refused-take-vinupriyas-body.html

[5] தினபூமி, வினுப்பிரியா தற்கொலை: விரைவில் குற்றவாளி கைது செய்யப்படுவார் சேலம் கலெக்டர் உறுதி, June 28, 2016

[6] http://www.thinaboomi.com/2016/06/28/57532.html

[7] http://www.dinamalar.com/news_detail.asp?id=1553212

[8] தினத்தந்தி, வினுப்பிரியா தற்கொலை வழக்கில் இளைஞர் கைது; செல்போன், சிம்கார்டை பறிமுதல் செய்து விசாரணை, பதிவு செய்த நாள்: புதன், ஜூன் 29,2016, 10:31 AM IST; மாற்றம் செய்த நாள்: புதன், ஜூன் 29,2016, 10:31 AM IST.

[9] http://www.dailythanthi.com/News/India/2016/06/29103132/Morphed-Facebook-images-drive-woman-to-suicide-youth.vpf

[10] http://tamil.oneindia.com/news/tamilnadu/one-arrest-salem-vinupiriya-suicide-case-257036.html

[11] விகடன், ஒருதலைக்காதலன் செய்த விபரீதமா? வினுப்பிரியா வழக்கில் திருப்பம், Posted Date : 11:32 (29/06/2016)

[12] தினமலர், வினுப்பிரியா படத்தை மார்பிங் செய்து வெளியிட்டவர் கைது, ஜூன்.29, 2016:13:41.

[13] தமிழ்.ஒன்.இந்தியா, வினுப்பிரியா தற்கொலை: ஒருவரை கைது செய்தது சேலம் போலீஸ், By: Mayura Akilan, Published: Wednesday, June 29, 2016, 10:34 [IST]

[14] http://www.dinamalar.com/news_detail.asp?id=1553571

[15] http://www.dinakaran.com/latest_detail.asp?Nid=227665

[16] http://www.vikatan.com/news/tamilnadu/65654-new-twist-in-vinu-priya-suicide-case.art

[17] விகடன், ஒருதலைக்காதலன் செய்த விபரீதமா? வினுப்பிரியா வழக்கில் திருப்பம், Posted Date : 11:32 (29/06/2016)

Advertisements

இந்தியாவில் விவாகரத்து அதிகமாவதேன் – குழந்தைகள் தவிப்பது, குடும்பங்கள் உடைவது, சமூகம் சீரழிவது அதிர்ச்சியடைவதாக உள்ளது!

ஜூன்23, 2016

இந்தியாவில் விவாகரத்து அதிகமாவதேன் – குழந்தைகள் தவிப்பது, குடும்பங்கள் உடைவது, சமூகம் சீரழிவது அதிர்ச்சியடைவதாக உள்ளது!

Grounds for divorce in Indian laws

விவாகரத்து பெறும் முன்பு மறுதிருமணம் செய்ய முடியுமா? [1]: இந்திய குடும்பவியல் நடைமுறைச் சட்டத்தின் படி நீதிமன்றத்தில் விவாகரத்து வழக்கு தொடர குறைந்த பட்சம் திருமணம் ஆகி ஒரு வருட காலம் ஆகி இருக்க வேண்டும். தற்போதைய குடும்பவியல் நடைமுறை சட்டத் திருத்தத்தின்படி கணவர் மற்றும் மனைவி ஆகிய இருவரின் சம்மதத்தின் பேரில் விவாகரத்து வழக்கு நீதிமன்றத்தில் தொடரப்பட்டிருந்தால் நீதிமன்றத்தில் வழக்கு பதிவு செய்த ஒரு சில தினங்கள் கழித்து நீதிமன்றத்தில் மறுதிருமணம் பற்றி மனு தாக்கல் செய்து விட்டு விவாகரத்து கிடைக்கும் முன் வேறு ஒருவரை மறுதிருமணம் செய்து கொள்ளலாம் என்று சட்டத்தில் கூறப்படுகிறது[2]. இதனால், மறுமணங்கள் அதிகரிக்கின்றன. ஆனால், அதற்கேற்றப்படி, அத்தகைய மறுமணங்களும் பிளவுபடுகின்றன. மனோதத்துவரீதியில், மறுமணம் செய்து கொள்ளும் தம்பதியர் அதிககாலம் சேர்ந்து வாழ்வதில்லை. மனத்திற்குள், இவள் – இவன் ஏற்கெனவே திருமணம் ஆனவள் – ஆனவன், இன்னொருவனுடன் – இன்னொருத்தியுடன் உடலுறவு கொண்டவள் – கொண்டவன் என்ற எண்ணம் உருத்திக் கொண்டே இருக்கும். குழந்தைகள் இருந்தால், பிரசினை சீக்கிரம் வரும். மறுமணம் ஆகிய பிறகு குழந்தைகள் பிறந்தால், அப்பிரச்சினைகள் இன்னும் வளரும்.

