Posts Tagged ‘சோதனை’

இந்தோனேசியா பள்ளி மாணவிகளுக்கு கன்னித்தன்மை பரிசோதனை: விளக்கம், எதிப்பு, முடிவு!

ஓகஸ்ட்22, 2013

இந்தோனேசியா பள்ளி மாணவிகளுக்கு கன்னித்தன்மை பரிசோதனை: விளக்கம், எதிப்பு, முடிவு!

மொஹம்மது ரஷீத் விளக்கம்

மொஹம்மது ரஷீத் விளக்கம்

பள்ளிமாணவிகளுக்குகன்னித்தன்மைபரிசோதனை: இந்தோனேசியா உலகத்திலேயே அதிக முஸ்லிம் ஜனத்தொகைக் கொண்ட நாடாகும் (சுமார் 220 மில்லியன்). நவீனமயமாக்கல் மற்றும் பொருளாதார ரீதியில் இந்நாட்டு மக்கள் வளர்ச்சி கண்டு வருகிறார்கள். இந்நிலையில் உயர்நிலைப் பள்ளி மாணவிகளுக்கு கன்னித்தன்மை பரிசோதனை செய்ய திட்டமிட்டுள்ளதாக கல்வி அதிகாரிகளின் அறிவிப்பிற்கு கடும் எதிர்ப்பு கிளம்பியுள்ளது[1]. இந்தோனேசியாவைப் பொறுத்த வரையில், இது ஒன்றும் புதிய சமாச்சாரம் இல்லை. 2010லேயே ஜாம்பி என்ற மாவட்டத்தில், இத்தகைய திட்டத்தை அமூல் படுத்தியது[2]. அப்பொழுது “அம்னெஸ்டி இன்டெர்நேஷனல்” போன்ற நிறுவனங்கள் எதிர்ப்புத் தெர்வித்தன[3].

இந்தோனேசிய பள்ளி மாணவிகள்

இந்தோனேசிய பள்ளி மாணவிகள்

2014 முதல்கன்னித்தன்மைபரிசோதனைநடத்ததிட்டம்: இந்தோனேசியாவின் உள்ள சுமத்ரா தீவில் அமைந்துள்ள பிரபுமுலிக் மாவட்டத்தில் உயர்நிலை பள்ளி மாணவிகளுக்கு அடுத்த ஆண்டு 2014 முதல் கன்னித்தன்மை பரிசோதனை நடத்த திட்டமிட்டுள்ளதாக அம்மாகாண கல்வி அதிகாரிகள் அறிவித்தனர்[4]. இந்த அறிவிப்புக்கு கடும் எதிர்ப்பு கிளம்பியுள்ளது[5]. இதுகுறித்து கல்வி அதிகாரி முகமது ரஷீத் கூறுகையில், திருமணத்திற்கு முன்பாக செக்ஸ் உறவை தடுப்பதற்கும், விபசாரத்தால் மாணவிகள் பாதிக்கப்படுவதை தடுப்பதற்காகவும் இது போன்ற திட்டம் ஒன்றை அடுத்த ஆண்டு முதல் செயல்படுத்த திட்டமிடப்பட்டிருந்தது என்று தெரிவித்தார்[6]. நல்லவேளை, குஷ்பு போன்றோர் அந்நாட்டில் இல்லை போலிருக்கிறது.

இந்தோனேசிய பள்ளிப் பெண்கள் - இன்னொரு வகை

இந்தோனேசிய பள்ளிப் பெண்கள் – இன்னொரு வகை

மனிதஉரிமைகளுக்குஎதிரானது: ஆனால் இது மனித உரிமைகளுக்கு எதிரானது என கடும் சர்ச்சை எழுந்துள்ளது. பேஸ்புக், டுவிட்டர் போன்ற சமூக இணையதளங்களிலும் ஏராளமானோர் இதற்கு கடும் எதிர்ப்பு தெரிவித்து கருத்துகளை தெரிவித்திருந்தனர்[7]. இதனால் இந்த உத்தரவு சர்ச்சையை கிளப்பியுள்ளது. குழந்தைகள் மீது வன்முறையை திணிப்பதும், அவர்களை அச்சுறுத்துவதுமான இது போன்ற அறிவிப்புகளை வெளியிடக் கூடாது என்றும் எதிர்ப்பாளர்கள் தெரிவித்தனர்[8]. முதலில் இத்தகைய எண்ணம் எவ்வாறு ஏற்பட்டது என்று தெரியவில்லை. படிக்கும் பென்களுக்கும், இதற்கும் என்ன சம்பந்தம், அவ்வாறு அறிந்டு கொண்டு என்ன செய்யப் போகிறார்கள் என்றெல்லாம் மக்கள் யோசிக்க ஆரம்பித்துள்ளனர்.

