Posts Tagged ‘தாய்மை’

உலக பெண்கள் தினத்தன்று, சில சிந்தனைகள்: இந்திய பெண்கள் தங்களது உரிமைகளை இழந்து விட்டார்களா, ஏன், எவ்வாறு?

மார்ச்8, 2018

உலக பெண்கள் தினத்தன்று, சில சிந்தனைகள்: இந்திய பெண்கள் தங்களது உரிமைகளை இழந்து விட்டார்களா, ஏன், எவ்வாறு?

Women in Vedic age

சரித்திர ரீதியில் வேதகாலம்என்று இருந்ததில்லை: “வேதகாலம்” என்று, இப்பொழுது குறிப்பிடுகின்ற, சரித்திர காலகட்டத்தில் இல்லை. ஐரோப்பியர் ஆராய்ச்சி செய்த போது, அவ்வாறான காலத்தைக் குறிப்பிட்டனர்.  வேதம் ஓதி, அவ்வழி பின்பற்றும் காலட்டத்தில், மற்ற நெறிகள் இல்லை என்பதில்லை. அதனை வேதங்களே எடுத்துக் காட்டுகின்றன. ஆனால், ஒரு காலகட்டத்தில், அவர்ர்கள் ப்பெரும்பான்மையினராக இருந்து, பிறகு சுருங்கி விட்டனர் என்பது, சரித்திரம் மூலம் தெரிகிறது. அதனால் தான், வேதங்கள் தோன்றியது எங்கு என்று ஆயும் போது, ஆர்க்டிக் பகுதி, மத்திய ஆசியா, மத்தியத் தரைக்கடல் பகுதி, என்றெல்லாம் கருதுகோள்கள் வைக்கப்பட்டன. C.1450 BCE காலத்து பகோஷ்காய் கல்வெட்டு, மெசமடோமியா பகுதி மக்கள் “இந்த்ரசீல், மித்ரசீல், வௌணசீல், நசாத்தியா” என்று வேதக் கடவுளர்களை நோக்கி விளித்தப் பிறகு, தமது மற்ற கடவுளகளையும் சாட்சியாக விளிப்பதாகக் குறிப்பிடுகிறது. ஆகவே, அவர்களின் தொகை குறைந்தபோது, அவர்களது கலாச்சாரம், பாரம்பரியம், பண்பாடு முதலியனவரும், மற்றவரிடம் மாற ஆரம்பித்தன. மாறினவர்கள் தங்களது சடங்கு, கிரியை, பண்டிகைகள், கொண்டாட்டங்கள் எல்லாவற்றையும் மாற்றிக் கொள்ள ஆரம்பித்தனர். இதனால் தான் முரண்பாடுகள் ஏற்பட்டன.

Bogozkoi inscription

சரித்திரத்தில் “இந்தியா” என்று படிக்கும் போது, இப்பொழுதுள்ள 1947-இந்தியாவிற்குள் எல்லாவற்றையும் அடக்கும் விதமாக எழுதப் படுகிறது. ஆனால், குஷானர் போன்ற வம்சாவளியினர், ஆப்கானிஸ்தான், மத்திய ஆசிய பகுதிகளை ஆண்டு வந்தனர். ஜைனர்கள் [திகம்பரர் மற்றும் ஸ்வேதம்பரர்] மத்தியத் தரைக் கடல் நாடுகளில் ஆண்டு வந்தனர். இவர்கள் எல்லோருமே வேத நெறியிலிருந்து மாறுபட்டவர் மற்றும் எதிர்ப்பவர்கள். ஆக, அவர்களையும் மற்றவர்களையும் ஒப்பீடு செய்ய முடியாது. அந்நிலையில், அக்காலத்தைய வேதநெறி மக்கள் கட்டுப்பாடுகளைக் கொண்டு வந்தனர். குறிப்பாக கிரேக்கர், ஜைனர், பௌத்தர் போன்றோர் வேதங்களைப் படித்து, வேதங்களுக்கு எதிராக பிரச்சாரம் செய்வதால், அவர்களுக்கு தடை விதித்தனர். அப்பொழுதுதான், பாஷாண்டிகளான அவர்கள் வேதம் கற்கக் கூடாது போன்ற பிரிவுகள் சேர்க்கப் பட்டன.

Vedic women- illustrative purpose

ரிக்வேத சாகைகளை இயற்றியவர்கள் பெண்ரிஷிக்கள்: வேத காலத்தில் பெண்களின் நிலை ஆண்களுக்கு சமமாக இருந்தது என்பது, பல ஆராய்ச்சியாளர்கள் எடுத்துக் காட்டியுள்ளனர். ரோமஸ, லோபமுத்ரா, அபல, கத்ரு, விஸ்வவர, கோஷ, வகம்பிர்னி, பௌலமி, யமி, இந்திரானி, சாவித்ரி, தேவஜமி – ரிக் வேத கால பெண் ரிஷிக்கள்! நோத, அக்ரஷ்தபாஷ, சிகதனிவவாரி, கௌபாயன முதலியோர் சாம வேத கால, பெண் ரிஷிக்கள்! இதில் இரண்டு காலகட்டங்கள் ரிக்-யஜுர் என்று அறியப் படுகின்றன. ரிக் வேத சுக்தங்கள் 10-134, 10-39,10-40, 10-91, 10-95,10-107,10-109,10 – 154,10-159,10-189, முதலிவவற்றை பாடியவர் பெண் ரிஷிக்கள் தாம்! இது இக்காலத்தைய பற்பல கட்டுக்கதைகளை உடைத்தெரிகிறது. இருப்பினும், இத்தகைய உண்மைகளை, இக்கால சித்தாந்திகள் மறைத்து வருகின்றனர்.

Vedic women- illustrative purpose-2

பெண் எந்தநிலையிலும் கல்வி கற்கலாம், பிரம்ம ஞானத்தையும் பெறலாம்: பிரம்ம ஞானத்தை கர்கி பிரமச்சாரியாக இருந்த போதும், சூடால கிரஸ்தியாக இருந்தபோதும் [திருமணனமான பின்னும்], பெற்றனர்! பிரம்ம ஞானத்தை மைத்ரேயி வனவாசத்தில் இருந்த போதும், சுலபயோகினி சந்நியாசியாக இருந்த போதும், பெற்றனர்! பெண் எந்த நிலையில் இருந்தாலும், வேதங்களைப் படிக்கலாம், பிரம்ம ஞானத்தைப் பெறலாம். எந்த தடையும் இல்லை என்பது தெரிகிறது! ஏனெனில், அவர்கள் வேதங்களில் உள்ள சில சாகைகளுக்கு ஆசிரியர்களாக உள்ளனர். பிரம்மவதினி [கல்யாணத்திற்கு முன்பு] மற்றும் சதயோவது [கல்யாணத்திற்குப் பின்பு] என்ற நிலைகளில் பெண்கள் சிறந்து விளங்கினர்.  பிரம்மவதினி யக்ஞோபவீதம் அணிந்து பிரம்மச்சாரியாக இருந்து வேதங்களைக் கற்பது. சதயோவது கல்யாணம் ஆனப் பிறகு, யக்ஞோபவீதம் அணிந்து வேதங்களைக் கற்பது.

