Posts Tagged ‘சந்தியா’

தனக்கு கிடைக்காத சந்தியா வேறுயாருக்கும் கிடைக்கக் கூடாது என்பதற்காக, மகேஷ் அவரை வெட்டிக் கொன்றுள்ளார் (தி இந்து)!

ஜூலை5, 2016

தனக்கு கிடைக்காத சந்தியா வேறுயாருக்கும் கிடைக்கக் கூடாது என்பதற்காக, மகேஷ் அவரை வெட்டிக் கொன்றுள்ளார் (தி இந்து)!

Sandhya murdered in front of many-mother crying

போலீசில் சரணடைந்த கொலையாளி: “ஒருதலை காதலில்” ஈடுபட்ட அடுத்த வீட்டு பையன் மகேஷ், சந்தியா தனது காதலை ஏற்றுக் கொள்ளாதலால்[1], அவளைப் பட்டப் பகலில் கத்தியால் கழுத்தை அறுத்து கொலைசெய்து விட்டு, தப்பி ஓடினான்[2]. இதுகுறித்து போலீசார் வழக்குப்பதிவு செய்து, சிசாரணை மேற்கொண்டு மகேஷை தேடினர்[3]. மாலையில் அவர் போலீசில் சரண் அடைந்தார். அவரை கைது செய்து விசாரணை நடத்தி வருகிறார்கள்[4]. சந்தியா யாரையும் திருமணம் செய்துக் கொள்ளமுடியாத வண்ணம் பல்வேறு தடைகளை மகேஷ் ஏற்படுத்தி உள்ளார் என்று போலீஸ் தரப்பில் தெரிவிக்கப்பட்டு உள்ளது. சந்தியாவை தொடர்ச்சியாக தொந்தரவு செய்து உள்ளான், மகேஷ் மீது ஏற்கனவே சந்தியா போலீசில் புகார் கொடுத்து உள்ளார். கடந்த ஜனவரியில் சந்தியாவின் நிச்சயதார்த்ததையும் மகேஷ் தடுத்து உள்ளான் என்று தெரிவிக்கப்பட்டு உள்ளது[5]. ஏற்கனவே பிரச்சனை எழுந்த போது போலீசார் மகேஷுக்கு எதிராக நடவடிக்கை எடுக்காமல் சமாதானம் செய்தனர் என்று தெரியவந்து உள்ளது. காதலிக்க மறுத்ததால் அடுத்தடுத்து இளம்பெண்கள் கொலை செய்யப்பட்ட சம்பவம் நாடு முழுவதும் அதிர்ச்சியை ஏற்படுத்தியுள்ளது[6].இதுபோன்ற தொடரும் ஒரு தலைக் காதல் கொலைக்கு முற்று கிடைப்பது எப்படி? எப்போது???[7]

தனக்கு கிடைக்காத சந்தியா வேறுயாருக்கும் கிடைக்கக் கூடாது என்பதற்காக, மகேஷ் அவரை வெட்டிக் கொன்றுள்ளார்

தனக்கு கிடைக்காத சந்தியா வேறுயாருக்கும் கிடைக்கக் கூடாது என்பதற்காக, மகேஷ் அவரை வெட்டிக் கொன்றுள்ளார்: “தி இந்து” இப்படியொரு முடிவுடன் செய்தி “ஒருதலை காதல்லென்ற தலைப்பின் கீழ் வெளியிட்டிருப்பது, திகைப்படையச் செய்வதாக உள்ளது. “ஒருதலைகாதல்” என்று சொல்லிக் கொண்டு அலையும் இத்தகைய குரூரக் கொலையாளிகளை எவ்விதத்தில் நியாயப்படுத்தலாம்? ஒரு பெண் தனக்குக் கிடைக்கும்-கிடைக்காது என்பதனை எப்படி இன்னொருவன் தீர்மானிக்கலாம். அத்தகைய அதிகாரம் அத்தகைய கொலைகாரர்களுக்கு உள்ளதா? ஒரு தாய், தனது மகளின் மீது இல்லாத உரிமை அல்லது ஒரு பெண்ணிற்கே தன் மீது இல்லாத உரிமை எப்படி இன்னொருவனுக்கு வர முடியும்? எல்லோரும் இளம்பெண்களை இவ்வாறு பாவித்து, சொந்தம் கொண்டாடி, முடிவெடுக்க ஆரம்பித்தால், இன்னும் எத்தனை அப்பாவி பெண்கள் கொலைசெய்யப்படுவார்களோ என்று எண்ணத் தோன்றுகிறது.

Mahesh killer AP of Sandhya- mother crying

“தி இந்துவின்” வக்கிரமான ஆதரவு திகைக்க வைக்கிறது: இது அத்தகைய செய்தி வெளியிட்ட ஊடகத்தின் வன்மத்தினை எடுத்துக் காட்டுகிறது எனலாம். பெண்ணின் உரிமைகள் என்றேல்லாம் பேசும், இந்த ஊடகங்கள், இங்கு, பெண்களை விடுத்து, அந்த கொலையாளிகளுக்கு சாதகமாக செய்திகளை வெளியிடுவது ஏன், எப்படி என்று யோசிக்க வேண்டியுள்ளது. பொதுவாக “தி இந்து” குழும வெளியீடுகள் “மார்க்சீய” சித்தாந்த்தத்தை பின்பற்றும் பதிரிக்கையாளர்கள்-செய்தியாளர்கள் ஆதிக்கம் செல்லுத்தும் செய்தி நிறுவனம் என்பது தெரிந்த விசயம். ஆகவே, ஒருதலை காதல் விசயத்தில், ஏதோ எதேச்சதிகாரத்துவத்தை ஆதரித்து செய்திகளை வெளியிடுகிறது போலும்[8]. ஆக, சுவாதி கொலையாளியும் அவ்வாறே கூறுவான் மற்றும் இனிவரும் கொலையாளிகளும், “தமிழ்.இந்துவின்” சித்தாந்தத்தைப் பின்பற்றுவார்கள் போலும். ஒருதலை காதல் என்று சொல்லிக் கொண்டே கைகளில் கத்திகளை வைத்து அலைந்து கொண்டிருப்பார்கள், அதனை “தி இந்து” நியாயப்படுத்தும் போல!

