Posts Tagged ‘கல்யாணசுந்தரி’

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி – ஆறு கணவன்மார்கள் புகார் செய்யவில்லை – அதனால் விடுதலை!

ஜூன்15, 2016

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி – ஆறு கணவன்மார்கள் புகார் செய்யவில்லை – அதனால் விடுதலை!

Selvakumar marrying Mariammal - Pavithra

இனி இதுபோல யாரையும் ஏமாற்றி திருமணம் செய்ய மாட்டேன் – மோசடி பெண் உறுதி: பிரச்சினை பெரியதாவது உணர்ந்த பவித்ரா விசயத்தை கமுக்கமாக முடித்துக் கொள்ள முயன்றாள். மற்ற ஆறு கணவர்கள் வெளிப்படையாக வராமல் இருப்பதும் நோக்கத்தக்கது. ஒரு வேளை, போலீசாரும் அத்தகைய ஐடியாவைக் கொடுத்திருக்கலாம். அதனால், பவித்ரா உடனடியாக 15 பவுன் நகையை செல்வகுமாரிடம் கொடுத்தார். இதையடுத்து, செல்வகுமார் நகையை வாங்கி கொண்டு பவித்ரா மீது கொடுத்த புகாரை திரும்ப பெற்று கொண்டு சென்றுவிட்டார். அத்துடன் அக்டோபர் 2015 முதல் மே 2016 வரை நடந்த தாம்பத்திய உறவு முடிந்து விட்டது போலும்! முறையான விவாக ரத்துப் பற்றி கூட கவலைப்படவில்லை என்றால், முறாஇயா அத்திருமணம் பதிவு செய்யப்பட்டதா, இல்லையா என்ற கேள்வியும் எழுகின்றது. பவித்ராவின் மற்ற கணவர்கள் பற்றிய விவரம் தெரியவில்லை. அவர்கள் யாரும் புகார் அளிக்காததால் பவித்ராவிடமும், முதல் கணவர் கர்ணனிடமும் போலீசார் எழுதி வாங்கி கொண்டனர். ஆனால், முறையாக விவாகரத்து நடந்ததா, செய்த திருமணங்கள் செல்லுமா, இது குற்றமாகுமா என்றெல்லாம் போலீசார் ஆராய்ச்சி செய்யவில்லை என்பது பெரிய வேடிக்கைதான். பின்னர், போலீஸ் விசாரணைக்கு அழைத்தால் தான் எப்போது வேண்டுமானாலும் வரத் தயார் என்றும், இனி இதுபோல யாரையும் ஏமாற்றி திருமணம் செய்ய மாட்டேன் என்றும் உறுதி மொழி அளித்த பின் பவித்ரா என்ற மாரியம்மாள் விடுவிக்கப்பட்டதாக போலீசார் தெரிவித்தனர்[1].

Selvakumar marrying Mariammal - Pavithra-seveth marriageஆறு கணவர்கள் புகார் கொடுக்கவில்லை – அதனால் வழக்கில்லை, பெண் விடுதலை: “இனி இதுபோல யாரையும் ஏமாற்றி திருமணம் செய்ய மாட்டேன்” என்பதும் ஆச்சரியம் தான். அதாவது, இதுவரை செய்தது மோசடி, போலி திருமணம், சட்டத்திற்குப் புறம்பானது என்று தெரிகிறாது. பிறகு போலீசார் எப்படி விடுவிக்கலாம். கல்யாண ராணியிடம் ஏமாந்த விஷயத்தில் புகார் தர அவரது மாஜி கணவர்கள் யாரும் முன் வராத காரணத்தால் அவர் மீது வழக்கு பதிவு செய்யப்படவில்லை[2]. அதாவது, அவர்கள் திருமணம் செய்து கொண்டதே சந்தேகத்தில் உள்ளது. மேலும் அவர்கள் தங்களது விவரங்கள் வெளியே வர விரும்பவில்லை என்றும் தெரியவில்லை. அப்படியே விவகாரங்களை அமுக்கவே அவர்கள் முயல்கிறாற்கள், தீர்மானமாக இருக்கிறாற்கள் என்று தெரிகிறது. செல்வகுமாரிடம் வாங்கிய நகைகளைத் திரும்ப கொடுத்தது போல, அவர்களிடம் ஏன் நகைகளைத் திரும்ப கொடுக்கவில்லை என்பதும் கேள்விக்குறியாக உள்ளது. இந்த திருமண மோசடிக்கு தாராபுரம், உடுமலை, பழனி, திருப்பூர் பகுதிகளைச் சேர்ந்த திருமண புரோக்கர்கள் 9 பேர் உதவி செய்துள்ளனர்[3]. இவர்களது விவரம் குறித்து போலீசார் விசாரித்து வருகின்றனர், என்று செய்தி முடிகிறது[4]. குற்றம் செய்த பெண்ணையே விடுவித்த பிறகு, கல்யாண தரகர்களை என்ன செய்யப் போகிறார்கள் என்று தெரியவில்லை.