Vedic women- illustrative purpose-3

பெண் கல்வியின் முக்கியத்துவம்: பெண்கள் குடும்பதினை நிர்வகிக்கும் ஆற்றலைக் கொண்டிருந்ததால் தான், அவர்களின் கல்வி ஆண்களுக்கு சமமாகக் கொடுக்கப் பட்டது. ஒரு பெண் படித்தால், குடும்பமே படித்த நிலை அடைகிறது என்பதை அன்றே உணர்ந்திருந்தனறர்; எங்கு பெண்கள் போற்றி-ஆராதிக்கப் படுகிறார்களோ, அங்கு கடவுட்தன்மை கொண்டவர்கள் மகிழ்கிறார்கள்! எங்கு அவ்வாறில்லையோ, எந்த சடங்கு-கிரியை செய்தாலும் பலனற்று போய் விடுகிறது.

यत्र नार्यस्तु पूज्यन्ते रमन्ते तत्र देवताः ।
यत्रैतास्तु न पूज्यन्ते सर्वास्तत्राफलाः क्रियाः ॥ ५६ ॥
Where women are honoured, there the gods rejoice; where, on the other hand, they are not honoured, there all rites are fruitless.—(56)

ஆனால், கிரேக்கர், ஜைனர், பௌத்தர் போன்றோர் பெண்களை வேறு முறையில் நடத்திய போது, வேதநெறி விற்பன்னர்கள், விதிமுறைகளை மாற்றியமைத்தனர். கிரேக்க நிர்வாணக் கொள்கையுடையவர், ஜைனர் மற்றும் தாந்திரிக பௌத்தர்கள், பெண்களை துஷ்பிரயோகம் செய்தனர். காவர்கள் ஆதிக்கம் மத்தியத் தரைக்கடல் மற்றும் இன்றைய வடமேற்கு பகுதிகளில் அதிகமாக இருந்தபோது, தம் பெண்கள் அவர்களுடன் திருமணம் செய்து கொள்வது, வலுக்கட்டாயமாக எடுத்துச் சென்று திருமணம் செய்து கொள்வது, போன்றவை நடந்த போது, பெண்கள் வேதங்கள் கற்கக் கூடாது என்று வந்தது. ஏனெனில், அவர்கள் மூலம், எதிர்-பிரச்சாரக் காரர்களுக்கு, விசயங்கள் தெரியக் கூடாது என்ற விதத்தில், அத்தடை விதிக்கப் பட்டது. இக்காலத்தில் தொழிற்சாலைகள் மற்றும் வியாபார கம்பெனிகளில் ரகசியம் காப்பாற்றப் படும் யுக்திகள் போன்று, அவை செயல்பட வேண்டியதாயிற்று.

Jain women- illustrative purpose-3

சைத்திய-கோவில் முறைகளில் பெண்கள் எவ்வாறு மந்திரதந்திரயந்திர முறைகளினால் சீரழிஉக்கப் பட்டனர்?: மாஹா வீரர் மற்றும் புத்தர் மடங்களில் பெண்-துறவிகளை ஏற்றுக் கொள்ளவில்லை. சேத்தால், ஒழுக்கம் கெட்டு விடும் என்று எச்சரித்தார்கள். ஆனால், வற்புருத்தல் பேரில், அவர்கள் சேர்த்துக் கொள்ளப் பட்டனர். புத்தர்-அனந்தன் உரையாடல் இதனை மெய்ப்பிக்கிறது. உருவ வழிபாடு இல்லை என்ற நிலையிலிருந்து, உருவ வழிபாடு அறிமுகப் படுத்தப் பட்ட நிலைகளில், வழிபடும் இடங்கள் உருவாக்கப் பட்டன. அவை நாளடைவில் கட்டிடங்களாக, குறிப்பிட்ட முறைகளில் சைத்தியங்கள், கோவில்கள் என்று மாறின. கிரேக்க நிர்வாணக் கொள்கையுடையவர், ஜைனர் மற்றும் தாந்திரிக பௌத்தர்கள், பெண்களை துஷ்பிரயோகம் செய்தது, அவர்களது சிற்பங்கள், மந்திர-தந்திர-யந்திர நூல்களே எடுத்துக் காட்டின. ஆனால், வேதநெறி பெண்கள் அவற்றில் பங்கு கொள்வது தடுக்கப் பட்டது. கஜுராஹோ போன்ற இடங்களில் இந்து-ஜைன-பௌத்தம் என்ற மூன்று வகை கோவில்களும் இருக்கின்றன என்ற இடைக்கால குழப்பத்திலிருந்தும் அதனை அறிந்து கொள்ளலாம்.

Buddhist women- illustrative purpose-3

வேதகாலத்தில் கோவிலே இல்லை எனும்போது பூஜாரியும் இல்லை: வேதகால கடவுள் வழிபாட்டு முறையில் உருவம், விக்கிரகம் இல்லை எனும் போது, வழிபடும் இடம், கோவில் இல்லை என்றாகிறது. கோவில் இல்லை என்றால் பூஜாரியும் இல்லை. ஆனால், இக்காலத்தில், “வேதகாலத்தில் பெண்களுக்கு எல்லா உரிமைகளும் இருந்தன. ஆனால், இன்று பெண்கள் பூஜாரிகளாக முடிவதில்லை,” என்று வாதிடுவது முட்டாள்தனமாக இருக்கிறது. இங்கு தான் வேதநெறி பின்பற்றப் படும் முறை மற்றும் இதர முறைகள் வருகின்றன. கிரேக்க நிர்வாணக் கொள்கையுடையவர், ஜைனர் மற்றும் தாந்திரிக பௌத்தர்கள், தங்களது முறைகளை உருவாக்கிக் கொண்டர், சேர்த்துக் கொண்டனர். ஆகம நெறிகள் வளர்ந்த போது, அவற்றிற்கேற்றபடி, சடங்கு, கிரியை, பண்டிகைகள், கொண்டாட்டங்கள் உண்டாயின. ஆகவே, “வேதகாலத்தில் பெண்களுக்கு எல்லா உரிமைகளும் இருந்தன” போன்ற வாதங்களை வைத்து, வாத-விவாதங்கள் செய்வது முட்டாள்தனமானது, சரித்திர ரீதியில் பொய்யானது. மேலும் அத்தகைய உரிமைகளுடன் போராடி, ஆர்பாட்டமாக வரும் பெண்கள் ஒன்றும் வேதகால பெண்கள் போல வேத விற்பன்னர்களாகவோ, தேர்ச்சி பெற்றவர்களாகவோ இல்லை. ஆகமங்கள் பெண்களைக் கட்டுப் படுத்துகின்றன, தடுக்கின்றன என்றால், ஆகமங்களில் அத்தகைய கட்டுப் பாடுகள் ஏன் இருக்கின்றன என்று ஆராய வேண்டும். வேதங்களை குறை சொல்வதில் எந்த அர்த்தமும் இல்லை.