Mahesh killer AP of Sandhya- police

ஒருதலை காதல் என்று இளம்பெண்களை கொலைசெய்வது எதில் சேர்க்க முடியும்?:

  1. தந்தையை இழந்து, தாயுடன் வாழ்ந்து வந்த 18-வயது இளம்பெண். தந்தை இல்லாத தாய்-மகள் நிலை எப்படியிருக்கும் என்று யோசிக்க வேண்டும்.
  2. பீடிசுற்றி பிழைத்து வந்த தாய்-மகள். அதாவது, உழைத்து சம்பாதித்து வாழும் நிலை வெளிப்படுகிறது.
  3. படித்து வந்த மகேஷ், காதல் என்று அந்த ஏழை மகளுக்கு வலைவீசியது. அதாவது, படிப்பதில் அக்கரை இல்லாமல், இப்படி பெண்களின் பின்னால் சுற்றும் போக்கு வெளிப்படுகிறது.
  4. அவனது முகத்தைப் பார்த்தாலே, இக்காலத்து “ரோமியோ” மாதிரியான தோற்றத்தைக் கொண்டுள்ளது தெரிகிறது. அவனது பின்னணியை ஊடகங்கள் கொடுக்கவில்லை.
  5. ஆனால், சந்தியாவின் முகத்தைப் பார்த்தால், குழந்தை போல உள்ளது. அதனால், அக்கயவன், மிரட்டியே சாதிக்கத் துணிந்துள்ளான் என்று தெரிகிறது.
  6. சென்ற வருடம் புகார் கொடுத்தபோதே, சமரசம் / அறிவுரை கொடுத்து அனுப்பிய போலீஸ், மகேஷுக்கு கடுமையான எச்சரிக்கை விடுத்திருந்தால், இக்கொலை நடந்திருக்காது.
  7. ஏனெனில், அதனை அவன் மதிக்கவில்லை. தொடர்ந்து அவளின் பின் சென்று, தொந்தரவு செய்துள்ளான்.
  8. இவ்வருடம் ஜனவரி 2016ன் போது, நிச்சயதார்த்தம் சமயத்தில் கலாட்டா செய்தபோதும், போலீஸார் நடவடிக்கை எடுத்திருக்கலாம். ஆனால், செய்யவில்லை.
  9. இப்பொழுது, ஜூலையில் கொலையே செய்து விட்டுருக்கிறான்.
  10. இப்பொழுது அப்பாவி 18-வயது சந்தியா கொலைசெய்யப்பட்டு, இறந்து விட்டாள். வாழவேண்டிய வயதில் சாகடிக்கப்பட்டுள்ளாள். கொலைகாரனும், தனது வாழ்க்கையை அழித்துக் கொண்டு, சிறைசெல்லப் போகிறான்.

Mahesh killer AP of Sandhya- police explain

முதலில், ஒருதலை காதல் என்பது செயற்கை, இளம்வயதில் வயதுகோளாறினால் ஏற்படுவது, படித்து-வேலைக்கு செல்லாமல், வாழ்க்கையில் ஸ்திரமடையாமல் பொறுப்பற்ற நிலையில் ஈடுபடுவது, பிறகு ஸ்திரமடைந்த நிலையில் கூட பெண்ணிற்கு பிடிக்கவில்லை, கண்டுகொள்ளவில்லை என்ற நிலையில் பிடிவாதமாக ஈடுபடுவது முதலியன தவறு என்று பையன்களுக்கு, ஆண்களுக்கு புரிய வைக்கவேண்டும்.

© வேதபிரகாஷ்

05-07-2016

[1] http://www.deccanchronicle.com/nation/crime/030716/hyderabad-stalker-slits-minor-girls-throat-in-public.html

[2] http://www.thehansindia.com/posts/index/Crime/2016-07-03/Telangana-Girl-killed-in-public-for-rejecting-marriage/239438

[3] தமிழ்.வெப்துனியா, காதலிக்க மறுத்த இளம் பெண் கழுத்தறுத்து கொலை: பட்டப்பகலில் பயங்கரம், ஞாயிறு, 3 ஜூலை 2016 (16:10 IST)

[4] http://tamil.webdunia.com/article/national-india-news-intamil/young-girl-killed-in-public-place-telungana-116070300014_1.html

[5] தினமணி, காதலை ஏற்க மறுத்த மற்றொரு இளம் பெண் கழுத்து அறுத்து கொலை, By DN, ஹைதராபாத், First Published : 03 July 2016 12:57 PM

[6] http://www.thinaboomi.com/2016/07/03/57679.html

[7] http://www.dinamani.com/india/2016/07/03/%E0%AE%95%E0%AE%BE%E0%AE%A4%E0%AE%B2%E0%AF%88-%E0%AE%8F%E0%AE%B1%E0%AF%8D%E0%AE%95-%E0%AE%AE%E0%AE%B1%E0%AF%81%E0%AE%A4%E0%AF%8D%E0%AE%A4-%E0%AE%AE%E0%AE%B1%E0%AF%8D%E0%AE%B1%E0%AF%86%E0%AE%BE%E0%AE%B0%E0%AF%81-%E0%AE%87/article3511923.ece

[8] தமிழ்.இந்து, சுவாதி சம்பவம் போல தெலங்கானாவில் பயங்கரம்: காதலிக்க மறுத்த இளம்பெண் கொலைகொலையாளி கைது, Published: July 4, 2016 08:48 ISTUpdated: July 4, 2016 09:07 IST

 

ஒருதலைகாதலில் ஈடுபட்டு சந்தியாவின் கழுத்தை எல்லோரும் பார்க்கும்படி அறுத்துக் கொன்ற குரூர, வக்கிர காமுகன்!

ஜூலை5, 2016

ஒருதலைகாதலில் ஈடுபட்டு சந்தியாவின் கழுத்தை எல்லோரும் பார்க்கும்படி அறுத்துக் கொன்ற குரூர, வக்கிர காமுகன்!

Sandhya was killed not of her faukt

ஏழ்மையில் பீடி சுற்றி சம்பாதித்து நடத்தும் குடும்பம்: சென்னையில் காதலை ஏற்க மறுத்த பெண் என்ஜினீயர் சுவாதி கொலை செய்யப்பட்டது போல தெலுங்கானாவில் மற்றொரு சம்பவம் நடைபெற்று உள்ளது[1]. பொதுவாக இத்தகைய ஒப்பீட்ட்டை ஆங்கில ஊடகங்களும் பிரயோகித்துள்ளன. ஆந்திராவில் இருந்து பிரிந்த தெலுங்கானாவில் காதலை ஏற்க மறுத்த இளம்பெண் கழுத்து அறுத்து கொலை செய்யப்பட்டு உள்ளார்[2].  தெலுங்கானா மாநிலம் அதிபாபாத் மாவட்டம் பைன்பூர் கிராமத்தில் வசித்து வருபவர் சருபாய்[3]. இவரது மகள் டி. சந்தியா (வயது 18). தந்தையை இழந்த இவர் தாயுடன் சேர்ந்து பீடி சுற்றும் வேலை பார்த்து வந்தார்[4]. அதாவது, தந்தை இல்லாத நிலையில், ஒரு பெண் வேலைசெய்து, சம்பாதித்து பெண்னை வளர்க்கும் நிலை. இளம்பெண்ணும், அத்த்தொழிலில் ஈடுபட்டுள்ளது அவர்களது ஏழ்மை ஆனால், உழைத்து சம்பாதிக்க வேண்டும் என்ற நிலையைக் காட்டுகிறது.