Selvakumar marrying Mariammal - with many witnessesபோலித் திருமணமா, குறுகிய கால தாம்பத்தியமா, விபச்சாரமா: ஒரு பெண் ஏழு பேரைத் திருமணம் செய்து கொண்டு உறவு வைத்துக் கொள்கிறாள் என்றால், சட்டப்படி அவள் ஆறுமுறை விவாகரத்து செய்து கொண்டு, ஏழாவது திருமணத்திற்கு தயாராகி இருந்திருக்க வேண்டும். இந்த உறவுகளை என்னென்பது, ஏதென்பது. கற்பைத் துச்சமாக மதித்து ஏழு கணவர்களுடன் முதலிறவு நடத்தியுள்ளாள் என்றால், அவளை மனைவி என்பதா, தருமப் பத்தினி என்பதா, திராவிட வழக்கில் துணைவி என்பதா என்று புரியவில்லை. மனம்-உடல் இரண்டுமே ஒத்துப் போனால் தான் ஒரு பெண் அவ்வாறு செய்ய முடியும். ஓரளவிற்கு விபச்சாரி போன்ற மனநிலையை அடைந்திருக்க வேண்டும். கணவன், இவற்றிற்கெல்லாம் ஒப்புக்கொள்கிறான் என்றால், அவனும் ஒரு புரோக்கராகி விட்டான் என்றே ஆகிறது! பிறகு இவர்கள் மற்றவர்களின் திருமண பந்தத்தைப் பற்றி என்ன கவலைப் பட போகிறார்கள்? ஆகவே, பணம், நகை கிடைக்கும் என்றாலும், இப்பெண் தனது உடலை வைத்து வியாபாரத்திற்கு ஒப்புக் கொண்டுள்ளாள் என்று தெரிகிறது. மனைவியாக இருந்து, சல்லாபித்து, நம்பிக்கையைப் பெற்ற பிறகு தான், எந்த பெண்ணும் கணவனிடமிருந்து, நகை, பணம் முதலியவற்றைப் பெறா முடியும். அந்நிலையின் கணவனது தாய்-தந்தையர், குடும்பத்திற்கும் விவரங்கள் தெரிய வரும்.

Selvakumar marrying Mariammal - with many witnesses-TVஒழுக்கமற்ற, குடும்பங்களை, சமுதாயத்தை சீரழிக்கும் குற்றம்: தாராபுரம், உடுமலை, பழனி, திருப்பூர் பகுதிகளில் அப்படியொன்றும் மக்களை ஏமாற்றிவிட முடியாது. எனவே, இதில் சம்பந்தப்பட்ட கணவர்களுக்கும் சபலம் இருந்ததா, அவ்வாறு ஜாலியாக இருக்க வேண்டும் என்ற எண்ணத்தில், புரோக்கர்கள் மூலம் ஒப்புக் கொண்டு நடந்து கொண்டனரா, அல்லது புரோக்கர்கள் மூலம் ஏமாற்றப்பட்டனரா என்று விசாரிக்க வேண்டும். குறிப்பிட்ட காலத்தில் ஏழு ஆண்களுடன் திருமணம், முதலிறவு, குறுகிய காலத்தில் தொடர்ந்த உறவு என்றேல்லாம் இருப்பது, எந்தவிதத்திலும் ஏற்புடையதல்ல. அப்பெண் துணிந்து விட்டதாலும், முதல் கணவனே அவ்வாறு ஒப்புக் கொண்டு செய்வதாலும், இது மிகவும் அசிங்கமாகி விட்டிருக்கிறது. மோசடி செய்து சம்பாதிக்க இது ஒரு வழியாக்க முடியாது. பணம் உள்ளவர்கள், மோகத்திற்குக் கூட உபயோகித்துக் கொண்டிருக்கலாம். ஆனால், அதுவும் ஒழுக்கமாகாது. குடும்பங்களை சீரழிக்கும், பிளவுகளை ஏற்படுத்தும், உடைக்கும்,  என்ற நிலைகளும் உள்ளன. அதனால் தான், ஆறு பேர் அமைதியாக இருக்கிறார்கள் போலும். இது சமுதாயத்தை சீரழிக்கும் வேலை என்பதால் குற்றமாகத்தான் கருத வேண்டும்.