Divorce rate Madurai figuresவிவாகரத்திற்கு காரணம் குடும்ப வாழ்க்கை முறை சிதைந்தது தான்[3]: குடும்பநல கோர்ட்டுகளில் இப்போது விவாகரத்து வழக்குகள் நிரம்பி வழிகின்றன. ஒவ்வொரு நாளும் நூற்றுக்கணக்கான விவாகரத்து வழக்குகள் கோர்ட்டுகளில் பதிவானபடி உள்ளன. இது சம்மந்தமாக சுப்ரீம் கோர்ட்டு பல வழிகாட்டுதல்களை தெரிவித்து உள்ளது. தம்பதிகளிடம் ஆலோசனை கூறி விவாகரத்துக்களை தவிர்க்கும்படி கோர்ட்டு கூறி இருக்கிறது. ஆனாலும் விவாகரத்து வழக்குகள் குவிந்த வண்ணம் உள்ளது. இதற்கு முக்கியமான காரணம் குடும்ப வாழ்க்கை முறை சிதைந்தது தான் என்று ஏற்கனவே சுப்ரீம் கோர்ட்டு கூறி இருக்கிறது. தனிக்குடித்தனம், மன அழுத்தங்கள், காலதாமதமான திருமணம், நிதி பிரச்சினை போன்றவையும் விவாகரத்து வழக்கு வருவதற்கு முக்கிய காரணங்களாக உள்ளன. இங்கும், “குடும்ப வாழ்க்கை முறை சிதைந்தது” என்பதை ஆராய வேண்டும். முதலில் “குடும்பம்” மற்றும் “குடும்ப வாழ்க்கை முறை” என்பது என்ன என்பதனை ஒரு வரையறைக்குள் விவரிக்கப் பட்டால் தான் நிலைமை தெளிவாகும். இந்தியாவைப் பொறுத்த வரையில், பாரம்பரிய குடும்பமுறை போற்றப்படுகிறது. பொதுவாக, மாறி வரும் இக்காலத்திலும் கணவன்-மனைவி மட்டுமல்லாது, அவர்களது பெற்றோர் என்ற நிலையுள்ளது. இது கூட்டுக்குடும்பம் அக்காவிட்டாலும், பேரன்-பேத்திகளைப் பார்த்துக் கொள்ளும் நிர்பந்தங்களில் இருக்கின்றது. மணமகள் ஒப்புக்கொண்டு, பொறுத்துக் கொண்டு, அனுசரித்துக் கொண்டு இருக்கும் வரை நீடிக்கிறது. இல்லை, அதுவே விவாக ரத்திற்கான ஒரு காரணாமாக அமையும் நிலையும் ஏற்படுகிறது.

No of divorced in India 2011 census படித்த தம்பதிகள் மத்தியில் விவாகரத்து அதிகரிப்பு: சுப்ரீம் கோர்ட்டு கவலை[4]: இந்த நிலையில் டெல்லியில் விவாகரத்து வழக்கு ஒன்றை சுப்ரீம் கோர்ட்டு நீதிபதிகள் சப்ரே, அசோக்பூஷண் ஆகியோர் விசாரித்தனர். அப்போது அவர்கள் கூறியதாவது: “நாட்டில் விவாகரத்து வழக்குகள் அதிகமாகி வருவது கவலை அளிக்கிறது. அதுவும் படித்தவர்கள் மத்தியில் தான் அதிக பிரச்சினை வருகிறது. சின்ன பிரச்சினைகளுக்கும் படித்தவர்கள் ஏன் அடித்துக் கொள்கிறார்கள். உங்களுடைய பிரச்சினைகளை நீங்கள் உட்கார்ந்து பேச வேண்டும். விவாகரத்து வழக்குகளை கொண்டு வரும் வக்கீல்கள் சம்மந்தப்பட்ட தம்பதிகளை ஒன்று சேர்ப்பதற்காக முயற்சிகள் மேற்கொள்ள வேண்டும். இதன் மூலம் அந்த தம்பதிகள் ஒன்று சேர்ந்து வாழ்ந்தால் நாங்கள் மகிழ்ச்சி அடைவோம். இது சம்மந்தமாக முறையான விழிப்புணர்வுகளை ஏற்படுத்த வேண்டும்”, இவ்வாறு அவர்கள் கூறினார்கள். படித்தவர்கள் என்பதை விட, படித்து வேலையில் உள்ள தம்பதியினர், அதிலும், ஐடி போன்ற கம்பெனிகளில் அதிகமான சம்பளத்தைப் பெற்று, வசதியாக வாழ்ந்து, ஜாலியாக வேழ்க்கையினை அனுபவித்து வரும் ஆண்-பெண்களிடம் தான் இப்போக்கு அதிகமாக இருக்கிறது.

Divorce - affected childrenடி.வி. சீரியல்களால் தமிழகத்தில் விவாகரத்து வழக்குகள் அதிகரித்துள்ளது (2009)[5]: டி.வி. சீரியல்களால் தமிழகத்தில் விவாகரத்து வழக்குகள் அதிகரித்துள்ளதாக மாநில சமூக நலத் துறை ஆணையர் என்.பி.நிர்மலா தெரிவித்தார். குடும்ப வன்முறை தடுப்புச் சட்டம் தொடர்பான விழிப்புணர்வை ஏற்படுத்த தமிழ்நாடு சமூக நலத் துறை சார்பில் சென்னையில் பயிலரங்கு நடைபெற்றது.   அதில் அவர் பேசியதாவது: “தொலைக்காட்சியில் நாள் முழுவதும் ஒளிபரப்பப்படும் தொடர்களில், சிறியப் பிரச்னைகள் ஊதிப் பெரிதாக காட்டப்படுகின்றன. இதன் காரணமாக, சிறியப் பிரச்னைகளும் பெரிதாக்கப்பட்டு, தற்போது விவாகரத்து கோரப்படுகிறது.   மொத்தம் 2,376 வழக்குகள்: குடும்ப வன்முறைச் சட்டம் 28.10.06-ம் தேதி அமல்படுத்தப்பட்டது. இந்த சட்டத்தின் கீழ் தமிழகத்தில் இதுவரை 2,376 வழக்குகள் சமூக நலத் துறையின் விசாரணைக்கு வந்துள்ளன. இதில் 139 வழக்குகளில் இருதரப்பினருக்கும் சமரசம் செய்யப்பட்டுள்ளது. 920 வழக்குகள் தீர்க்கப்பட்டுள்ளன”, என்றார் அவர்.   இவர் 2009ல் இப்படி சொன்னாலும், 2016ல் நிலைமை ஒன்றும் மாறிவிடவில்லை, மோசமாகத்தான் போயுள்ளது. விவாகம் பற்றிய நல்லதையே போதிக்கும் முறையில் டிவி, சினிமா மற்ற ஊடகங்கள் இல்லை. திருமணத்திற்கு புறம்பான செக்ஸ் போன்றவற்றைத்தான் ஊக்குவிக்கும் வகையில் விவரங்களைக் கொடுத்து வருகிறார்கள்.