Mahesh killer AP of Sandhyaஒருதலைகாதலில் ஈடுபட்ட மகேஷ்: இவர்களது பக்கத்து வீட்டில் வசிப்பவர் எம். மகேஷ் (வயது 22). தனியார் கல்லூரியில் படித்து வருகிறார். இவர் சந்தியாவை ஒருதலையாக காதலித்து வந்தார். படிக்கும் பையன்கள் இவ்வாறு படிப்பைத் தவிற மற்ற காரியங்களில், குறிப்பாக மாணவிகளில் பின்னால் சுற்றுவது, கலாட்டா செய்வது, காதல் என்பது, காதலிப்பது போன்றவைதான் சீரழிவுக்குக் கொண்டு செல்கிறது. தனது காதலை சந்தியாவிடம் தெரிவித்தார். அவர் காதலிக்க மறுத்து விட்டார் என்று ஊடகங்கள் வெளியிட்டாலும், அத்தகைய எண்ணாத்தில் பெண் இல்லை என்பது எடுத்துக் காட்ட வேண்டும். ஆனால் சந்தியாவை ஒரு ஆண்டாக / ஒன்றரை ஆண்டாக[5] தொடர்ந்து பின்தொடர்ந்து வந்து, காதலிக்குமாறு தொல்லை கொடுத்தார்[6]. அப்பொழுதே – சென்ற ஆண்டு 2015ல் போலீசாரிடம் புகார் கொடுக்கப்பட்டது[7]. ஆனால், சரிவர நடவடிக்கை எடுக்கப்படவில்லை. மாறாக இருவரிடையில் சமாதானம் செய்து அனுப்பி விட்டனர்[8]. பிரச்சினையே இங்குதான் ஆரம்பித்துள்ளது எனலாம். மேலும், மகேஷின் பெற்றோர் கண்டித்தாரா-இல்லையா போன்ற விவரங்களை ஊடகங்கள் கொடுக்கவில்லை. பொறுப்புள்ள பெற்றோர், தங்கள் மகன் இவ்வாறு காதல் என்று அடுத்த வீட்டு பெண்ணின் பின்னால் சுற்றிக் கொண்டிருப்பதை அவர்கள் எப்படி அணுகினார்கள், ஆதரித்தார்கள் அல்லது எதிர்த்தார்கள் என்று தெரியவில்லை.

Sandhya murdered in front of manyசந்தியாவின் நிச்சயதார்த்தத்தை நிறுத்திய கயவன்: இந்நிலையில், சந்தியாவிற்கு வீட்டில் வரன் பார்த்துள்ளனர். விரைவில் அவருக்கு திருமணம் நடத்த அவரது பெற்றோர் திட்டமிட்டு, ஜனவரியில் நிச்சயதார்த்தம் வைத்தனர் (தந்தை இல்லை எனாறாலும், தமிழ் ஊடகம் “பெற்றோர்” என்று பன்மையில் குறிப்பிடுவதை கவனியுங்கள். நமது நிருபர்கள் அந்த அளவில் இருக்கிறார்கள்). பக்கத்து வீடான மகேஷுக்கு இது குறித்து தெரிய வந்ததும் அதிர்ச்சி அடைந்துள்ளான்[9]. அதை தடுக்கவும் முயற்சித்தான். தானும், சந்தியாவும் இருப்பது போன்ற புகைப்படத்தை பெண் பார்க்கவந்தவர்களிடம் காட்டி, கலாட்டா செய்தான், இதனால், அந்த நிச்சயதார்த்தம் நின்றது[10]. புகைப்படம் உண்மையா அல்லது இக்கால பையன்கள் மார்பிங் செய்து எடுத்ததா என்று குறிப்பிடவில்லை. இன்று செல்போனில் மேமரா உள்ளது என்பதால், பையன்கள் போலும்-வரும் பெண்களை எல்லாம் போட்டோ எடுத்து வைத்துக் கொள்கிறார்கள். தெரியாமல், சம்மதம் இல்லாமல் இவ்வாறு புகைப்படம் எடுக்கும் நடவடிக்கைகளையும் தடுக்கவேண்டும்.

Sandhya murdered in front of many- AP Dunia representationகடைக்குச் சென்ற சந்தியாவின் பின்னால் வந்தவன் கழுத்தை அறுத்தான்: 02-07-2016 அன்று மதியம் சந்தியா காய்கறி வாங்குவதற்காக வீட்டு அருகே உள்ள கடைக்கு சென்றார், என்கிறது வெப்துனியா. “ஜன்டு பாம்” வாங்கச்சென்றாள்[11] என்கிறது “டெக்கான் குரோனிகல்”! அங்கு நின்று கொண்டிருந்த மகேஷ் அவரிடம் மீண்டும் காதலிக்கும்படி வற்புறுத்தினார்[12]. இதுவே அர்த்தமில்லாதது, ஏனெனில், காதல் என்பது இப்படித்தான் வரும் என்று யார் சொல்லிக் கொடுத்தது என்று தெரியவில்லை. அப்போது தனக்கு திருமண ஏற்பாடு நடக்கிறது. என் பின்னால் சுற்றாதே என்று சந்தியா கண்டித்தார். இதனால் ஆத்திரம் அடைந்த மகேஷ் மறைத்து வைத்திருந்த கத்தியால் சந்தியா பின்னால் சென்று அவரது கழுத்தை அறுத்து விட்டு தப்பி ஓடிவிட்டார்[13]. அதாவது, இந்த படுகொலை, பட்டப்பகலில், எல்லோரும் பார்த்துக் கொண்டிருந்த நிலையில் நடந்தது[14]. ரத்த வெள்ளத்தில் கீழே விழுந்த சந்தியா சம்பவ இடத்திலேயே பரிதாபமாக இறந்தார்[15]. மகள் கொலை செய்யப்பட்டதை அறிந்த தாய் சருபாய், அவரது உடலை பார்த்து கதறி துடித்தார்[16]. தனக்கு கிடைக்காத சந்தியா வேறுயாருக்கும் கிடைக்கக் கூடாது என்பதற்காக, மகேஷ் அவரை வெட்டிக் கொன்றுள்ளார்[17], என்கிறது “தி.இந்து”!

© வேதபிரகாஷ்

05-07-2016

[1] தினத்தந்தி, காதலிக்க மறுத்த இளம்பெண் பொதுமக்கள் மத்தியில் கழுத்தை அறுத்து கொலை: கல்லூரி மாணவர் கைது, பதிவு செய்த நாள்: ஞாயிறு, ஜூலை 03,2016, 12:34 PM IST; மாற்றம் செய்த நாள்: ஞாயிறு, ஜூலை 03,2016, 12:34 PM IST

[2] http://www.dailythanthi.com/News/India/2016/07/03123427/18-Year-Old-s-Throat-Slit-In-Public-In-Telangana-Attacker.vpf

[3] மாலைமலர், தெலுங்கானாவில் காதலிக்க மறுத்த இளம்பெண் கழுத்தை அறுத்து கொலை: கல்லூரி மாணவர் கைது, பதிவு: ஜூலை 03, 2016 09:55.

[4] http://www.maalaimalar.com/News/TopNews/2016/07/03095502/1023062/Telangana-girl-hacked-to-death-for-rejecting-marriage.vpf

[5] Sources said Mahesh had been harassing the girl since one-and-a-half years.

http://www.deccanchronicle.com/nation/crime/030716/hyderabad-stalker-slits-minor-girls-throat-in-public.html

[6] தினமலர், சென்னையை போல் மேலும் ஒரு சம்பவம் ;காதலை ஏற்க மறுத்த பெண் கொலை, பதிவு செய்த நாள்: ஜூலை3, 2016: 12.00.