போலி மோசடி திருமணங்கள்பெண்மைப் பிரச்சினைகள் பெண்கள் ஏன் முறையாக அணுகுவதில்லை: பெண்ணியத்தவர், பெண்ணிய சித்தாந்திகள், பெண்ணிய வீராங்கனைகள், “தமிழச்சி” என்று சொல்லி மார்தட்டிக் கொண்டு உலாவரும் நவநகரிக பெண்டிர் முதலியோர் இத்தகைய சமூக சீரழிவுகளை ஏன் கண்டுகொள்ளாமல் இருக்கிறார்கள் என்று தெரியவில்லை. திராவிடத்துவவாதிகள் இப்படி தமிழ் பெண்கள் பாழாகின்றனரே, சோரம் போகின்றனரே என்று வருத்தப் படுவதாக அறியப்படவில்லை. இந்துத்துவவாதிகள் கூட இத்தகைய, முக்கியமான பிரச்சினைகளை எடுத்துக் கொள்வதில்லை. ஊடகங்களோ, “கல்யாண ராணி” என்று தலைப்புப் போட்டு, செய்திகள் வெளியிட்டு, விட்டுவிடுன்றன. ஆனால், பாதிக்கப் பட்ட பெண்மை மற்ற பெண்களையும் பாதிக்காதா, சமூகத்தை தாக்காதா, இதனால் ஏற்படும் விளைவுகளை யார் சந்திப்பது என்று யோசிக்க வேண்டும். பெண்மை பற்றி நடத்தும் சஞ்சிகைகளும், சமையல், புடவை, அலங்காரம், கோலப்போட்டி போன்றவற்றைத் தவிர இத்தகைய பிரச்சினைகளை வாதிப்பது, விவாதிப்பது, அலசுவது இல்லை.

போலி திருமணங்கள்© வேதபிரகாஷ்

15-06-2016

 

[1] தினகரன், புகார் கொடுக்க யாரும் முன்வராததால் 7 பேரை ஏமாற்றி திருமணம் செய்த கல்யாண ராணி விடுவிப்பு, Date: 2016-06-15@ 00:57:42

[2] http://www.dinakaran.com/News_Detail.asp?Nid=224157

[3] தமிழ்முரசு, 8வது திருமணத்துக்கு ரெடி 7 பேரை மணந்த கல்யாண ராணிகைது, 06/14/2016 2:20:23 PM

[4] http://tamilmurasu.org/Tamil_News_Details.asp?Nid=94067

 

சென்னையில் பாடி மஸாஜ் மறுபடியும் விபச்சாரமாக உருவெடுக்கிறது!

திசெம்பர்3, 2010

சென்னையில் பாடி மஸாஜ் மறுபடியும் விபச்சாரமாக உருவெடுக்கிறது.

மேற்கத்தைய கலாச்சாரம் எப்படி இந்தியர்களை அழிக்கும் என்பதற்கு இன்னுமொரு உதாரணம். என்னத்தான் கற்பு, பெண்ணியம் என்றெல்லாம் பேசினாலும், ஒழுக்கம் கெட்டப் பிறகு, இதைப் பற்றி சொல்வது, செவிடன் காதில் ஊதிய சங்காகத்தான் முடிகிறது. எங்கு நாம் தவறு செய்கிறோம் என்று அறிந்த பிறகு, அந்த தவறை செய்யாமல் இருப்பது, பார்த்துக் கொள்வதுதான் நல்லது. அத்தவறை மாற்றிச் செய்தாலோ, மறைத்து செய்தாலோ, விளைவு மாறாது. மாறாக, இப்பொழுது நிலையில், அது அதிகமாக பாதிப்பை ஏற்படுத்தலாம்.  முன்பு பெண்கள் குடித்து ஆடி கும்மாளம் போட்டதை கண்டித்தற்கு, நவீன ஒழுக்கக்காரர்கள் அதை பலமாக எதிர்த்துக் கண்டித்தனர். பெண்களுக்கு எல்லா உரிமைகளும் இருக்கிறது, அவர்கள் குடிக்கலாம் ஆடலாம், தனக்குப் பிடித்ததை செய்யலாம்…………..யாரும் கேட்க முடியாது, தடுக்கக் கூடாது, என்றெல்லாம் வாதம் புரிந்தனர். ஆனால், வாதிட்டவர்கள் தங்களது மனைவிகளை, மகள்களை, சகோதரிகளை அவ்வாறு அனுப்பி வைக்கவில்லை என்பதுதான் உண்மை.