Times of India illustration -misuse of Section 498A of the Indian Penal Code by womenபெண்கள் இதைக் கேடயமாகப் பயன்படுத்த வேண்டும். ஆயுதமாகப் பயன்படுத்தக் கூடாது (2009) – உயர் நீதிமன்ற நீதிபதி கே.என்.பாஷா: “குடும்ப வன்முறை சட்டம் நமது சமூகத்துக்கு மிகவும் தேவையான சட்டம். நமது நாட்டில் திருமணமான பெண்கள் 40 சதவீதம் பேர் கணவர்களால் துன்புறுத்தப்படுகின்றனர்.   மனைவி, தாய், சகோதரி அனைவரும் குடும்பப் பிரச்னைகளால் வன்முறைக்கு ஆளாகின்றனர். குடும்ப வன்முறையால் பாதிக்கப்பட்டவர்களுக்கு நிவாரணம் அளிக்கவும், அவர்களைப் பாதுகாக்கவும் இந்த சட்டம் உருவாக்கப்பட்டுள்ளது.   இந்த சட்டத்தின்படி, தண்டனை முக்கியமல்ல. நிவாரணம்தான் முக்கியம்.   பெண்கள் இதைக் கேடயமாகப் பயன்படுத்த வேண்டும். ஆயுதமாகப் பயன்படுத்தக் கூடாது”, என்றார் நீதிபதி கே.என்.பாஷா[6].   இந்த நிகழ்ச்சியில் தமிழ்நாடு சமூக நல வாரியத் தலைவர் சல்மா, பெண் வழக்கறிஞர்கள் சங்கத் தலைவர் சாந்தகுமாரி உள்ளிட்டோர் பங்கேற்றனர். சட்டத்தை துஷ்பிரயோகம் செய்வது, ஒரு பெண் பலரை மணப்பதும், ஒரு ஆண் பல பெண்களை திருமணம் செய்து கொள்வதிலிருந்தே தெரிகிறது.

Times of India illustration 498-Aகற்ப்பைப் பற்றி மோசமான, கீழ்த்தரமான எண்ணத்தை உருவாக்கி வைத்துள்ளது:  சமீபகாலத்தில், நடிக-நடிகர்கள், சமூகப் பிரச்சினைகளைப் பற்றி, தங்களது, அதிகப்பிரசிங்கத்தனமான கருத்துகள், ஆலோசனைகள் முதலியவற்றை ஊடகங்களின் மூலம் சொல்லி வருவதால், அவை, எளிதில் மக்களுக்குச் சென்றடைகிறது. மேலும், இப்பொழுதைய ஊடக விளம்பரங்கள், சினிமாக்கள் பெண்களை கேவலமாகச் சித்த்ரிக்கின்றன. சென்ட்-டூத் பேஸ்ட்டிற்காகவே படுக்க வந்து விடுவாள் போன்று சித்தரிக்கப்படுகிறது. இது குடும்பத்தோடு பார்த்து ரசிக்கப்படுகிறது. பொதாகுறைக்கு, ஒரு தாயே, மகன் “டேடிங் / பொரோபசலுக்கு” செல்லும் போது, அத்தகைய சென்டை பரிந்துரைக்கிறாள். பலதார கமல்ஹஸன் குடும்ப உறவுகளைப் பற்றி பேசுவது மோசமாக உள்ளது. போதாகுறைக்கு “சேர்ந்து வாழும்” முறை ஆதரித்து பரப்பி வருவது, விபச்சாரத்தை ஆதரிப்பது போல உள்ளது. அதேபோல, முன்னர் குஷ்பு கற்ப்பைப் பற்றி சொன்னதும் படுகேவலமானது. அதாவது, எந்த ஒழுக்கத்தையும் கடைப்பிடிக்காமல் இருக்கும் இவர்கள், தாம்பத்தியம், குடும்பம், குடும்ப வாழ்க்கை, குடும்ப வாழ்க்கை முறை முதலியவற்றைப் பற்றி பேசுவதற்கு அருகதை உள்ளதா என்று யோசிக்க வேண்டியுள்ளது.

© வேதபிரகாஷ்

23-06-2016

[1] தமிழ்.வெப்துனியா, விவாகரத்து பெறும் முன்பு மறுதிருமணம் செய்ய முடியுமா?

ஞாயிறு, 19 ஜூன் 2016 (07:30 IST)

[2] http://tamil.webdunia.com/article/regional-tamil-news/can-you-remarriage-116061900003_1.html

[3] மாலைமலர், படித்த தம்பதிகள் மத்தியில் விவாகரத்து அதிகரிப்பு: சுப்ரீம் கோர்ட்டு கவலை, பதிவு: மே 21, 2016 10:16.

[4] http://www.maalaimalar.com/News/TopNews/2016/05/21101620/1013213/increasing-divorce-cases-SC-says-couples-must-sort.vpf

[5] தினமணி, டி.வி. சீரியல்களால் விவாகரத்து அதிகரிப்பு, By First Published : 12 July 2009 03:36 AM IST.

[6] http://www.dinamani.com/edition_chennai/chennai/article1048604.ece

“ரத்தம் சொரிவதற்கு சந்தோஷமாக இருக்கிறேன்” – பதில் சொல்லாமல் ஓடிய நிகிதா ஆஜாத் – சபரிமலை, மாதவிலக்கு, தூய்மை – பெண்ணிய வீராங்கனைகளின் ரத்தப் போராட்டம் (3)

திசெம்பர்7, 2015

ரத்தம் சொரிவதற்கு சந்தோஷமாக இருக்கிறேன்” – பதில் சொல்லாமல் ஓடிய நிகிதா ஆஜாத் – சபரிமலை, மாதவிலக்கு, தூய்மை – பெண்ணிய வீராங்கனைகளின் ரத்தப் போராட்டம் (3)