[7]  Sandhya had complained of being harassed by him and her family had lodged a complaint with the police last year. Mahesh did not want her to get married to anyone else and had even tried to disrupt her engagement in January this year, police said. The police had earlier brokered peace between the two sides without taking any action against Mahesh.

http://www.ndtv.com/hyderabad-news/telangana-woman-killed-by-alleged-stalker-throat-slit-1427391

[8] http://www.ndtv.com/hyderabad-news/telangana-woman-killed-by-alleged-stalker-throat-slit-1427391

[9] தினபூமி, தெலுங்கானாவிலும் ஒருசுவாதி’ : ஒருதலை காதலால் கழுத்தை அறுத்துக் கொன்ற மாணவர், July 3, 2016.

[10] He created a scene during the engagement function of the girl with another man some time back by showing a photograph in which he was with Sandhya and the incident resulted in cancellation of the engagement.

http://www.deccanchronicle.com/nation/crime/030716/hyderabad-stalker-slits-minor-girls-throat-in-public.html

[11] Mahesh overpowered Sandhya and slit her throat with a small knife while she was coming home after purchasing Zandu Balm from a shop. He fled when a     neighbour raised an alarm on seeing the incident.

http://www.deccanchronicle.com/nation/crime/030716/hyderabad-stalker-slits-minor-girls-throat-in-public.html

[12] http://www.dinamalar.com/news_detail.asp?id=1556141

[13] விகடன், காதலிக்க மறுத்த இளம்பெண் கழுத்து அறுத்து கொலை! இது தெலங்கானாவில்!, Posted Date : 10:43 (03/07/2016)

[14] The Hindusthan Times, 21-year-old stalker slits throat of teen in full public view, Updated: Jul 04, 2016 11:27 IST.

[15] http://www.hindustantimes.com/nation-newspaper/21-year-old-stalker-slits-throat-of-teen-in-full-public-view/story-o9gVP8LET91FTdeEgYb68N.html

[16] http://www.vikatan.com/news/crime/65780-girl-kill-for-refused-love.art

[17] http://tamil.thehindu.com/india/%E0%AE%9A%E0%AF%81%E0%AE%B5%E0%AE%BE%E0%AE%A4%E0%AE%BF-%E0%AE%9A%E0%AE%AE%E0%AF%8D%E0%AE%AA%E0%AE%B5%E0%AE%AE%E0%AF%8D-%E0%AE%AA%E0%AF%8B%E0%AE%B2-%E0%AE%A4%E0%AF%86%E0%AE%B2%E0%AE%99%E0%AF%8D%E0%AE%95%E0%AE%BE%E0%AE%A9%E0%AE%BE%E0%AE%B5%E0%AE%BF%E0%AE%B2%E0%AF%8D-%E0%AE%AA%E0%AE%AF%E0%AE%99%E0%AF%8D%E0%AE%95%E0%AE%B0%E0%AE%AE%E0%AF%8D-%E0%AE%95%E0%AE%BE%E0%AE%A4%E0%AE%B2%E0%AE%BF%E0%AE%95%E0%AF%8D%E0%AE%95-%E0%AE%AE%E0%AE%B1%E0%AF%81%E0%AE%A4%E0%AF%8D%E0%AE%A4-%E0%AE%87%E0%AE%B3%E0%AE%AE%E0%AF%8D%E0%AE%AA%E0%AF%86%E0%AE%A3%E0%AF%8D-%E0%AE%95%E0%AF%8A%E0%AE%B2%E0%AF%88-%E0%AE%95%E0%AF%8A%E0%AE%B2%E0%AF%88%E0%AE%AF%E0%AE%BE%E0%AE%B3%E0%AE%BF-%E0%AE%95%E0%AF%88%E0%AE%A4%E0%AF%81/article8806429.ece

கல்யாண மன்னன் ரவீந்திரன் – ஐந்து பெண்களுடன் திருமணம் – என்னை ஒன்றும் செய்யமுடியாது என்று மிரட்டல்!

செப்ரெம்பர்24, 2015

கல்யாண மன்னன் ரவீந்திரன் ஐந்து பெண்களுடன் திருமணம் என்னை ஒன்றும் செய்யமுடியாது என்று மிரட்டல்!

ரவீந்திரன் மீது சுதா புகார் - தினகரன் போட்டோ

ரவீந்திரன் மீது சுதா புகார் – தினகரன் போட்டோ

ரவீந்திரன் என்கின்ற சேலம் வார்ட் எண்.20 கவுன்சிலர் மற்றும் அ.தி.மு.க செயலாளர், பல பெண்களை மணந்துள்ளதாகவும், அவரது முதல் மனைவி போலீஸாரில் புகார் கொடுத்துள்ளதாகவும் செய்திகள் வந்துள்ளன. சுதா என்கின்ற முதல் மனைவி கொடுத்துள்ள புகாரின் படி, ரவீந்தரனுக்கு கீழ்கண்ட மனைவிகள் உள்ளனர்.

  1. சுதா – முதல் மனைவி.
  2. போடிநாயக்கன் பட்டியை சேர்ந்த ஆறுமுகம் மகள் புவனேஸ்வரி.
  3. பெரியார் நகரை சேர்ந்த இராமநாதன் என்பவரின் மகள் புவனேஸ்வரி.
  4. பழைய சூரமங்கலம் பாலு மனைவி சந்தியா
  5. அதே பகுதி சேர்ந்த பழைய சூரமங்கலம் வாசு மகள் சத்யா.

இது இந்து திருமணச் சட்டத்தின் படி குற்றமாகும். இருப்பினும், பெண்களை ஏமாற்றி, ஆண்கள் இவ்வாறு பலதார மணங்களை செய்து வருவது தெரிகிறது. பெண்களுடைய ஏழ்மை, தனிமை, விதவை, சபலம் போன்ற காரணங்களை அறிந்து ஆண்கள் அவர்களை ஏமாற்றி வருகின்றனர். பொதுவாக செய்திதாள்கள், இணைதள செய்திகள் இவர்களை “கல்யாண மன்னன்”  என்று கிண்டலடித்து செய்திகளைப் போட்டு மறந்து விடுகின்றன. ஆனால், பாதிக்கப்பட்ட பெண்களின் பட்டியல் ஆயிரக்கணக்காக தொடர்ந்து கொண்டே இருக்கின்றன. செய்திகள் மூலம் கிடைத்துள்ள விவரங்களை, கீழேமூன்று பத்திகளில் தொகுத்துக் கொடுக்கப்பட்டுள்ளன [1, 2, 3]. பிறகு, அவை அலசப்படுகின்றன [4, 5, 6].