women monks - illustrative purpose-3

இக்காலத்தில் பெண்கள் செய்ய வேண்டியது என்ன?: இக்காலத்தில், எல்லோரும் வேதகாலத்து மக்கள் மாதிரி இருக்க முடியாது. வேத கொள்கைகளை பின்பற்றலாம். மற்றவர்களிடமும் அதைப் பற்றி எடுத்துச் சொல்லலாம். ஒழுக்கம், நேர்மை, தருமம், நியாயம் முதலியவற்றின் மீது ஆதாரமாக, விதிமுறைகள், கட்டுப்பாடுகள் இருப்பதை பின்பற்றலாம். பல செயல்களுக்கு இயந்திரம் மற்றும் மின்னணு சாதனங்கள் உபயோகப் படுத்தப் படும் நிலையில், எத்தனையோ சடங்குகள், கிரியைகள், சம்ஸ்காரங்கள் … செய்யப் படாமல் போகின்றன அல்லது சுருக்கப் படுகின்றன. ஆ     கையால், தார்மீக அளவில் தான் ஒழுக்கத்தை எதிர்பார்க்க முடியும் நிலை வந்துள்ளது. ஆக, தனிமனித ஒழுக்கம் தான், அனைத்தையும் நிர்ணயிக்கும் நிலையுள்ளது. அந்நிலையில், பெண்களுக்கான பொறுப்புகள் அதிகமாகியுள்ளன.

© வேதபிரகாஷ்

08-03-2018

women day 08-03

ஆண்மை, பெண்மை, குழந்தைப் பெறும் தன்மை, கற்பு, விபச்சாரம் பற்றி, பெரியார் தத்துவ கொச்சைத் தனமும், பொய்யான, ஒவ்வாத பிரச்சாரமும்!

நவம்பர்12, 2017

ஆண்மை, பெண்மை, குழந்தைப் பெறும் தன்மை, கற்பு, விபச்சாரம் பற்றி, பெரியார் தத்துவ கொச்சைத் தனமும், பொய்யான, ஒவ்வாத பிரச்சாரமும்!

Chastity and prostitytion, Viduthalai, 11-11-2017, p.7

விடுதலையில், குடி அரசில் வெளி வந்தது, பெரியார் எழுதினார் என்று தினம்-தினம் நாத்திக போர்வையில், சமூகத்தை சீர்குலைக்கும் விவகாரங்களை வெளியிட்டு வருவதில், அதன் ஆசிரியர், நிகர்-பல்கலைக் கழக வேந்தர் என்ற பொறுப்புகளில் உள்ளவர் தொடர்ந்து வெளியிட்டு வருவதில், இன்றைக்குப் படித்ததில், அசிங்கத்தை, ஆபாசத்தை, பொய்யை, சமூகத்திற்கு ஒவ்வாததை “பரிசுத்த உன்மை” என்ற ரீதியில் இருப்பதைக் கண்டவுடன், அதை எடுத்துக் காட்ட விரும்பியதில் உண்டான கருத்து தான் இந்த பதிவு. வழக்கம் போல, வெளிவந்ததை அப்படியே போட்டு, எனது கருத்தை “சிகப்பு” நிறத்தில் கொடுத்துள்ளேன்.

Why woman became slave - EVR

விபசாரி மகன் மற்றும் விபசாரனுடைய மகன்[1]: விபசாரி மகன் என்று சொன்னால் தான் கோபித்துக் கொள்ளுகின்றார்களே தவிர விபசாரனுடைய மகன் என்று சொன்னால் கோபித்துக் கொள்ளுகின்றவர்கள் இல்லை.

விபசாரி மகன் என்று சொன்னால் தான் கோபித்துக் கொள்ளுகின்றார்களே தவிர விபசாரனுடைய மகன் என்று சொன்னால் கோபித்துக் கொள்ளுகின்றவர்கள் இல்லை. விபசாரன் என்றாலே, அவன் ஒன்றிற்கு மேற்பட்ட பெண்களுடன் உடலுறவு வைத்தவன் என்றாகிறது. அப்படியென்றால், அப்பெண்கள் சோரம் போனவர்கள் என்றாகிறதே? அது குற்றமாகிறதே!

ஆனால் எந்த சமயத்தில் ஆண்கள் கோபித்துக் கொள்ளுகின்றார்களென்றால் தங்கள் மனைவிகள் வைப்பாட்டிகள், குத்தகை தாசிகள் விபசாரம் செய்தார்கள் என்று சொன்னால் மாத்திரம் உடனே கோபித்துக் கொள்ளுகின்றார்கள். மேலும் மிகவும், அவமான மேற்பட்டு விட்டதாக பதறுகிறார்கள்.

மற்றும் தங்கள் பெண்களைத் தங்களுடைய சம்மதத்தின் பேரில் தங்கள் சுய நலத்திற்காக விபசாரத்திற்கு விட இணங்குகிறான் என்றோ பெண்ணை அடக்க முடியாமல் ஊர்மேல் விட்டு விட்டான் என்றோ சொல்லுகின்றபோது அதிகமாய்க் கோபித்துக் கொள்ளுகின்றார்கள். பெண்ணின் தூய்மை, ஆணின் தூய்மை என்னவென்பது புரிந்து கொள்ள வேண்டும். பெண்ணின் தூய்மை கற்பினால் அளவிடப் படுகிறது. அது குழந்தைப் பெற்றெடுக்கும் தாய்மையுடன் இணைக்கப் பட்டிருக்கிறது. தாய்மை என்பது ஒரு தந்தையுடன் இணைக்கப்படுகிறது.

ஆகவே இந்த அனுபவங்களையும் கொண்டு மேலே காட்டியபடி அதாவது விபசாரம் என்று சொல்லும் வார்த்தையின் தத்துவம் பெண்கள் ஆண்களின் அடிமைகள் என்றும், ஆண்களுடைய போக போக்கியப் பொருள் என்றும், விலைக்கு விற்கவும், வாடகைக்கு விடவும் கூடிய வஸ்து என்றும் கருதியிருக்கின்றார்கள் – என்பது இன்னும் தெளிவாய் விளங்கும்.