Vedaprakash, Nikita Azad correspondence started on 24-11-2015

27-11-2015 அன்றைய என்னுடைய பதில்: அந்த இளம்பெண், என்னுடைய பெயரைக் குறிப்பிட்டு, முஸ்லிம்களின் பழக்க-வழக்கக்களையும் நாங்கள் மதிப்பதில்ல என்று குறிப்பிட்டதாலும், இதுதான் உங்களது பிரச்சாரத்தின் “நாகரிகம்” மற்றும் “பண்பாடா”, “உங்கள் தாயார்கள் உங்களுடைய பதிவுகளைப் பார்த்தால்” என்ன நினைப்பார்கள் என்று, நான் பதிவு செய்ததால், இப்பதிலை பதிவு செய்கிறேன்[1]:

 Vedaprakash, Nikita Azad correspondence started on 25-11-2015

  1. மதப்பிரச்சினை/சண்டைகளை உங்களது கிருத்துவ மற்றும் முஸ்லிம் நண்பர்கள் தான் செய்து வருகிறார்கள். அவர்கள் எப்படி ஒரு குறிப்பிட்ட மதத்தினை குறைக்கூறுகின்றனர், அதே நேரத்தில் மற்ற மதங்களின் நல்லதை எடுத்துக் காட்டுகிறார்கள் என்பதை அவர்களது பதிவுகளிலிருந்தே (உண்மையில் அவையெல்லாம் தவறு, பொய் மற்றும் கட்டுக்கதைகள்) அறிந்து கொள்ளலாம்[2].
  2. இப்பொழுதுதான், “பாலியல் ரீதியில் வேற்றுமைப் படுத்தும் எல்லா மதங்கள் மற்றும் சடங்குகள் எல்லாவற்றிற்கும் எதிர்க்கிறோம்”, என்ற வாதமே வந்துள்ளது. அதிலும், நான் பல இடங்களில் அவர்களது வாதங்களுக்கு எதிராக பதில் கொடுத்த பிறகு, என்னுடைய பெயரைக் குறிப்பிட்டு நீங்கள் இதனை ஆரம்பித்துள்ளீர்கள். அதனால் தான், நான் ஆரம்பத்திலேயே, “செக்யூலரிஸத்துடன் ரத்தத்தை சொரியுங்கள்” என்று குறிப்பிட்டேன்[3].
  3. அவதுறான, மோசமான, கீழ்த்தரமான வார்த்தைகள், படங்களுடன் பிரச்சாரம் செய்து வருவதால் தான், உங்களை நீங்களே நியாயப்படுத்திக் கொள்ள, “நேரிடையான விவாதம் புரிவது அவர்களது திட்டமல்ல என்று தெரிகிறது”, என்ற வாதம் வைக்கப்பட்டுள்ளது.
  4. நேரிடையான விவாதம் – உங்களுடைய பதிவுகளில் இல்லை, அதனை எடுத்துக் காட்டிய நிலையில், அத்தகைய பிரதிவாதமும் வெளிப்படுகிறது.Shyama Dasgupta - Happy to bleed photo
  5. பார்ப்பன அடிப்படைவாதிகள் நமது இயக்கத்திற்கு அவப்பெயர் ஏற்படுத்த இன்னொரு முறையைத் தேர்ந்தெடுத்துள்ளார்கள்[4] – என்னது இது? என்னை “பார்ப்பன அடிப்படைவாதி”, “மத-அடிப்படைவாதி” என்று அழைப்பதற்கு என்ன உரிமை உள்ளது?
    1. உம்முடைய திட்டம் என்ன?
    2. நான் எடுத்துக் காட்டியவற்றை முறைப்படி எதிர்கொள்ள முடியவில்லை, பதிலளிக்க முடியவில்லை என்றால், இயலாமை மற்றும் அந்த பொருளைப்பற்றிய உண்மை தெரியாது என்பதனை ஒப்புக்கொள்ளுங்கள்.
    3. இத்தகைய தாக்குதல்களில் ஈடுபடவேண்டாம்.
    4. உண்மையில், உமது தாக்குதல் போக்கிலிருந்தே, உமது நிலை வெளிப்பட்டுவிட்டது[5].
  6. நம் மீது ஆணாதிக்க வார்த்தைகளை உபயோகித்தும், “உங்கள் தாயார்கள் உங்களுடைய பதிவுகளைப் பார்த்தால்என்றும் ஆரம்பித்துள்ளார்கள்- ஆமாம், நான் இவ்வாறுபதிவு செய்தேன்.

எனக்கு வயது 65 ஆகிறது, அதனால், உங்களது பிரச்சாரப் போக்கைக் கவனித்து, மிக்க கவலையுடன் உங்களுக்கு மற்றும் உமது நண்பர்களுக்கு பதிலளிக்க ஆரம்பித்துள்ளேன்.

 

நிச்சயமாக நான் மாத விடாய் கொண்ட பெண்கள் வழிபாட்டு ஸ்தலங்களில் நுழைவதைப் பற்றிய உண்மைகளை எடுத்துக் காட்டுகிறேன் என்பதை கவனிக்கலாம்.

 

ஆனால், நீங்களோ சபரிமலை இயக்கத்திற்கு எதிராக மட்டும் பிரச்சாரம் செய்கிறீர்கள்.

 

மேலும், நிருபர்கள் அத்தகைய பெண்கள் உள்ளே நுழைந்தால், எப்படி தடுப்பீர்கள் என்று கேட்டதால் தான், அவர் அத்தகைய பதிலைக் கொடுத்தார்[6].

உமக்கு, ஒருவேளை ஜெயமாலா நடிகை கோவிலுக்குள் சென்ற வழக்குப் பற்றி தெரிந்திருக்கும்.