ரவீந்திரன் - அம்மா உணவகம் பெண்கள்

ரவீந்திரன் – அம்மா உணவகம் பெண்கள்

  1. அம்மா உணவக தொடர்பு, பலதார திருமணம்: சேலம் மாநகராட்சி பகுதியிலுள்ள 20 ஆவது வார்டு அ.தி.மு.க கவுன்சிலராக இருப்பவர் இரவீந்திரன். இவரின் முதல் மனைவி பெயர் சுதா. இவர் சேலம் அனைத்து மகளிர் காவல் நிலையத்தில் அளித்துள்ள புகார் மனுவில்[1], “எனக்கு திருமணமாகி 23 ஆண்டுகள் ஆகிறது. எனது கணவர் இரவீந்திரன், 20 ஆவது வார்டு கவுன்சிலராகவும், அ.தி.மு.க செயலாளராகவும் உள்ளார்[2]. என்னுடைய கணவர், எனக்கு தெரியாமலும், சட்ட விரோதமான வகையிலும் சில ஆண்டுகளுக்கு முன்னர் போடிநாயக்கன் பட்டியை சேர்ந்த ஆறுமுகம் மகள் புவனேஸ்வரி என்பவரை இரண்டாவதாக திருமணம் செய்தார்[3]. பிறகு, பெரியார் நகரை சேர்ந்த இராமநாதன் என்பவரின் மகள் புவனேஸ்வரியையும், பழைய சூரமங்கலம் பாலு மனைவி சந்தியா என்பவரையும். அதே பகுதியை சேர்ந்த வாசு மகள் சத்யா என என்னை தவிர நான்கு பெண்களை திருமணம் செய்துள்ளார்[4]. சந்தியா, சத்யா இருவரும் அம்மா உணவகத்தில் வேலை செய்த பொது அவர்களுடன் ஏற்பட்ட பழக்கத்தில் அவர்களை திருமணம் செய்துள்ளார்[5].
அம்மா உணவக பெண்கள்

அம்மா உணவக பெண்கள்

  1. விவாகரத்து செய், என்னை யாரும் ஒன்றும் செய்ய முடியாது: “ஏன் இப்படி செய்கிறாய்?” என கேட்டால் இந்த பதவியில் இருப்பவர்கள் இப்படித்தான் இருப்பார்கள். நீ விருப்பம் இருந்தால் இரு. இல்லையெனில் விவாகரத்து வாங்கி கொண்டு போ என்று சொல்கிறார்[6]. இந்த பிரச்னை குறித்து வழக்கு கோர்ட்டுக்கு சென்று விட்ட நிலையிலும், அவரை ஒன்றும் செய்ய முடியவில்லை[7]. நான் கவுன்சிலர். எனக்கு அமைச்சர், மாவட்டம், பகுதி என்று எல்லோரும் உதவி செய்வார்கள். உனக்கு யார் வருவார்? பதவி இருக்கும் வரை என்னை ஒன்றும் செய்ய முடியாது என்று கூறுகிறார்[8].
பாலியல் தொல்லை தருவதாக மண்டல குழு தலைவர் மீது அம்மா உணவக ஊழியர்கள் புகார்

பாலியல் தொல்லை தருவதாக மண்டல குழு தலைவர் மீது அம்மா உணவக ஊழியர்கள் புகார்

  1. முதல்வர் ஜெயலலிதாவை வேண்டும் முதல் மனைவி: எனக்கு இரண்டு ஆண் குழந்தைகள் உள்ளனர். முதல்வர் ஜெயலலிதா, இந்த பிரச்னையில் தலையிட்டு கவுன்சிலர் பதவியையும், வார்டு செயலாளர் பதவியையும் நீக்க நடவடிக்கை எடுக்க வேண்டும்” என்று தெரிவித்துள்ளார்[9]. 2 ஆண்டுகளில் 4 பெண்களை திருமணம் செய்துள்ளார். ஒவ்வொரு பெண்களையும் திருமணம் செய்து கொண்டு, 3 மாதம் குடும்பம் நடத்துவார்[10]. ஐந்து பெண்களுடன் தொடர்பு என்று தினகரன் கூறுகிறது[11]. பின்னர், அவர்களது தாலியை கழற்றி விட்டு, வேறு பெண்களுடன் வாழ்வார்[12]. கொலை மிரட்டல் விடுப்பதாக மாநகராட்சி அதிமுக கவுன்சிலர் மீது மனைவி போலீசில் புகார் அளித்தார்[13].
Salem People Urges Government to Open Amma Unavagam Soon... - Thanthi TV

Salem People Urges Government to Open Amma Unavagam Soon… – Thanthi TV

  1. அம்மா உணவக தொடர்பு, பலதார திருமணம்விமர்சனம்: சேலம் வார்ட் எண்.20 கவுன்சிலர் மற்றும் அ.தி.மு.க செயலாளர் என்ற நிலையில், அம்மா உணவகம் தொடர்பும் கிடைத்துள்ளது. இதில் வேலை செய்யும் பென்கள் ஏழையாக இருக்கின்றனர். அதிமுக செயலர், வார்ட்.மெம்பர், கவுன்சிலர் என்றிருப்பவர்கள் ஏற்கெனவே, அம்மா உணவகத்தில் வேலை செய்யும் பெண்களை பாலியல் ரீதியில் துன்புறுத்துவது, புகார் அளித்துள்ளது, போராட்டம் நடத்தியது என்றெல்லாம் நடந்தேறியுள்ளன. உதாரணத்திற்கு சில கொடுக்கப்படுகின்றன. சென்னை மாநகராட்சி 155–வது வார்டு அ.தி.மு.க. கவுன்சிலர் சேகர் 11–வது மண்டல குழு தலைவராகவும் உள்ளார். இந்த மண்டலத்திற்கு உட்பட்ட பகுதியில் ஆழ்வார் திருநகர், ராமாபுரம், காரப்பாக்கம் ஆகிய மூன்று இடங்களில் அம்மா உணவகம் அமைந்துள்ளது. இங்கு பணியாற்றும் பெண்களிடம் சேகர் பாலியல் தொல்லை கொடுப்பதாக பெண்கள் புகார் தெரிவித்தனர்[14]. புகார்கள் தெரிவிக்கப்பட்டும் சேகரின் நடவடிக்கைகள் மாறவில்லையாம். இதனால் ஆவேசம் அடைந்த அம்மா உணவகத்தில் பணியாற்றும் பெண்கள் சுமார் 30க்கும் மேற்பட்டோர் இன்று காலை சேகரை கண்டித்து வளசரவாக்கத்தில் உள்ள மண்டல குழு அலுவலகம் முன்பு முற்றுகை போராட்டம் நடத்தினர். இதனால் அங்கு பரபரப்பு ஏற்பட்டது. இதுகுறித்து அம்மா உணவகம் பெண் ஊழியர் ஒருவர் கூறியபோது, தலைவர் சேகர் அம்மா உணவகத்தில் பணியாற்றும் பெண்களை அலுவலகத்திற்கு வர சொல்லியும், மோசமான வார்த்தைகளால் பாலியல் தொல்லை கொடுத்து வந்தார். அவரது எண்ணத்திற்கு உடன்பாடாத பெண்களை சரியாக வேலை செய்யவில்லை என்றும், வேலையிலிருந்து நீக்கி விடுவேன் என்றும் மிரட்டல் விடுத்தார். மேலும் யாரிடம் புகார் செய்தாலும் என்னை ஒன்றும் செய்யமுடியாது என்று மேலும் மிரட்ட தொடங்கினார். இதனால் நாங்கள் அவருக்கு எதிராக போராட்டத்தில் ஈடுபட்டுள்ளோம் என்று தெரிவித்தார்[15]. பெண்கள் சுய-உதவிக் குழுக்கள் மூலம் இப்பெண்கள் நியமிக்கப்படுவதால், அரசியல் நுழைந்துள்ளது என்று தெரிகிறது. சேகர் விசயம், ரவீந்திரனைப் போலவே உள்ளது. ஆனால், ரவீந்திரன் கல்யாணம் செய்து கொண்டதால், பிரச்சினையாக மாறவில்லை என்றாகிறது. இருப்பினும் சட்டத்தை மீறியுள்ளது கவனிக்கத்தக்கது.