 

Living in relation-Periyar style-KamalGautami

கற்பு, விபச்சாரம் பெண்களுக்கு மட்டும் உபயோகப் படுத்த வேண்டிய வார்த்தைகள் இல்லை[2]: நிற்க, அது அதாவது விபசாரம் என்னும் வார்த்தையை வழக்கத்தில் ஏன் பெண்களை மாத்திரம் சொல்லப் பயன்படுத்தப்பட்டது? ஆண்களைச் சொல்லுவதற்கு ஏன் அது பயன் படுத்தப்பட வில்லை? யென்று கவனிப்போமானால் அதிலிருந்து மற்றொரு உண்மையும் புலப்படும். அதென்ன வென்றால் விபசாரம் என்று சொல்லப்படுவது சுபாவத்தில் உண்மைக் குற்றமுள்ள வார்த்தையாக இல்லை என்பதேயாகும்.

அது போலவே விபசாரம் என்னும் வார்த்தையும் அதன் பிரயோகமும் புரட்டானதும், பெண்களை அடிமை கொள்வதற்கென்றே ஏற்படுத்தப்பட்டதென்றும் காணப்படுவதோடு அது முக்கியமாய் இயற்கைக்கு விரோதமான தென்றும் கூட விளங்கும். ஆண் விபச்சாரி என்று அறியப்படவில்லை. அதே போல ஆண் அடிமைத்தனம் என்றும் நடைமுறையில் இல்லை. இயற்கையில், பெண் குழந்தை பெற்றெடுப்பதை அறிபவர், ஆண் ஏன் குழந்தை பெற்றெடுக்கவில்லை என்று கேட்டதுண்டா?

எது போலென்றால் எப்படி கற்பு என்னும் வார்த்தையையும் அது பயன்படுத்தும் முறையும் புரட்டானது என்றும், பெண்ணடிமை கொள்ள உத்தேசித்து ஏற்படுத்தியதாகுமென்றும் சொல்லுகின்றோமோ அது போலவே விபசாரம் என்னும் வார்த்தையும் அதன் பிரயோகமும் புரட்டானதும், பெண்களை அடிமை கொள்வதற்கென்றே ஏற்படுத்தப்பட்டதென்றும் காணப்படுவதோடு அது முக்கியமாய் இயற்கைக்கு விரோதமான தென்றும் கூட விளங்கும்.

Periyar, wife

 கற்பு, விபச்சாரம் ஆண்களுக்கு பொறுந்தும்[3]: சாதாரண மாகவே இன்றைய கற்பு, விபசாரம் என்னும் வார்த்தைகள் சுதந்திரமும், சமத்துவமும் கொண்ட வாழ்க்கைக்குச் சிறிதும் தேவையில்லாததேயாகும். ஆன போதிலுங் கூட அவையும் இயற்கைக்கு முரணானது என்பதை யாவரும் ஒப்புக் கொண்டுதானாக வேண்டும்.

அதற்கு ஆதாரம் என்ன வென்றால் மேலே சொல்லப் பட்டது போலவே அவ்விரண்டு வார்த்தையின் தத்துவங்களையும் பெண்கள் மீது மாத்திரம் சுமத்தப்பட்டு ஆண்கள் மீது சுமத்தப்படாமலும் ஆண்கள் அவற்றை ஏற்றுக் கொண்டு கட்டுப்படாமையும் அதைப் பற்றி லட்சியம் செய்யாமையுமேயாகும். இவ்வாறு சொன்னதையே திரும்ப சொல்லி, ஆண்மை-பெண்மை-குழந்தை பெறும் தன்மை முதலியவற்றை அறியாதது போல பிதற்றுவதில், எந்த பகுத்தறிவும் இல்லை, விஞ்ஞானமும் இல்லை. “பொய்யும் வழுவும் தோன்றிய பின்னர் ஐயர் யாத்தனர் கரணம்” என்றதை இவர்கள் நிச்சயம் அறிந்திருக்க வேண்டும்.

ஜீவசுபாவங்களுக்கு இவ்விரண்டு வார்த்தையும் சிறிதும் பொருத்தமற்றதேயாகும். வாழ்க்கை ஒப்பந்த நிபந்தனைக்கு மாத்திரம் தேவையுடையதாகயிருக்கலாம். மற்றும் வேறொரு அத்தாட்சியும் என்ன வென்றால் மக்களில் ஆண்களுக்கும் பெண்களுக்கும் கற்புத் தவறுதலும் விபசாரத்தனமும் கூடாது என்று பொதுவாக இருபாலர்களுக்குத் தானாகத் தோன்றாமலிருப்பதோடு பலர் கற்பித்தும் அதற்காகப் பல நிபந்தனைகளைக் கூட ஏற்படுத்தியும் மற்றும் எவ்வளவோ பயங்களைக் காட்டியும் அதனால் சிலராவது அடிதடி விரோதம், கொலை, உடல் நலிவு முதலியவைகளால் கஷ்டப்படுவதை நேரில் காணக்கூடிய சந்தர்ப்பங்களிருந்தும் இவ்வளவையும் மீறி மக்களுக்குக் கற்புக்கு விரோதமாகவும் விபசாரத்திற்கு அநுகூலமாகவும் உணர்ச்சியும் ஆசையும் ஏன் உண்டாக வேண்டுமென்பதைக் கவனித்தால் அது தானாக விளங்கும்.

ஜீவசுபாவங்கள், ஆணுக்கும் பெண்ணுக்கும் வேறானவை. வெறும் உடலின்பம், சிற்றின்பம் என்ற நிலையில் சுருக்கும் தத்துவத்தினால் அதனை திரித்து விளக்க முடியாது. ஆண்-பெண் இல்லாமல், வெறும் ஆண் அல்லது பெண் இயற்கையில் இருந்திருந்தால், என்னவாகியிருக்கும்? இனப்பெருக்கம் நடந்திருக்குமா? அப்பொழுது, இவற்றைப் பற்றி பேசமுடியுமா?

EVR two wives

பரிசுத்தமான உண்மை, கற்பு, விபச்சாரம், வியாக்கியானம்[4]: இயற்கையோடு இயைந்த வாழ்வு எது என்பதையும் இயற்கைக்கு மாறுபட்ட வாழ்வு எதுவென்பதையும் எவ்வித நாட்டுப் பற்று, நடப்புப் பற்று, பிறப்புப்பற்று என் பதில்லாமல் நடுநிலையிலிருந்து தன் அநுபவத்தையும் தன் மனதில் தோன்றிய, தோன்றும் உணர்ச்சிகளையும், ஆசைகளையும் ஒரு உதாரணமாகவும் வைத்துக் கொண்டு, பரிசுத்தமான உண்மையைக் காணுவானேயானால் அப்போதும் கற்பு, விபசாரம் என்னும் வார்த்தைகள் வெறும் புரட்டு என்பதும், மற்றவர்களை அடிமையாகக் கட்டுப்படுத்த உண்டாக்கப்பட்ட சுயநல சூழ்ச்சி நிறைந்தது என்பதும் தானாகவே விளங்கிவிடும்.