சென்னையில் பாடி மஸாஜ் மறுபடியும் விபச்சாரமாக உருவெடுக்கிறது. ஓட்டகளில் இது இப்பொழுது, பல்வேறு பெயர்களில் நாகரிகமாக நடந்து வருகிறது[1]. பணம் உள்ளவர்கள் எதை வேண்டுமானாலும் வாங்கலாம், அனுபவுக்கலாம் என்ற முறையில்  வளர்த்துவிட்ட நவீனக் காமக்கலைதான், பாடி மஸாஜ். 1979-1980களில் இது சென்னையில் அத்தகைய மோசமான நிலைக்குச் சென்றபோது, தடை செய்யப்பட்டது. அப்பொழுது வீட்டுக்கு வீடு மசாஜ் சென்டர், மசாஜ் பார்லர் என்ற பெயரில் ஆரம்பித்து பிறகு விபச்சாரமாக மாறியது. அப்பொழுதே, சபலமுள்ள பள்ளி-கல்லூரி மாணவர்கள் அங்கு சென்று வந்தபோது, பிரச்சினை பெரியதாகி தடை செய்யப்பட்டது. குறிப்பாக, அரசியல்வாதிகள் சிலர் அதில் சம்பந்தப்பட்டதால், விஷயம் அப்படியே அமுக்கப் பட்டது.

பாடி மஸாஜ் பல ரூபங்களில்: இப்பொழுது, பப்புகள் பெயரில், ஸ்பா, ஹெல்த் கிளப், அரோமா தெராபி, அக்யூபிரஸ்ஸர் சென்டர், ஆயுர்வேதிக் சென்டர், என்று பல உருவங்களில் செயல்பட்டு வருகின்றன. குறைந்த சம்பளம் கொடுப்பது, மறைமுகமாக தொல்லைக் கொடுப்பது, பாஸ்போர்ட்டைப் பிடுங்கி வைத்துக் கொள்வது, கஸ்டமர்களை அளவிற்கு அதிகமாக தொல்லைக் கொடுக்க செய்வது, அவ்வாறு செய்தாலும் பொறுத்துப் போக சொல்வது, அவ்வாறு செய்யும் காட்சிகளை படமெடுத்து வைத்துக் கொண்டு மிரட்டுவது, முதலியன அவர்களுடைய வழக்கமான வேலைகள். இதே முறைகள் தாம் இப்பொழுதும் பின்பற்றியது தெரிகிறது. ஆக, வருடங்கள் மாறினாலும், குற்றவாளிகளின் புத்தி மாறவில்லை என்பது தெரிகிறது. மேலும், சில பெண்களுக்கும் இந்த வியாதி பிடித்துக் கொண்டது. ஆமாம், ஆண்கள் பெண்களுக்கு பாடி மஸாஜ் செய்கிறேன் என்று கிளம்பி விபரீததில் முடிந்து விட்டது[2]. இப்பொழுது வெளிவந்துள்ளது வெறும் துளிதான், இன்னும் பெரிதாக இருக்கிறது.

மசாஜ் கிளப்பில் வேலை என்று கூறி அழைத்து வந்து விபச்சாரத்தில் தளளப்பார்க்கிறார்: மசாஜ் கிளப்பில் வேலை என்று கூறி அழைத்து வந்து விபச்சாரத்தில் தளளப்பார்க்கிறார் என பிரபல நடிகையின் கணவர் ரவீந்திரா மீது தாய்லாந்து நாட்டு அழகிகள் 15 பேர் கண்ணீர் மல்க புகார் கொடுத்தனர்[3]. போலீஸ் சமரச ஏற்பாட்டின்பேரில், இரண்டுமாத சம்பளம் கொடுத்து அவர்களை சொந்த ஊருக்கு அனுப்பி வைத்தார் நடிகையின் கணவர். தாய்லாந்து நாட்டை சேர்ந்த அழகிகள் பஜோன், அருண்சிஜா, திம்னா, போஸ்ரி, தமாகோன், சுரையா ஆகியோர் நேற்று சென்னை போலீஸ் கமிஷனர் அலுவலகத்துக்கு கண்ணீருடன் வந்திருந்தனர்.  அவர்களுடன், வக்கீல்களும், மகளிர் அமைப்பை சேர்ந்த கல்யாணசுந்தரி, விஜயமேரி, சுமதி தட்சிணாமூர்த்தி ஆகியோரும் வந்திருந்தனர். தாய்லாந்து அழகிகள் 6 பேரும் புகார் மனு ஒன்றை போலீஸ் கமிஷனரிடம் கொடுத்தனர்[4].  அதில், மசாஜ் கிளப்பில் வேலை தருவதாக அழைத்து வந்துவிட்டு, விபசாரத்தில் ஈடுபடுத்த முயற்சிக்கிறார்கள் என்று நடிகை ஒருவரின் கணவர் மீது கடுமையான குற்றச்சாட்டை கூறியுள்ளனர்[5].