    தினகரன் செய்தி - ரவீந்திரன் - அம்மா உணவகம் பெண்கள்

    தினகரன் செய்தி – ரவீந்திரன் – அம்மா உணவகம் பெண்கள்

  1. விவாகரத்து செய், என்னை யாரும் ஒன்றும் செய்ய முடியாதுவிமர்சனம்: முதல் மனைவி, “இந்த பிரச்னை குறித்து வழக்கு கோர்ட்டுக்கு சென்று விட்ட நிலையிலும், அவரை ஒன்றும் செய்ய முடியவில்லை”, என்று குறிப்பிட்டுள்ளது[16] திகைப்படைவதாக உள்ளது. அப்படியென்றால், ரவீந்திரன் சட்டத்தின் நிலையை அறிந்தே அவ்வாறு மீறியிருப்பதாகத் தெரிகிறது. மேலும், வழக்கு தொடர்ந்த அப்பொழுதே, அவர் மீது நடவடிக்கை எடுத்திருக்கலாம். தனது அரசியல் பலத்தை துஷ்பிரயோகம் செய்து அமுக்கியுள்ளார் என்று தெரிகிறது. இப்படி அரசியல், பணம், சட்டமீறல், போலீஸ் நடவடிக்கையின்மை அல்லது தாமதம் போன்றவற்றால், பெண்கள் தான் பாதிக்கப்படுகின்றனர். இப்பொழுதும், ரவீந்திரன் கைது செய்யப்பட்டு, சிறைத்தண்டனை கொடுத்தாலும், பெண்களின் பாதிப்பை யார் சரிசெய்வார்கள் என்று தெரியவில்லை. தார்மீக உணர்வுகள் முழுவதுமாக அழிந்து விட்டனவோ என்ற கவலை, விரக்தி தான் ஏற்படுகின்றது. கடந்த 60 ஆண்டுகளில் இவ்வாறு சமூகம் சீரழிந்ததற்கு யார்-எது காரணம் என்பதனை மக்கள் புரிந்து கொள்ள வேண்டும். நாளைக்கு, பெண்களும் தமக்கு உரிமைகள் உள்ளன என்று 5-6 என்று பல ஆண்களை திருமணம் செய்து கொண்டால், குடும்பங்களின் நிலயென்ன, பிறக்கின்ற குழந்தைகளின் நிலையென்ன என்று யோசித்துப் பார்க்க வேண்டும்
  1. முதல்வர் ஜெயலலிதாவை வேண்டும் முதல் மனைவி: கீழ்கண்ட பிரச்சினைகள் மிகவும் முக்கியமானவை.
    1. எனக்கு இரண்டு ஆண் குழந்தைகள் உள்ளனர்.
    2. முதல்வர் ஜெயலலிதா, இந்த பிரச்னையில் தலையிட்டு கவுன்சிலர் பதவியையும், வார்டு செயலாளர் பதவியையும் நீக்க நடவடிக்கை எடுக்க வேண்டும்” என்று தெரிவித்துள்ளார்[17].
    3. 2 ஆண்டுகளில் 4 பெண்களை திருமணம் செய்துள்ளார். ஒவ்வொரு பெண்களையும் திருமணம் செய்து கொண்டு, 3 மாதம் குடும்பம் நடத்துவார்[18]. பின்னர், அவர்களது தாலியை கழற்றி விட்டு, வேறு பெண்களுடன் வாழ்வார்[19].
    4. கொலை மிரட்டல் விடுப்பதாக மாநகராட்சி அதிமுக கவுன்சிலர் மீது மனைவி போலீசில் புகார் அளித்தார்[20].

இவையெல்லாம், பெண்களை எந்த அளவுக்கு பாதிக்க வைக்கின்றன, எல்லா வழிகளிலும் சதாய்க்கப்படுகின்றனர், மனம்-உடல் ரீதிகளில் கொடுமைப் படுத்தப்படுகின்றனர் என்று நோக்கத்தக்கது. பெண்ணின் தூயமை அழிந்தால், சமூகம் நாசமாகி விடும், சமூகம் நாசமானால், நாடே அழிந்து விடும் என்று நீதி நூல்களில் எடுத்துக் காட்டப்பட்டுள்ளது. இப்பொழுது, அதுதான் நடந்து கொண்டிருக்கின்றன. இது பழமைவாதம் என்று ஒதுக்கப்படலாம், ஆனால், பாதிப்புக்கள் அதிகமாகிக் கொண்டிருக்கின்றன, பெண்களின் மீதான குற்றங்கள் பெருகிக் கொண்டிருக்கின்றன, கற்பழிப்புகளும் அவற்றுடன் இணைந்தே அதிகமாகின்றன.

© வேதபிரகாஷ்

24-09-2015

[1] தினமலர், .தி.மு.., கவுன்சிலருக்கு 4 மனைவியர்: முதல் மனைவி போலீசில் பகீர் புகார், செப்டம்பர்.23, 2015.06.43.

[2] http://www.dinamalar.com/news_detail.asp?id=1348362

[3] ஒன்இந்தியா, தமிழகம் மனைவிக்கு தெரியாமல் 4 கல்யாணம்அலற வைக்கும் சேலம் அதிமுக கவுன்சிலர்!, Posted by: Vijayalakshmi Updated: Wednesday, September 23, 2015, 12:45 [IST].

[4] http://tamil.oneindia.com/news/tamilnadu/counselor-got-4-marriages-illegally-236275.html

[5] தமிழ்.வெப்.துனியா, மனைவிக்கு தெரியாமல் நான்கு பெண்களை திருமணம் செய்த அதிமுக கவுன்சிலர், புதன், 23 செப்டம்பர் 2015 (14:38 IST)

[6] http://tamil.webdunia.com/article/regional-tamil-news/admk-counselor-married-4-woman-illegally-wife-filed-case-against-him-115092300044_1.html

[7] http://www.nakkheeran.in/users/frmNews.aspx?N=151657

[8] தினகரன், 2 ஆண்டில் 4 பெண்களை மணந்த அதிமுக கவுன்சிலர், புதன், 23 செப்டம்பர் 2015, 2015.09.23, 01.54.18.

[9] http://www.dinakaran.com/News_Detail.asp?Nid=168682

[10] http://www.dinakaran.com/Latest_Detail.asp?Nid=168601

[11] தினகரன், 5 பெண்களுடன் தொடர்பு வைத்துள்ளதாக அதிமுக கவுன்சிலர் மீது மனைவி புகார், பதிவு செய்த நேரம்: 2015-09-22 20:43:23.

[12] http://tamilmurasu.org/Tamil_News_Details.asp?Nid=81799

[13] தமிழ் முரசு, 4 பெண்களை மணந்த அதிமுக கவுன்சிலர் கட்சியில் இருந்து நீக்க ஜெ.வுக்கு மனைவி கண்ணீர் கடிதம், செப்டம்பர்.23, 2015

[14] தினமணி, பாலியல் தொல்லை: மண்டல குழு தலைவரை கண்டித்து அம்மா உணவக பெண் ஊழியர்கள் போராட்டம், By dn, கோயம்பேடு, First Published : 02 December 2014 04:08 PM IST.