 

இன்றைக்கு இணைதளத்தை குழந்தைகள், சிறுவர்கள், சிறுமிகள் என்று பலரும் பார்க்கிறார்கள். அதனால், நிச்சயமாக படங்கள் அல்லது வேறு முறையில் (கருத்துகளை) வெளிப்படுத்தும் போது, நாகரிகம் மற்றும் பண்பாடு கடைப்பிடிக்கப்படவேண்டும்

  1. மற்ற விமர்சனங்கள் என்னைப் பற்றியதல்ல என்றாலும், நான் நியூட்டனது மூன்றாம் விதி எப்படி வேலை செய்யும் என்பதனை நினைவுபடுத்த விரும்புகிறேன். ஒரு உதாரணம் சொல்வதானால், “கடவுளே, என்னுடைய கால்களிடையே பார்க்காதே, சரியா” என்ற புகைப்படம்[7].Kandasamy pjhoto provoking Aniruddh Desai with reply
  2. அதே நேரத்தில் நமது ஆதரவாளர்களை அந்த கோவில் மற்றும் கோவில் அதிகாரிகரிகளுக்கு எதிராக எந்தவிதமான வார்த்தைகளையும் உபயோகப்படுத்த வேண்டாம் என்று வேண்டிக் கொள்கிறேன்” – இப்பொழுது தான், இவ்வாறு சொல்கிறிர்கள்! ஆனால், உங்களது முழுப்பிரச்சாரம், கோவில், கோவில் நிர்வாகத்தினர், பழக்க-வழக்கங்கள், சடங்குகள், நம்பிக்கைகள் முதலியவற்றிற்கு எதிராகத்தான் இருந்துள்ளன, இருக்கின்றன. ஆகையால், சட்டப்படி, யாதாவது நடவடிக்கை எடுக்கப்படும் என்ற அச்சம் வந்துவிட்டது.
  3. ஓ, பிரச்சாரகர்களே, அமைதியாகவும், சாந்தமாகவும், பொறுமையாகவும் யோசியுங்கள். ஏனெனில், உங்களில், பெரும்பாலோர், பள்ளி-கல்லூரிகளில், நிறைய ஆசைகளுடன், எதிர்பார்ப்புகளுடன் மனங்களில் படித்து வருகிறீர்கள். ஆகையால், நிகிதா ஆஜாத் போன்றோர்களால் தூண்டிவிடப்பட்டு, சித்தாந்தரீதியில், இவ்வாறான பிரச்சாரங்களில் ஈடுபடுவதை விட, உங்களது படிப்புகளில் கவனத்தைச் செல்லுத்துங்கள்.
  4. பதிலாக சித்தாந்த ரீதியில், வாதங்களை உபயோகப்படுத்துங்கள். அது நமது பிரச்சாரத்தை மேன்படுத்தும்” – என்று இப்பொழுது பறைச்சாற்ற அரம்பித்து விட்டாகியது போலும். இப்பொழுது தான் உங்களது பிரச்சாரத்தில் தரமில்லை என்று உணர்ந்தீர்கள் போலும்! இன்றைக்கு வெள்ளிக் கிழமை, கடைசி நாளான இன்று உமக்கு ஞானோதயம் பிறந்துள்ளது.

நான் அன்னை தெய்வம் உங்களுக்கெல்லாம் எல்லாவிதமான செழுமை, சீமை மற்றும் சிறந்த எதிர்காலத்தை கொடுக்குமாறு வேண்டிக் கொள்கிறேன்.

வேதபிரகாஷ்.

27-11-2015.

நிகிதா ஆஜாத் - நாத்திகவாதி, டி.எஸ்.ஓ. தலைவி, ரத்தம் சொரியும் இயக்கவாதி

இதற்கு நிகிதா ஆஜாதால் பதில் கொடுக்க முடியவில்லை, மாறாக, என்னை அந்த உரையாடலில் பங்குக் கொள்ள தடை செய்தது மட்டுமல்லாது, தளத்தைப் பார்க்க முடியாமல் செய்து விட்டார்கள். ஆகவே, இதுதான், என்னுடைய கடைசி பதிலாக இருக்கப்போகிறது[8].

எண்ணவுரிமை, கருத்துரிமை, பேச்சுரிமை, என்றெல்லாம் இவர்கள் பேசுகிறாற்கள், ஆனால், அது இவ்வாறுதான், செயல்படுகிறது. அடுத்தவர்களது எண்ணம், கருத்து, பேச்சு பற்றி அவர்களுக்கு பொறுமையில்லை, அவற்றிற்கு தடை விதிக்கிறார்கள்.

இத்தகைய போக்கை என்னவென்று சொல்வது?

இவ்விதமாகத்தான், அவர்கள் தங்களது சகிப்புத் த்ன்மையினை வெளிப்படுத்துகிறார்கள் போலும்?

அவர்களது பிரச்சாரத்தை டிசம்பர் 4 வரை நீட்டித்துள்ளது போல தெரிகிறது.

நிகிதா ஆஜாத் - நாத்திகவாதி, கம்யூனிஸ்ட், ரத்தம் சொரியும் இயக்கவாதி

வேதபிரகாஷ்.

30-11-2015.

அதற்குள், சென்னையில் வெள்ளம் வந்து என்னை முடக்கி விட்டது. ஆறுநாட்களில் சிறையில் இருந்தது போல தனியாக இருந்தேன். மின்சாரம், தொலைபேசி. இன்டெர்நெட் என்று எதுவும் இல்லை. இன்று தான், நண்பரின் உதவியால் ஓரளவிற்கு, வெளிவந்துள்ளேன்.

© வேதபிரகாஷ்.

07-12-2015.

[1] http://www.christiansanonymous.info/happy-to-bleed-campaign-nikita-azad-and-vedaprakash-four-days-correspondence/

[2]  இதையெல்லாம் பதிவு செய்யும் போதே, உலகளவில் ஐசிஸ், ஐசில், முதலிய தீவிரவாதம் பற்றி பேசப்படுகிறது, விவாதிக்கப்படுகிறது. ஆனால், இந்த பெண்கள் அவற்ரைப் பற்றி கண்டுகொள்ளாமல் இருப்பது வேடிக்கைதான்!