மசாஜ் செய்யும் கலையை கற்றுள்ளோம்.”தாய்லாந்து நாட்டிலிருந்து எங்களை போல 15 இளம் பெண்கள் கடந்த 10 மாதங்களுக்கு முன்பு தமிழகத்துக்கு வந்தோம். பிரபல நடிகை ஒருவரின் கணவரும்[6], அவரது நண்பர்கள் 2 பேரும், எங்களை அழைத்து வந்தார்கள். மசாஜ் கிளப்களில் வேலை தருவதாகவும், மாதம் ரூ.25 ஆயிரம் சம்பளம் தருவதாகவும் எங்களிடத்தில் ஒப்பந்தம் போட்டார்கள்[7]. ஒரு வருடம் வேலை பார்க்க வேண்டும் என்றும், தங்கும் இடம் இலவசமாக தருவோம் என்றும், ஆனால் நாங்கள் விருப்பப்பட்ட உணவை சமைத்து சாப்பிட்டுக் கொள்ளலாம் என்றும் ஒப்பந்தத்தில் கூறப்பட்டிருந்தது. நாங்கள் அனைவரும் மசாஜ் செய்யும் கலையை கற்றுள்ளோம். எனவே, மசாஜ் மட்டும்தான் செய்வோம் என்றும், வேறு தவறான வழியில் எங்களை ஈடுபடுத்தக் கூடாது என்றும் சொல்லித்தான் வேலைக்கு வந்தோம். ஆனால் 2 மாதங்கள் மட்டும் ஒப்பந்தப்படி மாதம் ரூ.25 ஆயிரம் சம்பளம் கொடுத்தார்கள். சென்னையில் தியாகராயநகர்[8], வடபழனியில் உள்ள ஒரு ஓட்டல் ஆகிய இடங்களில் மசாஜ் கிளப்களில் நாங்கள் 6 பேரும் வேலை பார்க்கிறோம். மீதி உள்ள 9 பெண்களும் மதுரை, திருப்பூர், பெங்களூர் ஆகிய இடங்களில் மசாஜ் கிளப்களில் பணிபுரிகிறார்கள்.

மறைமுகமாக விபச்சாரத்தில் தள்ளுவது: கடந்த 8 மாதமாக எங்களுக்கு பேசியபடி மாதம் ரூ.25 ஆயிரம் சம்பளம் தராமல், ரூ.15 ஆயிரம் மட்டுமே தருகிறார்கள். மாதம் ரூ.25 ஆயிரம் சம்பளம் தரவேண்டுமென்றால் வாடிக்கையாளர்களுடன் செக்ஸ் வைத்துக் கொள்ள வேண்டும் என்று வற்புறுத்துகிறார்கள்[9]. வாடிக்கையாளர்களை நிர்வாணமாக படுக்க வைத்து மசாஜ் செய்யச் சொல்லுகிறார்கள். எங்களையும் ஆபாசமாக உடை அணியச் சொல்லுகிறார்கள். ஒப்பந்தத்தை மீறி எங்களுக்கு செக்ஸ் தொல்லை கொடுக்கிறார்கள்[10]