[15]http://www.dinamani.com/latest_news/2014/12/02/%E0%AE%AA%E0%AE%BE%E0%AE%B2%E0%AE%BF%E0%AE%AF%E0%AE%B2%E0%AF%8D-%E0%AE%A4%E0%AF%8A%E0%AE%B2%E0%AF%8D%E0%AE%B2%E0%AF%88-%E0%AE%AE%E0%AE%A3%E0%AF%8D%E0%AE%9F%E0%AE%B2-%E0%AE%95%E0%AF%81%E0%AE%B4%E0%AF%81-%E0%AE%A4%E0%AE%B2/article2551750.ece

[16] http://www.nakkheeran.in/users/frmNews.aspx?N=151657

[17] http://www.dinakaran.com/News_Detail.asp?Nid=168682

[18] http://www.dinakaran.com/Latest_Detail.asp?Nid=168601

[19] http://tamilmurasu.org/Tamil_News_Details.asp?Nid=81799

[20] தமிழ் முரசு, 4 பெண்களை மணந்த அதிமுக கவுன்சிலர் கட்சியில் இருந்து நீக்க ஜெ.வுக்கு மனைவி கண்ணீர் கடிதம், செப்டம்பர்.23, 2015

நான்காவதாக கல்யாணம் செய்ய முயன்ற வில்வின் ரெஜிஸ் கைது!

செப்ரெம்பர்4, 2013

நான்காவதாக கல்யாணம் செய்ய  முயன்ற வில்வின் ரெஜிஸ் கைது!

கல்யாண மோசடி மன்னன்

கல்யாண மோசடி மன்னன்

2013ல் சென்னைக்கு வந்து இன்ஜினியரிங் மாணவிக்கு வலை விரிப்பு: குமரி மாவட்டம் கருங்கல் அருகே உள்ள மிடாலத்தை சேர்ந்தவர் வில்வின் ரெஜிஸ் (வயது 27), ஜாண்ரோஸ் மகன் . கட்டிட தொழிலாளியான இவர் தன்னை போலீஸ் அதிகாரி என்று கூறி பெண்களை ஏமாற்றி திருமணம் செய்துள்ளார். இவர் அடிக்கடி சென்னைக்கு சென்று வரும் போது அழகப்பபுரத்தை சேர்ந்த ஒரு பெண்ணுடன் நட்பு ஏற்பட்டது. வீடுவரை தொடர்ந்த பழக்கத்தின் மூலம் அந்த பெண்ணின் மகள் முதலாண்டு இன்ஜினியரிங் மாணவியுடன் வில்வின் ரெஜிசுக்கு பழக்கம் ஏற்பட்டது. அவரிடம் கருப்பு பூனை படையில் அதிகாரியாக வேலை பார்ப்பதாக கூறியதால், இதை நம்பி மாணவியை அவருக்கு திருமணம் செய்து வைக்க முடிவு செய்தனர்[1]. இதன்படி, 03-09-2013 அன்று காலை மார்த்தாண்டத்தில் உள்ள ஒரு கிறிஸ்தவ ஆலயத்தில் திருமணம் நடப்பதாக இருந்தது. முன்னதாக பெண் வீட்டாரிடம் ரூ.50 ஆயிரம் வாங்கிய ரெஜிஸ் அதைக்கொண்டு உதய மார்த்தாண்டத்தில் உள்ள தனது நண்பர்கள் உதவியுடன் ஒரு வேனில் நேற்று காலை பெண் வீட்டில் சில சடங்குகளை முடிக்க மணமகனாக அழகப்பபுரம் வந்தார். இந்நிலையில், வில்சன் ரெஜிசை மாப்பிள்ளை கோலத்தில் பார்த்த வேன் டிரைவர் சந்திரசேகர் (30) என்பவர் அதிர்ச்சி அடைந்தார். வில்சன் ரெஜிசுக்கு ஏற்கனவே திருமணமான தகவலை பெண் வீட்டாருக்கு அவர் கூறினார்.

நான்கு பெண்களை ஏமாற்றியவன்

நான்கு பெண்களை ஏமாற்றியவன்

முதல் மனைவி மேரி புனிதா புகார்: தன்னை ஏமாற்றி விட்டு வேறொரு பெண்ணை திருமணம் செய்ய இருப்பது குறித்து ரெஜிசின் முதல் மனைவியான கருங்கல் அருகே உள்ள தேவிகோடு பகுதியை சேர்ந்த மேரி புனிதாவுக்கு தகவல் கிடைக்கவே அவர் இதுகுறித்து அஞ்சுகிராமம் போலீசில் புகார் செய்தார்[2]. போலீசார் உடனடியாக நடவடிக்கை எடுத்து வில்வின் ரெஜிஸ் திருமணத்தை தடுத்து நிறுத்தி அவரை கைது செய்தனர். பின்னர் போலீஸ் நிலையம் அழைத்து சென்று அவரிடம் போலீசார் விசாரணை நடத்தினர். இதில் பல்வேறு திடுக்கிடும் தகவல்கள் வெளிவந்தன. 2008க்குப் பிறகு அவன் என்ன செய்து கொண்டிருந்தான் என்பதை எப்படி மேரி புனிதா அறியாமல் இருந்தார் என்பது தெரியவில்லை.

ஜோசப் பிலிப் பாதையைப் பின்பற்றிய வில்வின் ரெஜிஸ்

ஜோசப் பிலிப் பாதையைப் பின்பற்றிய வில்வின் ரெஜிஸ்

2008  ஆகஸ்டில் மேரி புனிதாவுடன் திருமணம்: வாட்டசாட்டமாக தோற்றமளிக்கும் வில்வின் ரெஜிஸ் தன்னை திருச்சி ஆயுதப்படையில் போலீஸ் அதிகாரியாக பணியாற்றுவதாக கூறி மேரி புனிதாவை திருமணம் செய்துள்ளனார். 2008 ஆகஸ்டில் இவர்களது திருமணம் நடந்துள்ளது. வரதட்சணையாக கொடுத்த நகை, பணத்துடன் மாமனாரிடம் இருந்து 5 சென்ட் நிலத்தையும் வாங்கிக் கொண்டார். அதன்பின்னர் கூடுதல் வரதட்சணை கேட்டு மனைவியை சித்ரவதை செய்யவே மேரிபுனிதா கருங்கல் போலீசில் புகார் செய்தார். போலீசார் ரெஜிசை அழைத்து பேசினர். அப்போது இனிமேல் புனிதாவுடன் ஒழுங்காக குடும்பம் நடத்துவேன் என எழுதிக் கொடுத்தார். என்றாலும் தொடர்ந்து மனைவியுடன் பிரச்சினை செய்து வந்தார். இதனால் கணவன், மனைவி இருவரும் பிரிந்து வாழ்ந்து வந்தனர். சட்டப்படி விவாக ரத்து பெற்றாரா என்று குறிப்பிடவில்லை.