போலித்தனமான, அறிவியலுக்குப் பொறுந்தாத விதண்டாவதத்தின் மூலம் உளறுவதை, பரிசுத்தமான உண்மை என்று தனக்குத் தானே கூறிக் கொள்வது மடத்தனமானது.  இயற்கையில், விஞ்ஞானத்தின்படி, ஆண்-பெண் வேறு எனும் போது, அதற்கான நியதிகளை அவர்கள் பின்பற்றியே ஆகவேண்டியதுள்ளது. ஆண்-பெண் உறவுகளை ஏதோ அரைவேக்காட்டு சித்தாந்த போர்வையில் கொச்சைப்படுத்துவதால், பொய் உண்மையும் ஆகாது, பரிசுத்தமும் பெறாது.

Periyar self-respect marriage

பெரியார் தத்துவ கொச்சைத் தனமும், பொய்யான, ஒவ்வாத பிரச்சாரமும்!: பெரியார் தத்துவம், பகுத்தறிவு, நாத்திகம் என்ற போர்வைகளில் விஞ்ஞான உண்மைகளை மறந்து, இயற்கை நியதியையும் மறைத்து, உண்ண்மையினை மறுப்பது “பரிச்சுத்தமான அயோக்கியத்தனம்” ஆகும். சமூகத்தை ஒழுங்குப் படுத்த, ஒழுக்கம், தூய்மை போன்ற குணங்கள் மனிதனுக்கு அத்தியாவசியமாகிறது. அதை விடுத்து, திருமணம் தேவையில்லை, ஆண்-பெண் ஒழுக்கம் தேவையில்லை, கற்பு தேவையில்லை என்ற ரீதியில், விலங்குகளை விட மேசமான உறவுகளை ஆதரிப்பது விபச்சாரத்தை விட  அபச்சாரமானது. அத்தகைய (மேற் கண்ட) உளறள்களை அவர்களது தாய், மனைவி, மகள், சகோதரி மற்ற பெண் உறவுகள் படித்தாலே, அவர்களது வக்கிரத்தன்மையினை உணர்ந்து வெட்கி-கூனி குறுகி போவார்கள், அசிங்கப்படுவார்கள் மற்றும் வருத்தப் படுவார்கள். இவையெல்லாம் இப்பொழுது வெளிப்படையாக இருப்பதால், படிப்பவர்களே தீர்மானித்துக் கொள்வார்கள்!

© வேதபிரகாஷ்

11-11-2017

Kudi Arasu 1924- Mrs MM Adigal, women conference

[1] விடுதலை, கற்பு, விபசாரம் எனும் புரட்டு, விடுதலை, 11-11-2017, பக்கம்.7.

[2] http://viduthalai.in/page-7/ _152623.html

[3] 26.10.1930 -குடிஅரசிலிருந்து… என்று வெளியிடப் பட்டுள்ளது, என்று “விடுதலை”, 11-11-2017 அன்று வெளியிட்டுள்ளது.

[4]  குடி அரசு 26.10.1930 தேதியிட்ட நாளிதழ் என்று குறிப்பிட்டிருப்பதால், திருவாளர் ஈவேரா நாயக்கர் தான் இதை எழுதியிருப்பார் என்று தெரிகிறது.

உபி கற்பழிப்புகள், சுரணையற்ற அரசியல்வாதிகள், குரூரக் குற்றவாளி ஆட்சியாளர்கள், சட்டமீறல்கள், நியாய அவமதிப்புகள், தொடரும் மனிதத்தன்மையற்ற செயல்கள் (2)

ஜூன்4, 2014

உபி கற்பழிப்புகள், சுரணையற்ற அரசியல்வாதிகள், குரூரக் குற்றவாளி ஆட்சியாளர்கள், சட்டமீறல்கள்,  நியாய அவமதிப்புகள், தொடரும் மனிதத்தன்மையற்ற செயல்கள் (2)

உபி எம்.எல்.ஏக்கள் குற்றப் பின்னணி

உபி எம்.எல்.ஏக்கள் குற்றப் பின்னணி

77%  எம்.எல்.ஏக்கள் கிரிமினல் வழக்குகளில் சிக்கியிருக்கும் போது, அவர்களின் ஆட்சியில் சட்டம்ஒழுங்கு முறை எப்படி இருக்கும்: இளம் முதல்வரான அகிலேஷ் யாதவ்,  செய்ய வேண்டியதையெல்லாம் நான் செய்து விட்டேன் என்று பேசிக் கொண்டிருக்கிறார். ரூ.5 லட்சம் பாதிக்கப் பட்ட குடும்பத்திற்கு கொடுக்க அறிவித்தார்,  ஆனால், குடும்பத்தவர்கள் ஒப்புக் கொள்ளவில்லை.  கற்பழித்தவர்கள் தண்டிக்கப் படவேண்டும் என்று உறுதியாக போராடி வருகிறார்கள். உபி சட்டசபையில் உள்ள 403 எம்.எல்.ஏக்களில் 189 பேர் கிரிமினல் குற்றங்களில் சிக்கியுள்ளவர்கள். சமஜ்வாடி கட்சியின் 224  எம்.எல்.ஏக்களில் 172 பேர், அதாவது 77% கிரிமினல் குற்றங்களில் சிக்கியுள்ளவர்கள்[1].  அத்தகையவர் கொண்ட ஆட்சியாளர்களை வைத்துக் கொண்டு எப்படி சட்டம்-ஒழுங்கு நிர்வகிக்க முடியும் என்பதை அறிந்து கொள்ளாலாம்[2].எம்.எல்.ஏக்கள் கொலை, கொள்ளை, கற்பழிப்பு, கடத்தல், திருட்டு, ஆட்களை சிறை பிடித்து வைத்தல், கலவரம் ஏற்படும் வகையில் தூண்டி விடுதல், என பலவகையான குற்றங்களில் ஈடுபட்டுள்ளனர். ஆனால்,  அவர்கள் ஜெயித்து ஆட்சிக்கு வந்து கொண்டு தான் இருக்கின்றனர். பிறகு, ஆட்சியில் எப்படி சட்டம் அமூல் படுத்த முடியும் என்று தெரியவில்லை!