அதே மிரட்டல்கள், அதே கொடுமைகள் செக்ஸ் தொழிலாளியாக இருக்க எங்களுக்கு விருப்பம் இல்லை. இதனால் எங்கள் நாட்டுக்கு திருப்பி அனுப்பி விடுங்கள் என்று எவ்வளவோ கெஞ்சிப் பார்த்தோம். எங்களது பாஸ்போர்ட்டையும், விசாவையும் பறித்து வைத்துக்கொண்டனர். சொந்த நாடான தாய்லாந்துக்கு அனுப்ப வேண்டுமென்றால் ஒவ்வொருவரும் தலா ரூ.2 லட்சம் தரவேண்டும் என்று கேட்கிறார்கள். அவ்வாறு பணம் கொடுக்காவிட்டால் ஊருக்கு திரும்பி போக முடியாது என்றும், செக்ஸ் தொழில் செய்து எங்களுக்கும் சம்பாதித்து கொடுங்கள், நீங்களும் சம்பாதித்து கொள்ளுங்கள் என்றும் அறிவுரை சொல்லுகிறார்கள். இல்லாவிட்டால் எங்களை கொலை செய்து, பிணத்தை கடலில் வீசிவிடுவோம் என்று பயமுறுத்துகிறார்கள். எங்களை கொத்தடிமை போல் ஒரு அறையில் அடைத்து வைத்திருந்தனர். அந்த அறை முழுவதும் கரப்பான் பூச்சிகளை விட்டு எங்களை சித்ரவதை செய்தனர். அவர்களுடைய கொடுமைகள் தாங்காமல் நாங்கள் தப்பி வந்து இந்த புகார் மனுவை கொடுத்துள்ளோம். சட்டப்பூர்வ நடவடிக்கை எடுத்து எங்களை சொந்த நாட்டுக்கு நல்லபடியாக திருப்பி அனுப்பி வைக்க வேண்டும் என்று கேட்டுக்கொள்கிறோம். எங்களைபோல் சித்ரவதையில் தவிக்கும் மேலும் 9 பெண்களையும் மீட்க வேண்டும் என்று கேட்டுக்கொள்கிறோம்…” என்று அந்த மனுவில் கோரியிருந்தனர். இந்த புகார் மனு மீது உடனடியாக நடவடிக்கை எடுக்கும்படி அசோக்நகர் உதவி கமிஷனர் பரந்தாமனுக்கு, கூடுதல் கமிஷனர் ஷகில் அக்தர் உத்தரவிட்டார்.

மறுப்பு, மறைப்பு சமரசம்…: உடனடியாக சம்பந்தப்பட்ட நடிகையின் கணவர் ரவீந்திரா விசாரிக்கப்பட்டார். அவர், தாய்லாந்து அழகிகளை விபசாரத்தில் தள்ள முயற்சிக்கவில்லை என்று மறுப்பு தெரிவித்தார். புகார் கூறப்பட்டவர்கள் பெயர் ரவீந்திரா, இமானுவேல், ரமேஷ் என்று தெரியவந்ததாகவும், அவர்களில் ரவீந்திரா நடிகை யுவராணியின் கணவர் என்றும் தெரியவந்துள்ளதாக போலீசார் தெரிவித்தனர்[11]. ஒப்பந்தப்படி இன்னும் இரண்டு மாதங்கள் வேலை பார்க்க வேண்டியிருந்தாலும், வேலை பார்க்காமலேயே அவர்களுக்கு இரண்டு மாத சம்பளத்தையும் கொடுத்து, அனைவரையும் விமானத்தில் தாய்லாந்து நாட்டிற்கு பத்திரமாக திருப்பி அனுப்பி வைப்பதாகவும், புகார் கூறப்பட்டவர்கள் உறுதியளித்துள்ளனர். இதற்கு அந்த தாய்லாந்துப் பெண்களும் ஒப்புக் கொண்டதால் விவகாரம் சுமூகமாக முடித்து வைக்கப்பட்டதாக போலீஸ் அறிவித்தது.

வேதபிரகாஷ்

© 03-12-2010


[7] The women alleged that ‘3R Group”, a T Nagar-based company, recruited them as ‘Thai massage therapists’ after promising to pay each of them a salary of $500 per month. A. Ravindran, husband of actor Yuvarani and his associates Immanuel and Ramesh, reportedly own the company.

http://www.deccanchronicle.com/chennai/actress%E2%80%99-husband-pimp-thai-women-598

[8] According to the complaint, the women were employed by a partnership firm which runs a spa on BN Road in T Nagar as massage therapists. Read more: Thai masseurs in Chennai spa allege sexual harassment – The Times of India http://timesofindia.indiatimes.com/city/chennai/Thai-masseurs-in-Chennai-spa-allege-sexual-harassment/articleshow/7032215.cms#ixzz172nYyNXn