[3]  இது அக்குழுவில் உள்ள பெண்களை நன்றாகவே, பாதித்துள்ளது என்று தெரிகிறது. ரத்தம் மனிதர்களுக்கு, ஏன் பெண்களுக்கும் ஒன்று என்றிருக்கும் போது, தடையும் ஒரே மாதிரியாகத்தானே இருக்க வேண்டும். பிறகு, சபரிமலையைப் பிடித்துக் கொண்டிருப்பது, எதையோ திசைத்திருப்பும் போக்காக உள்ளது போலும்!

[4] அதாவது, எதையும் பொருட்படுத்தாமல், அடுத்தவர்களை வசைப்பாடுவது என்பதனை, இந்த இளம்பெண்ணிற்கு இந்த வயதிலேயே சொல்லிக்கொடுத்திருக்கிறார்கள் என்றால், அச்சித்தாந்தவாதிகள் பெரியவர்களை என்ன மதிக்கப் போகிறார்கள் என்று தெரியவில்லை.

[5] பொதுவாக, இவர்கள் மற்றவர்களை “பாசிஸவாதிகள்” என்றும் குற்றஞ்சாட்டுவார்கள். ஆனால், உண்மையில் இவர்கள் தாம்“பாசிஸவாதிகளாக” இருக்கிறார்கள். ஏனெனில், இவர்கள், என்றுமே தாங்கள் சொல்வதைத்தான், அடுத்தவர்கள் ஏற்றுக் கொள்ல வேண்டும், அடுத்தவர்கள் சொல்வதைக் கேட்கக் கூடாது, என்ற எண்ணத்தை வளர்த்துக் கொண்டுள்ளனர்.

[6] நிருபர் கேட்ட துடுக்கான கேள்விக்கு, துடுக்காகவே பதில் கொடுக்கப்பட்டுள்ளது. ஆனால், இதை வைத்துக் கொண்டு, இவ்வாறான, பிரச்சாரத்தில் ஈடுபட்டு, அற்ப விளம்பரத்தப் பெறவேண்டும் என்பது, இவர்களுக்குத்தான் தோன்றியுள்ளது.

[7] உண்மையில், இந்த புகைப்படத்தைக் கண்டித்து, சிலர் பதில் அளித்துள்ளனர். அது, புகைப்படத்தைப் போன்று வக்கிரமாகத்தான் இருந்துள்ளது.

[8] https://vedaprakash.wordpress.com/2015/11/30/happy-to-bleed-campaign-nikita-azad-and-vedaprakash-four-days-correspondence/

ஜோசப், பிலிப் ஜோசப், திலிப் ஜோசப் என்ற பெயர்களில் நான்கு பெண்களை திருமணம் செய்து கொண்டு ஏமாற்றியவன் (1)

ஓகஸ்ட்17, 2013

ஜோசப், பிலிப் ஜோசப், திலிப் ஜோசப் என்ற பெயர்களில் நான்கு பெண்களை திருமணம் செய்து கொண்டு ஏமாற்றியவன் (1)

Philip Joseph - Dilip Joseph - D. Joseph- army

ராணுவ சமையல்காரன்,  அதிகாரி என்று சொல்லி ஏமாற்றி திருமணம்: மூன்று திருமணம் செய்து, பெண்களை ஏமாற்றிய ராணுவ சமையல்காரனை, போலீசார் கைது செய்தனர். கோவை, பெரியநாயக்கன்பாளையத்தைச் சேர்ந்தவர், ஜோசப் / பிலிப் ஜோசப் / திலிப் ஜோசப் வயது 33, ராணுவத்தில் சமையல்காரராக பணியாற்றுகிறான்[1]. ஆனால், தான் அதிகாரியாக இருக்கிறேன் என்று சொல்லி கன்னியாகுமரியைச் சேர்ந்த திவ்யா என்பவரை திருமணம் செய்து கொண்டான். ஆனால், அவனது நடவடிக்கை, பொய் பேசும் விதம் முதலியவற்றை கவனித்து, திவ்யா ராணுவ நீதிமன்றம் மூலம் விவாக ரத்து பெற்றுக் கொண்டாள்[2]. இதற்கு மேல் இவரைப் பற்றிய விவரங்கள் தெரியவில்லை.

Philip Joseph - Pushpalatha

புஷ்பலதா  –  இரண்டாவது மனைவி கொடுமைப் படுத்தப் பட்டது (2006-07): தனக்கு 16 வயது இருக்கும் போது, 26 வயதான பிலிப் ஜோசப்பைத் திருமணம் 17-01-2006 அன்று கோயம்புத்தூர், மேட்டுப்பாளையத்தைச் சேர்ந்த புஷ்பலதா செய்து கொண்டாள். அப்பொழுது தனது பெயர் டி. ஜோசப் என்று கொடுத்திருந்தான். தனது கணவனுடன் தான் எல்லா இடங்களுக்கும் சென்று வந்தாள். ஒருமுறை, ஒரு ஐஸ்கிரீம் பார்லருக்கு சென்றபோது, இளைஞர்கள், புஷ்பலதாவையே பார்த்துக் கொண்டிருந்தார்கள். அவர்களில் ஒருவன், பிலிப் என்ன உனது தந்தையா என்று கேட்டுவிட்டான். என்னை விட வயதில் அதிகமாக இருந்ததாலும், அவ்வாறே தோற்றமளித்ததாலும் அவ்வாறு கேட்டான். இதை கேட்டு கோபம் அடைந்த ஜோசப், ஐஸ்கிரீமை, எல்லோருக்கும் எதிரில் என்னுடைய முகத்தில் எரிந்தான். அது மட்டுமல்லாது, அவனுடைய தாய் மற்றும் சகோதரி தன்னை கொடுமைப் படுத்தியதையும் விளக்கினாள். “அவர்கள் என்னை அடித்தார்கள். நான் கர்ப்பமாக இருந்தபோது கூட விடவில்லை. அடித்துத் துன்புறுத்தினார்கள். மொட்டை மாடியில் வெயிலில் நிற்க வைத்தார்கள். நீ அழகாக இருக்கிறாய், கலராக இருக்கிறாய் என்று தானே பெருமைப் பட்டுக் கொள்கிறாய்? வெயிலிலேயே கிட, அப்பொழுது தான் நீ கருப்பாவாய். அப்பொழுது யாரும் உன்னைப் பார்க்க மாட்டார்கள்”, என்றெல்லாம் திட்டினார்கள் இதனால், தனது அத்தை வீட்டிற்கு செல்ல முயன்ற போது, மாமியார் மிரட்டினாள். பிறகு ஒரு நாள் இரவு வீட்டை விட்டே விரட்டி அடித்தாள்.