உபி எம்.எல்.ஏக்கள் குற்றப் பின்னணி.மீறல்கள்

உபி எம்.எல்.ஏக்கள் குற்றப் பின்னணி.மீறல்கள்

கக்கூஸ் இல்லாததால் தான் கற்பழிப்பு ஏற்பட்டுள்ளதுஅதனால் நிறைய கக்கூஸுகள் கட்டவேண்டும்: கக்கூஸ் இல்லாததால் தான் கற்பழிப்பு ஏற்பட்டுள்ளது அதனால்,  இனி கக்கூஸ்கள் கட்டவேண்டும் என்றும் ஆரம்பித்து விட்டார்கள். ஐநா கண்டனத்திலும், இப்பாட்டு பாடப் பட்டுள்ளது[3].  புகுந்த வீட்டில் கக்கூஸ் இல்லை என்று மனைவி, கோபித்துக் கொண்டு தாய் வீட்டிற்கு திரும்பி விட்டார் என்ற கொசுரு செய்தி வேறு.  கிராமப் புறங்களில் ஆயிரக் கணக்கான வருடங்களாக, கக்கூஸ் இல்லை என்பது தெரிந்த விசயம்தான். ஆனால்,  இயற்கையில் யாருக்கும் எந்தவித தொந்தரவும் இல்லாமல்,  மாசுப் பிரச்சினைகள் இல்லாமல் மனித மலம் மக்கிப் போகும் முறையில், வீட்டின் பின்புறத்தில்,  வயல்வெளிக்கு வெளியே என்று காலைக் கடன் கழிக்கும் பழக்கம் இருந்து வருகிறது.  ஆகவே, இதில் சர்ச்சைக் கிளப்புவதற்கு ஒன்றுமே இல்லை. இங்கிலாந்திலேயே,  கக்கூஸுகள் 19-20ம் நூற்றாண்டுகளில் தான் கட்டப்பட்டன.  அதுவரை அவர்கள் கண்ட இடங்களில் தான் பேண்டு வந்தனர். இது லண்டனில் ஒரு பெரும் பிரச்சினையாகவே போயிற்று. ஆனால்,  மேனாட்டு ஊடகங்கள் இவற்றையெல்லாம் மறந்து, மறைத்து இந்தியாவை விமர்சிக்கின்றன.

ராகுல் விஜயம்

ராகுல் விஜயம்

உபி 1300 வருடங்களாக பலவித தாக்குதல்களுக்குட்பட்ட நிலையில் உள்ளது: உத்திர பிரதேசம் கடந்த 1300 வருடங்களாக, முகமதியர், ஐரோப்பியர் முதலியோரால் அதிக அளவில் பலவிதங்களில் பாதிக்கப் பட்டிருக்கின்றது. இப்பாதிப்பு மற்ற வடவிந்திய மாநிலங்களுக்கும் பொறுந்தும் என்றாலும், இங்கு குறிப்பாக நிலைப்பெற்றுள்ள, தொடர்ந்த பிரச்சினையாக இருந்து வருகிறது. லட்சக் கணக்கான இந்துக்கள் சமுதாயத்தில் பலவிதங்களில் முஸ்லிம்களால் பாதிக்கப் பட்டு வந்துள்ளார்கள். இந்துக்கள் மதம் மாற்றப்பட்டது, அதில் முக்கிய காரணாமாகும். மேலும், செய்கின்ற தொழிலை வைத்து ஜாதிநிலை புதியதாக இருகும் போது, மதமாற்றம், சில ஜாதிகளின் கட்டமைப்பை இருக்கியது. மாமிசம் உண்ணும் நிலை அது பெரிதாகவே பாதிக்கச் செய்தது. கால்நடைகளை கொல்வது, இறைச்சியாக மாற்றுவது, தோல் முதலியவற்றை பதனிடுவது, அதை வைத்து மற்ற தொழில்களை செய்வது முதலியவை இந்துக்கள் செய்து வந்தாலும், முஸ்லிம்களாக மாறிய பிறகு, அவை புதிய ஜாதிகட்டமைப்பாக மாறியது. அந்நிலையில், அத்தொழில் செய்யும் ஜாதியினரும் பாதிக்கப் பட்டனர். உயர்ஜாதியினரால் மற்றும் முஸ்லிம்களால் இவர்கல் பாதிக்கப் பட்டனர். அந்நிலையில் எஸ்.சி சமுதாயத்தினர் அதிகமாகவே பாதிக்கப் பட்டனர். அதனால், அச்சமூக பெண்கள் எளியதாக்குதல்களுக்கு உட்பட்டு வருகின்றனர். இப்போக்கும் மாறவேண்டும். அதாவது செய்யும் தொழில் ஜாதி மற்றும் மதத்துடன் பிணைத்துப் பார்க்கும் போக்கு மாறவேண்டும். அதற்கு தொழிற்முறைகள் நவீனப்படுத்தினால், நிலைமை மாறும்.

Women demonstrate in front of police as usual

Women demonstrate in front of police as usual

அச்சு மற்றும் மின்னணு ஊடகங்களில் பெண்மை, தாய்மை, கற்பு முதலியன ஏன் கேவலப் படுத்தப் படுகின்றன?:  கற்பழிப்பு மனிதத்தன்மைக்கே எதிரானது என்று போதிக்க வேண்டிய தருணத்தில்,  மிருகங்களை மனிதர்களாக்க வேண்டிய நிலையில், இவ்விதமாக,  ஒவ்வொன்றும் தங்களது வியாபாரத்தை ஊக்குவிக்கும் போக்கில் நடந்து கொள்கின்றனவே தவிர, உண்மையில் கற்பழிப்பு, அதற்கான காரணம்,  ஆண்களின் வக்கிரத் தன்மை, சமூகத்தில் ஏற்பட்டுள்ள பாலியல் ரீதியிலான மீறல்கள், நியாயம்-தர்மம் போன்ற விசயங்களை மதிக்காமல் இருப்பது போன்ற முக்கியமான விசயங்களை அலசுவதாகத் தெரியவில்லை. ஊடகங்களில்,  சினிமாக்களில், கதைகளில், கவிதைகளில் மற்ற பொழுது போக்கு துறைகளில் பெண்மை ஏன் வியாபாரப் பொருளாக, விளம்பரச் சின்னமாக,  வணிக விபச்சாரத்திற்கு உபயோகப் படுத்தப் படுகிறார்கள் என்பதையும் கவனிக்க வேண்டும்.  கற்பு என்பது ஒரு ஆண்-ஒரு பெண் உறவில் பாதுக்காக்கப் படுகிறது என்ற நியதியை மீறி விவாகரத்து, ஒரு ஆண் பல ஆண்கள் மற்றும் ஒரு பெண் பல ஆண்கள் தொடர்பு, உறவு, கலவி முதலியவற்றை நியாயப் படுத்தும் வகையில் அச்சு மற்றும் மின்னணு ஊடகங்களில் வந்து கொண்டிருக்கின்ற வேளையில் பெண்மை, தாய்மை, தூய்மை, கற்பு போன்ற குணங்களுக்கும் முக்கியத்துவம், மதிப்பு, மரியாதை முதலியன குறைந்து விட்டன. பெண்களுக்கு மதிப்பு, மரியாதை ஏன் கடவுளுக்கு சரியான அந்தஸ்து கொடுக்கும் பாரம்பரிய இந்திய சமுதாயத்தில், பெண்மையை மதிக்கத் தெரியாமல், காமுக மிருகங்களாக சில ஆண்கள் தயாராகி வருகிறார்கள் என்றால், ஏன் என்று ஆராயப் படவேண்டும்,  அவர்களை மாற்றியாக வேண்டும்.