ஜெயசங்கரை மிஞ்சிய வில்வின் ரெஜிஸ்

ஜெயசங்கரை மிஞ்சிய வில்வின் ரெஜிஸ்

2009ல் சந்தியாவுடன் இரண்டாவது திருமணம்: இதையடுத்து திருச்சி சென்ற வில்வின் ரெஜின் அங்கு அரியமங்கலத்தை சேர்ந்த அம்புரோஸ் மகள்  சந்தியா (25) என்ற பெண்ணை திருமணம் செய்தார். இங்கு முதல் மனைவியுடன் சட்டப்படி விவாக ரத்து பெற்றாரா இல்லையா என்று பெற்றோர் விசாரித்தார்களா அல்லது இவன் மரைத்துவிட்டானா என்ற விவரங்கள் தெரிவிக்கப்படவில்லை. மேலும் சர்ச்சில் தான் கிருத்துவர்களின் திருமணங்கள் நடக்கின்றன என்ற போது, எப்படி இவ்வாறு திருமணங்களை நடத்தி வைக்கின்றனர் என்பதும் புரியாத புதிடராக உள்ளது. இவர்களுக்கு 2 குழந்தைகளும் உள்ளனராம். ஒரு கட்டத்தில் சந்தியாவையும் ஏமாற்றி விட்டு கோவை சென்றார்[3].

2011ல் மூன்றாவதாக ஜெனிபரை கடத்தல்: அங்கு வ.உ.சி. நகரை சேர்ந்த ஜெனிபர் (19) என்ற பெண்ணை குமரி மாவட்டத்திற்கு கடத்தி வந்தார். இதுகுறித்த புகாரின்பேரில் கோவை போலீசார் ரெஜிசை குழித்துறையில் வைத்து கைது செய்து ஜெயிலில் அடைத்தனர். 52 நாட்கள் ஜெயிலில் இருந்து வெளியே வந்த அவர் 4–வதாக அழகப்பபுரம் பெண்ணை திருமணம் செய்ய முயன்ற போது தான் போலீசில் சிக்கி உள்ளார். கைது செய்யப்பட்டவன், பெயிலில் வெளியே வருகிறான் என்பதே வியப்பாக இருக்கிறது. போலீசாரால் இவனது பின்னணி விசாரிக்கப்பட்டிருக்க வேண்டும் அல்லது அவன் சொல்லாமல் மறைத்திருக்க வேண்டும். இருப்பினும் எல்லாமெ திருச்சியில் நடக்கிறது எனும் போது வியப்பாகத்தான் உள்ளது.

2010ல் ஜோஷி என்ற பெண்ணை கொலை செய்தது: இந்த தகவல்களை கேட்ட போலீசார் ரெஜிஸ் பணத்துக்காகத் தான் பெண்களை ஏமாற்றி திருமணம் செய்திருக்கலாம் என கருதினர். ஆனால் ரெஜிஸ் பற்றி போலீசாருக்கு கிடைத்த மற்றொரு தகவல் அவர் ஒரு கொலைகாரன் என்பதை அம்பலப்படுத்தியது. 2010–ம் ஆண்டு திருச்சியில் வில்விஸ் ரெஜிஸ் வசித்து வந்த போது தனது பக்கத்து வீட்டில் வசித்த ஒரு பெண்ணுடன் இவருக்கு பழக்கம் ஏற்பட்டது[4]. அந்த பெண்ணின் கணவர் அதே பகுதியை சேர்ந்த ஜோஸி என்ற பெண்ணுடன் நெருங்கிப் பழகி வந்துள்ளார்[5]. இதையறிந்த அவரது மனைவி தனது கணவரின் கள்ளக்காதலியை தீர்த்துக் கட்ட வேண்டும் என வில்வின் ரெஜிசிடம் கெஞ்சிக் கேட்டாராம். அதற்காக நிறைய பணம் தருவதாகவும் அந்த பெண் கூறவே ரெஜிஸ் கொலைக்கான திட்டத்தை வகுத்தார். அதன்படி ‘நீ அந்த பெண்ணை நைசாக பேசி தஞ்சாவூர் கல்லணைக்கு அழைத்து வந்து விடு, அங்கு நான் என் நண்பர்களுடன் சேர்ந்து ஜோஸியை கொலை செய்து விடுகிறேன்என கூறி உள்ளார். அவரது திட்டப்படி அந்த பெண் ஜோஸியை கல்லணைக்கு அழைத்து செல்லவே அங்கு ரெஜிசும், அவரது நண்பர்களுமாக சேர்ந்து ஜோஸிசை கத்தியால் குத்தி கொலை செய்துள்ளனர்.

தொடர் – குற்றம் செய்யும் ரெஜிஸ் மீது மறுபடியும் வழக்குப் பதிவு: தோகூர் போலீசார் இந்த கொலை தொடர்பாக ரெஜிஸ் உள்பட 4 பேரை கைது செய்துள்ளனர். இந்த வழக்கில் ரெஜிஸ் ஜாமீனில் வெளியே வந்த பின்னரும் பெண்களை ஏமாற்றி திருமணம் செய்ததை மட்டும் விடவில்லை. இதனால் மீண்டும் போலீசில் சிக்கிக் கொண்டுள்ளார். இதைத்தொடர்ந்து அஞ்சு கிராமம் போலீசார் ரெஜிசை கன்னியாகுமரி அனைத்து மகளிர் போலீஸ் நிலையத்தில் ஒப்படைத்தனர். அவர்கள் ரெஜிஸ் மீது இந்திய தண்டனை சட்டம் 498(ஏ) – பெண்களை கொடுமைபடுத்துதல், 406–குற்றம் சதிச் செயலில் ஈடுபடுதல், 494 ஆர்/டபிள்யூ 511–ஏமாற்றி திருமணம் செய்ய முயற்சி செய்தல் ஆகிய பிரிவுகளின் கீழ் வழக்குபதிவு செய்தனர். பின்னர் அவரை நாகர்கோவில் கோர்ட்டில் ஆஜர்படுத்தி ஜெயிலில் அடைத்தனர்[6].

தமிழகத்தில் கல்யாண மோசடி மன்னன்கள் அதிகரிக்கும் விதம்: இது கோயம்புத்தூர் ஜோசப், பிலிப் ஜோசப், திலிப் ஜோசப் என்ற பெயர்களில் நான்கு பெண்களை திருமணம் செய்து கொண்டு ஏமாற்றியவன் போலவே இருக்கிறது[7]. ஒரேகாலத்தில், தமிழகத்தில் இப்படி ஒரே மாதிரியான பெண்களின் மீதான குற்றங்கள் நடந்திருப்பதால், அதிலும், சர்ச் அம்மாதிரியான திருமணங்களை செய்து வைத்திருப்பதால், அதில் சம்பந்தப்பட்ட பாஸ்டர் முதலியோர்களையும் இவ்விசயத்தில் விசாரிக்க வேண்டும். ஏனெனில், அவர்களது ஒத்துழைப்பு இல்லாமல், இவ்வாறு மேன்மேலும் குற்றங்களை செய்திருக்க முடியாது. கோயம்புத்தூர் வழக்கில், சர்ச்சை சேர்ந்தவர்கள் விசயங்களை மறைக்கப் பார்ப்பது தெரிகின்றது[8]. அதனை ஏமாற்றப்பட்ட மனைவியே இணைதளத்தில் குறிப்பிட்டிருப்பது காணத்தக்கது[9].

© வேதபிரகாஷ்

04-09-2013