இந்தோனேசிய பள்ளி மாணவிகள் - மற்றொருமொரு வகை

இந்தோனேசிய பள்ளி மாணவிகள் – மற்றொருமொரு வகை

ஆண்பிள்ளைகளுக்கும், அத்தகைய பரிசோதனைகளைச் செய்யவேண்டியதுதானே?: இதுகுறித்து மாகாண கல்வி அதிகாரி விடோடோ கூறுகையில், மாணவிகளுக்கு தேவையான எவ்வளவோ நல்ல திட்டங்கள் செயல்படுத்தப்படாமல் இருக்கும் போது, இது போன்ற பரிசோதனைகள் தேவையற்றது. மேலும் இதற்கு எதிர்ப்பு கிளம்பியதும் அந்த திட்டம் கைவிடப்பட்டுள்ளது என்றார். இதுகுறித்து தேசிய குழந்தைகள் உரிமை ஆணையர் ஏரிஸ் மெர்டகா, ஜகார்தாவில் அளித்த பேட்டியில், மாணவிகளுக்கு கன்னித்தன்மை இழப்பு என்பது செக்ஸ் நடவடிக்கைகளால் மட்டுமல்ல, விளையாட்டு, உடல் நலக் குறைவு போன்றவற்றால் கூட ஏற்பட வாய்ப்புள்ளது. எனவே அதிகாரிகளின் இந்த திட்டம் கடுமையான கண்டனத்திற்குரியதாகும் என்று தெரிவித்துள்ளார்[9]. மேலும் ஆண்பிள்ளைகளுக்கும், அத்தகைய பரிசோதனைகளைச் செய்யவேண்டியதுதானே? அவர்களது ஆணுறுப்பை சோதித்து, அவர்கள் செக்ஸில் ஈடுப்பட்டிருக்கிறார்களா இல்லையா என்று கண்டுபிடிக்கலாமே என்று மனித உரிமை குழுக்கள் சார்பில் கேள்வியை எழுப்பியுள்ளனர்[10].

செய்ய வேண்டியது என்ன?: பிரம்மச்சரியம் என்று இந்தியாவில் சொல்வார்கள், அதாவது, ஒழுங்கு, கட்டுப்பாடு, முதலியன இருபாலருக்கும்பொறுந்தும். அதனால்தான் அத்தகைய முறையை பிரம்மச்சரியம்  என்றார்கள். இன்று சுதந்திரம் என்றா ரீதியில், பெண்கள், ஆண்களை ஏன் சோதிக்கக் கூடாது என்று கேட்கின்றனர். படிக்கின்ற வயதில் படிப்பில் சிரத்தையைச் செல்ல்லுத்தினால், இந்த பிரச்சினையே வந்திருக்காது. ஆனால், நாகரிகம், சுதந்திரம், பெண்ணுரிமை என்ற கோணங்களில், கற்பு முதலியவறைப் பற்றி, நீர்த்துப் போன்ற, ஒழுக்கமற்ற, கேவலமான கருத்துகள் வெளியிடப்படுகின்றன. அவ்வாறு வெளிப்படுத்துபவர்கள், தங்களது மகள்களின் நிலையைப் பற்றி யோசித்துப் பார்ப்பதில்லை. அதாவது, மற்றவர்களுக்கு சொல்லும், ஆதரிக்கும் சுதந்திரங்களைக் கொண்டு, அவர்களின் மகள்கள், அதே மாதிரி, சமூகத்தில் உலா வருவார்களா, அதற்கு சம்மதிப்பார்களா?

© வேதபிரகாஷ்

22-08–2013


[4] தினகரன், இந்தோனேசியாவில்பரபரப்பு : பள்ளிமாணவிகளுக்குகன்னித்தன்மைபரிசோதனை,

[10] இந்தோனேசியாவில் பரபரப்பு : பள்ளி மாணவிகளுக்கு கன்னித்தன்மை பரிசோதனை