Ragul came clean shaven

Ragul came clean shaven

கற்பழிப்பை ஒரு ஆயுதம் போன்று உபயோகப் படுத்தும் நிலை:  கம்யூனிஸத்தில் கற்புக்கு சித்தாந்த ரீதியில் முக்கியத்துவம் இல்லை. இஸ்லாம் போன்ற மதங்களிலும் பலதார இருவழி-மணமுறை முதலியவை இருப்பதால் அங்கு அது பிரச்சினை இல்லை. இக்கருத்து சித்தாந்த ரீதியில் வைக்கப் படுகிறது,  குறிப்பிட்ட சித்தாந்தத்தையோ, மதத்தையோ, பெண்களையோ தூஷிப்பதற்காக இல்லை.  இருப்பினும் பொதுவாக உலகம் முழுவதும் கற்பு போற்றப் படுகிறது. நாகரிகம் மற்றும் மாற்று-வேற்று கலாச்சாரம் முதலிய காரணிகளால் அத்தன்மை, போற்றப் படும் தன்மை,  பாதுகாக்கப் படவேண்டிய தன்மை முதலியவைக் குறைந்து வருகின்றது. அதேபோல, மதம்-ஜாதி முதலியவற்றை மனங்களில் வைத்துக் கொண்டு,  பெண்களைக் கற்பழிப்பது என்று இருந்தால், அத்தகைய வக்கிரமும் ஆராயப் படவேண்டும். ஏனெனில்,  இந்த இரண்டு வழிகளிலும் கற்பழிப்பு ஒரு கொடிய யுக்தியாகப் பயன்படுத்தப் படுகிறது.  கற்பழிப்பு என்பதனை ஒரு சமூகத்தற்கு, நாட்டிற்கு, கலாச்சாரத்திற்கு எதிராகப் பயன்படுத்தப் படும் ஆயுதம்,  குண்டு வெடிப்புப் போன்ற தீவிரவாதத் தனம் என்று அறியப் படாமல், அதனை, மரத்துப் போகும் நிலையில்,  சுரணையில்லாமல் அலசுவதில் எந்த பிரயோஜனமும் இல்லை. கற்பழிப்பு என்றாலே,  ஊடகங்களுக்கு ஏதோ நல்ல மசாலா போன்ற விசயமாகி அதை வைத்துக் கொண்டு, பத்து நாள்,  ஒரு மாதம் ஓட்டி விடலாம் என்ற போக்கு தான் காணப்படுகிறது. கண்டிக்கும் ஊர்வலங்கள், பதாகைகளை வைத்துக் கொண்டு போராட்டம்,  மெழுகுவர்த்தி இரவு ஜெபங்கள் போன்ற விளம்பர அதிரடிகாரியங்களும் தொடரும்.

© வேதபிரகாஷ்

03-06-2014

 

[1] Of the 403 MLAs elected to the UP assembly, a staggering 189 had declared criminal cases against them. But even in a state run by criminals, the SP’s own record is abysmally bad. Of the Samajwadi Party’s 224 MLA’s, 172 of them have serious criminal charges filed against them

[2] http://www.firstpost.com/politics/akhilesh-promises-clean-government-fails-to-deliver-357121.html

[3] “Around 65 per cent of rural population in India defecates in the open and women and girls are expected to go out at night. This does not only threaten their dignity, but their safety as well,” Louis-Georges Arsenault, UNICEF’s Representative to India, said in a statement.

http://www.thehindu.com/news/national/un-condemns-badaun-rape/article6075898.ece

குளித்ததை படமெடுத்து, மிரட்டி கற்பழித்த குரூரக் கும்பல்: தற்கொலை செய்து கொண்ட இளம்பெண்!

ஜூலை24, 2012

குளித்ததை படமெடுத்து, மிரட்டி கற்பழித்த குரூரக் கும்பல்: தற்கொலை செய்து கொண்ட இளம்பெண்!

திருவண்ணாமலையில் தீய காரியங்கள் நடப்பது: திருவண்ணாமலை என்றால் கோவில், தெய்வம், ஆன்மீகம், ஶ்ரீ ரமணர், ஶ்ரீ ராம் சூரத் குமார் என்றேல்லாம் நினைவுக்கு வரும் ஆனால், இப்பொழுதே, நாளுக்கு நாள் கொலை, கற்பழிப்பு, என கெட்ட காரியங்கள் நடந்து வருகின்றன. இதெல்லாம், மக்களின் வக்கிர புத்தியைகத் தான் காட்டுகிறது. மண்ணின் மீது குற்றமில்லை, ஆனால், அம்மண்ணில் வாழ்ந்து கொண்டு, அந்நீரைக் குடித்துக் கொண்டு, அந்நிய காமக்குரோத வக்கிரங்களில் மூழ்கி, சீரழிந்தவர்கள், மற்றவர்களையும் சீரழிக்கும் போக்கு காணப்படுகிறது.

தாயிற்குப் பிறாவத மிருகங்களின் செயல்: திருவண்ணாமலை மாவட்டம் செங்கம் அருகே 22 வயதான இளம் பெண் குளிப்பதை ஒரு கும்பல் ரகசியமாக படம் பிடித்து வைத்துக் கொண்டு அதைக் காட்டி பலமுறை அவருடன் உல்லாசம் அனுபவித்து வந்துள்ளது[1]. ஒரு கட்டத்தில் இந்தக் கும்பலின் வெறிச்செயல் அதிகரிக்கவே அப்பெண் தற்கொலை செய்து கொண்டார். தற்கொலைக்கு முன்பு அவர் எழுதி வைத்த கடிதத்தில் யாரெல்லாம் தன்னை நாசப்படுத்தினார்கள் என்பதையும் விரிவாக எழுதி வைத்திருந்ததால் அதன் உதவியோடு 3 பேரை கைது செய்துள்ளனர் போலீஸார்[2].