Joseph with Pushpalata and children

ரம்யா  –  மூன்றாவது மனைவி கொடுமைப் படுத்தப் பட்டது –  2010: கோயம்புத்தூர், கணபதியைச் சேர்ந்த, ரம்யா 30 வயதான டி. பிலிப் என்ற ஜோசப் பிலிப்பை 18-10-2010 அன்று திருமணம் செய்து கொண்டாள். ரம்யாவிற்கு முதல் குழந்தை பிறந்தது. அதற்கு பால் கொடுப்பதற்கே, மாமியார் தடுத்து வந்தாள். முதல் குழந்தை வளர்வதற்கு முன்னமே, பிலிப் உறவு கொண்டதால், இரண்டாவது குழந்தை பிறந்தது. இரண்டு குழந்தைகளுக்கும் கொடுக்க போதிய தாய்பால் இல்லை. வீட்டிலோ சத்தான உணவும் கொடுப்பதில்லை. குழந்தைகளுக்கு பாலும் கொடுப்பதில்லை. இதனால். குழந்தைகளுக்கு சத்து மாவை வாங்கிக் கறைத்து கொடுக்க ஆரம்பித்தாள். ஆனால், குழந்தைகள் அதை ஜீரணிக்க முடியவில்லை. ஒருமாதம் தான் வாழ்ந்தாள்.

Philpi Joseph - Ramya with child

பிரேமா  –  நான்காவது மனைவி  (2013): பிரேமா என்ற பட்டதாரி பெண்ணை 08-02-2013 அன்று, டிரினிடி சர்ச்சில், டி. ஜோசப்பைத் திருமணம் செய்து கொண்டாள். அப்பொழுது இருவருக்குமே 33 வயது. பிரேமாவிற்கு ஏற்கெனவே 33 வயதாகி விட்டதால், ராணுவத்தில் அதிகாரி, கட்டப்பட்டு வரும் நிலையில் வீடு, இந்தியா முழுவதும் சுற்றிவரலாம் போன்ற விஷயங்களால் ஈர்க்கப்பட்டு, பிரேமாவை திருமணம் செய்து வைத்தனர். பிலிப், பிரேமாவை பல்லடத்தில் இந்திரா காலனியில், ஒரு வாடகை வீட்டில் தங்க வைத்து தில்லிக்குச் சென்று விட்டான். பிலிப் போனதும், மேரி பிரேமாவை திட்டித் துன்புறுத்த ஆரம்பித்து விட்டாள். பிலிப்பிடம் சொன்னபோது, அனுசரித்துச் செல் என்று அறிவுரை சொன்னான். ஆனால், மாமியார் வீடு கட்ட கற்களைக் கூட சுமக்கச் சொன்னாளாம். தான் கர்ப்பமாக இருக்கிறேன் என்று சொன்னாலும் விடவில்லை. வரதட்சணை கேட்பது, சகோதர்களிடம் மரியாதை இல்லாமல் பேசுவது என்று ஆரம்பித்தாளாம். இதனால், பிரேமா விலகிச் செல்ல தீர்மானித்தாள்.

Joseph with Prema during their sham marriage

பிலிப்பின் ஏமாற்று முறை: பெண்களின் குடும்பத்தை தான் தில்லியில் வேலை செய்து வரும் ஒரு ராணுவ அதிகாரி என்று அறிமுகப்படுத்திக் கொண்டு, பெண்ணை திருமணம் செய்து கொள்ள விரும்புவதாகச் சொல்வான். பெண்ணிற்கு ராணுவத்தில் வேலை வாங்கித் தருவேன் என்றும் வாக்குக் கொடுப்பான். தில்லியிலிருந்து எப்பொழுது வேண்டுமானால், மிலிடெரி கோட்டாவில் வேலை கிடைக்கும், அதற்காக “அபிடேவிட்” போன்றவை தாக்குதல் செய்யவேண்டும் என்று வெற்று பத்திரங்களில் கையெழுத்து வாங்கி வைத்துக் கொள்வான். திருமணம் ஆனவுடன், தான் தில்லிக்கு செல்லவேண்டும் என்று சென்று விடுவான். வீட்டில் இருக்கும் மனைவியை அவனது தாய் மேரி மற்றும் சகோதரி உஷா மெதுவாக பணம் ஏதாவது கிடைக்குமா என்று பார்ப்பார்கள். பணம் கிடைக்காது என்றால், கொடுமைப் படுத்தி, அங்கிருந்து போனால் போதும் என்ற நிலைக்குக் கொண்டு வந்து விடுவார்கள். மனைவியும் கொடுமைகள் தாங்காமல் ஓடிவிடுவார்கள், அதாவது, தாய் வீட்டிற்கு சென்று விடுவார்கள். தில்லியிலிருந்து வரும் பிலிப் இன்னொரு பெண்ணுக்கு வலை விரிப்பான். இப்படித்தான், இக்குடும்பம் பெண்களின் வாழ்க்கையினை சீரழித்து வாழ்ந்து வருகின்றது.