மோக நோய், புற்று நோயானது: செங்கம் அருகே உள்ளது மண்மலை கிராமம். இக்கிராமத்தைச் சேர்ந்த 22 வயது ஆனந்தி பாலிடெக்னிக்கில் படித்து வந்தார். கடந்த 23ம் தேதி இவர் தனது வீட்டில் தூக்குப் போட்டுத் தற்கொலை செய்து கொண்டார். சாவதற்கு முன்பு ஒரு கடிதத்தை அவர் எழுதி வைத்திருந்தார். அதைக் கைப்பற்றிய போலீஸார் அதைப் படித்துப் பார்த்தனர். அதில் ஆனந்தி அதிர்ச்சிகரமான தகவலைத் தெரிவித்திருந்தார். “நான் குளிக்கும்போது செல்போனில் வீடியோ எடுத்து வைத்துக்கொண்டு என்னை இதே ஊரில் உள்ள வினோத்குமார், ஜெகன் உள்பட சிலர் என்னை மிரட்டினர். என்னை தங்கள் இச்சைக்கு பயன்படுத்திக்கொண்டனர். தினமும்
ஒவ்வொருவராக வந்து என்னை பயன்படுத்திக்கொண்டனர். நாங்கள் சொல்லும்போதெல்லாம், எங்களுடன் வரவேண்டும். இல்லையேல் குளியல் வீடியோவை இன்டெர்நெட்டில் வெளியிடுவோம் என்று மிரட்டினார்கள். இதற்கு பயந்து அவர்கள் சொன்னதையெல்லாம் செய்தேன். ஆனால் தற்போது அதிகமாக தொந்தரவு செய்து வேறு சிலரையும் அழைத்து வந்து, அவர்களுடனும் இருக்குமாறு கட்டாயப்படுத்தினார்கள். இதனால் மனமுடைந்து தற்கொலை செய்து கொள்கிறேன். என் சாவுக்கு இந்த 3 பேரும்தான் காரணம். அவர்களுக்கு தண்டனை கிடைக்காவிட்டால் என் ஆத்மா சாந்தி அடையாது[3]”, என்று விரிவாக எழுதி வைத்திருந்தார். இதையடுத்து விசாரணையில் குதித்த போலீஸார் 3 பேரைக் கைது செய்துள்ளனர். மற்றவர்களையும் பிடிக்க நடவடிக்கை எடுத்துள்ளனர்.

படமெடுத்த மாமம் மகனும், கூட்டிக் கெடுத்த மாணவர்களும்: மாணவர் எழில் மாணவி பிரியாவின் மாமா மகன். இதனால் அவர் அடிக்கடி மாணவி வீட்டுக்கு சென்று உள்ளார். அப்போதுதான் குளிப்பதை ரகசியமாக செல்போனில் படம் பிடித்து உள்ளார்[4]. இவர் நாச்சிப்பட்டில் உள்ள ஓம்சத்தி பாலிடெக்னிக் கல்லூரியில் 2-ம் ஆண்டு படித்து வந்தார்[5]. அதே ஊரை சேர்ந்த என்ஜினீயரிங் மாணவர் வினோத், பாலிடெக்னிக் மாணவர்கள் ஜெகன், எழில் ஆகிய 3 பேரும் மாணவி பிரியா குளியல் அறையில் குளிப்பதை ரகசியமாக செல்போனில் படம் பிடித்தனர்[6]. அந்த படத்தை மாணவியிடம் 3 பேரும் காட்டி கிண்டல் செய்தனர். இதனால் மாணவி கடும் அதிர்ச்சி அடைந்தார். செல்போனில் இருந்த படத்தை அழிக்கும்படி மன்றாடினார்[7]. ஆனால் 3 மாணவர்களும் மறுத்துவிட்டனர். இதுபற்றி யாரிடமும் சொல்லக்கூடாது என்று மிரட்டினார்கள்[8]. இதனால் அவமானம் அடைந்த மாணவி வீட்டில் யாரும் இல்லாதபோது சமையல் அறையில் மின் விசிறியில் தூக்குபோட்டு தொங்கினார். சிறிது நேரத்தில் அவர் பரிதாபமாக இறந்தார். இதைப்பார்த்து பெற்றோர் அதிர்ச்சி அடைந்து கதறி துடித்தனர். செங்கம் போலீசார் மாணவி உடலை மீட்டு ஆஸ்பத்திரிக்கு அனுப்பி வைத்தனர்.

யார் அந்த மற்றவர்கள்?: மற்ற மிருகங்களையும் பிடித்து தண்டிக்க வேண்டும். தமிழகத்தில், தமிழச்சியின் கற்பு என்றெல்லாம் பெருமை பேசப் படுகிறது. கண்ணகி சிலை வைத்துக் கொண்டும், தமிழ் வியாபாரம் செய்துள்ளனர். ஆனால், கற்பில் நம்பிக்கையில்லாத குஷ்புதான், அந்த கட்சியில் ஐக்கியம் ஆகியுள்ளார். இப்பொழுது, இதைப் பற்றியெல்லாம், பேசவாரா அல்லது போராடுவாரா? தெரியவில்லை. ஒருவேளை, ஆதாயம் உண்டு என்றால் ஆரம்பித்து விடுவார். அந்த மற்றவர்களைக் கண்டு பிடிப்பாரா என்று பார்ப்போம்!

  • தமிழச்சிகள் தான் இப்படி பதபதக்கக் கற்பழித்து சாககடிக்கப் படுகிறார்கள் என்றால், இந்த தமிழர்களுக்கு எங்கு புத்தி போயிற்று?
  • திராவிட பாரம்பரியம், இப்படித்தான் பெண்களை நடத்தச் சொல்கிறதா?
  • திராவிட கலாச்சாரம் இப்படித்தான் பெண்களை கற்பழிக்கச் சொல்கிறதா?
  • திராவிட நாகரிகம் இப்படித்தான் நீதி புகட்டியுள்ளதா?
  • திரவிடத்துவம் இப்படித்தன் பெண்மையை மதிக்கிறதா?

 

 


[1] இது பத்திரிக்கையாளரின் வக்கிரத்தைக் காட்டுகிறது. இளம்பெண் அந்த அளவில் கொடுமைப் படுத்தப் பட்டாள். மிரட்டி மானபங்கம் செய்யப் பட்டாள் என்றேழுதாமல், இப்படி எழுதுவது என்னவோ?

[6] செல்போனின் கெடுதல்கள், சீரழிவுகள் இவ்வாறு கூட வேலை செய்கின்றன. மாணவர்களுக்கு செல்போன்கள் வாங்கிக் கொடுப்பதால் நேரும் விளைவுகள் இவை என்றும் எண்ண வேண்டியுள்ளது.

[7] நடந்ததை பெரியவர்களிடம் சொல்லாமல் இருந்ததே, இப்பெண்ணின் உயிருக்கு உலை வைத்தது மாதிரி ஆகிவிட்டது.

[8] இவையெல்லாம் சீரழிந்த மாணவப் பருவம், வக்கிரமடைந்த மனங்கள் முதலியவற்றைக் காட்டுகின்றது. இதற்கெல்லாம் காரணம், மேனாட்டு கலாச்சாரத் தாக்குதல், சீரழிவுகள். பப், கேளிக்கை விடுதிகள் முதலியவற்றை எதிர்த்தால் அவர்களை கேலி செயவது, பழங்காலப் பஞ்சாங்கம் என்பது, ஊடகங்களும் அதற்கு ஒத்து ஊதுவது முதலியவற்றையும் இங்கு கவனித்தில் கொள்ள வேண்டும்.