Mary aka Rajammal - mother of Joseph

வெற்று பத்திரங்கள் எப்படி உபயோகப் படுத்தப் பட்டன?: தில்லியிலிருந்து எப்பொழுது வேண்டுமானால், மிலிடெரி கோட்டாவில் வேலை கிடைக்கும், அதற்காக “அபிடேவிட்” போன்றவை தாக்குதல் செய்யவேண்டும் என்று வெற்று பத்திரங்களில் கையெழுத்து வாங்கி வைத்துக் கொள்வான் என்று மேலே குறிப்பிடப்பட்டது. ஆனால், அவை பெண்களை மிரட்டத்தான் உபயோகப் படுத்தப் பட்டன. புஷ்பலதா விஷயத்தில் அவளது தந்தை தன்னிடத்தில் ஆட்டோ வாங்குவதற்காக ரூ.1.5 லட்சம் பணம் வாங்கியுள்ளதாகவும், ஆனால், இதுவரை கொடுக்கவில்லை என்று பத்திரத்தைக் காட்டி மிரட்டுவான். ரம்யா விஷயத்தில், அவளது அத்தை ரூ. 2 லட்சம் கடன் வாங்கிக் கொண்டாள் என்று பத்திரத்தைக் காட்டினான். அது மட்டுமல்லாது, அதில் பிலிப் ஏற்கெனவே திருமணம் ஆனவன் என்றும், இப்பெணனிவ்விஷயத்தைத் தெரிந்து கொண்டுதான், விரும்பித்தான் திருமணம் செய்து கொள்கிறாள் என்றும் எழுதி வாங்கிக் கொண்டதைப் போல இருந்தது[3].

Usha - sister of Joseph

தாங்கள் பக்தியுள்ள கிருத்துவர்கள் என்று சொல்லிக் கொண்டு உண்மைகளை மறைத்தது: தாங்கள் சிரத்தையுள்ள, பக்தியுள்ள கிருத்துவர்கள் என்று சொல்லிக் கொண்டு, திருமணத்திற்குக் கூட தாங்கள் செலவு மாட்டோம் என்றார்களா. பெண்ணின் தரப்பில் கூட அதிகமானவர்கள் திருமணத்திற்கு வரவேண்டாம் என்பார்கள். திருமணத்தைக் கூட படோபடமாக நடத்த வேண்டாம், ஊருக்கு வெளியில் உள்ள கல்யாண மண்டபத்தில் நடத்தினால் போதும்,  எந்தவித விளம்பரமும் வேண்டாம், திருமண அழைப்பிதழில் கூட பிலிப்பின் பட்டங்களைப் போடவேண்டாம், என்றெல்லாம் சொல்லி ஏதோ மிகவும் எளிமையானவர்கள் போல நடித்தனராம். ஆனால், பிலிப் உண்மையில் ஒன்பதாவது பெயில்! இருப்பினும் அவனிடத்தில் பத்தாவது பாஸ் மற்றும் டிகிரி சர்டிபிகேட் போன்ற போலியான சான்றிதழ்கள் இருந்தன! இவ்வாறு உண்மைகளை மறைத்து, பெண்களை ஏமாற்றி வந்தனர்.

Winesses to Philip marriage

குடிப்பது,  தகாத உறவுகளைக் கொள்வது போன்ற செயல்களில் ஈடுபட்டிருந்தது: தாய் மேரி, சகோதரி உஷா, மகன் பிலிப் முதலியோர் அதிகமாகக் குடிப்பார்களாம். அதுமட்டுமல்லாது, விதவிதமான மாமிச உணவுகளை அளவுக்கு அதிகமாகத் தின்பார்களாம். இப்படி குடித்து, தின்ற பிறகு கும்மாளம் அடிப்பார்களாம். தகாத செயல்களிலும் ஈடுபடுவார்களாம்[4]. இதையெல்லாம் யார் சொல்லிக் கொடுத்தது என்று கவனிக்க வேண்டும். குடும்பம் நடத்தும் இந்திய பெண்கள் இவ்வாறு இருப்பார்களா என்றும் யோசிக்க வேண்டும். பாரதியப் பெண்மணிகள் இவ்வாறு நடந்து கொண்டு மற்ற பெண்களின் வாழ்க்கையினையும் சீரழிப்பார்களா என்று ஆய்ந்து பார்க்க வேண்டும். தாங்கள் தங்களது தனிப்பட்ட வாழ்க்கையில் ஒழுங்கில்லாமல் இருந்தது எப்படி மற்றவர்களை மிக்கக் கொடுமையாக பாதித்துள்ளது என்பதனை கவனிக்க வேண்டியுள்ளது. இந்திய பெண்மை எப்படி அயல்நாட்டுக் காரணிக்ளால் சீரழிகிறது என்பதற்கு இது இன்னொரு உதாரணம் ஆகும். மேலும், 60-80 வருடங்களாக நாத்திகத்தை வளர்த்து, மக்களைக் கெடுத்த சித்தாந்திகளும் இதற்கு பதில் சொல்லியாக வேண்டும்.

வேதபிரகாஷ்

© 17-08-2013


[1] தினமலர், மூன்றுதிருமணம்செய்துபெண்களைஏமாற்றியராணுவசமையல்காரர்கைது, பதிவு செய்த நாள் : ஆகஸ்ட் 16,2013,20:20 IST; மாற்றம் செய்த நாள் : ஆகஸ்ட் 16,2013,20:42 IST.

[3] He even took the signatures of the girls on a blank bond paper, stating that he would be able to get a job for them through the military quota and that the document had to be submitted urgently. This document would then be used to defraud the girls further. In the case of Pushpalatha, Philip used the signed bond paper to state that her father had borrowed Rs. 1.5 lakhs from him to purchase an auto rickshaw and has not returned the money to him yet. In Ramya’s case, Rs. 2 lakhs was said to be borrowed by her aunt. The bond paper also states that the girls had married Philip of their own accord in spite of knowing about his previous marriages. – http://bridaltears.blogspot.in/

[4] The family followed a pattern of hedonistic and riotous living. They included excessive meat in their diets, but asked the young wives to preserve ¼ litre of milk for 4 days at a stretch. All Philip’s victims have reported that they saw the family drink liquor together, consume vast quantities of meat licentiously, and then practice immoral relations with each other.- http://bridaltears.blogspot.in/