Posts Tagged ‘மந்திரம்’

திராவிடத் திருநாட்டில் பேய்களும், பேயோட்டுபவர்களும் அதிகமாகி வருவது ஏன்? – பகுத்தறிவு, பெரியாரிஸம் குறைகின்றனவா, அதிகமாகின்றனவா?

நவம்பர்22, 2016

திராவிடத் திருநாட்டில் பேய்களும், பேயோட்டுபவர்களும் அதிகமாகி வருவது ஏன்? பகுத்தறிவு, பெரியாரிஸம் குறைகின்றனவா, அதிகமாகின்றனவா?

breastfeed-fatwa-for-women

இஸ்லாமும், முலைப்பால் கொடுத்தலும்: இஸ்லாத்தைப் பொறுத்த வரையில், பல விசயங்களுக்கு, பல நாடுகளில், பல முல்லா / காஜிக்கள் பலவிதமான பத்வாக்கள் / மத ஆணைகள் கொடுத்திருக்கிறார்கள். இதனால், பழக்க-வழக்கங்களைப் பின்பற்றுவதில், வேறுபாடுகள் காணப்படுகின்றன. அரேபிய நாடுகளில், ஒரு முல்லா / அல் ஹஸார் பல்கலைக்கழகத்தின் ஹதீஸ் துறையின் தலைவர் ஆண் வேலையாட்களுக்கு, பெண் வேலையாட்கள் முலைப்பால் ஊட்ட வேண்டும், அப்படி செய்தால், அவர்கள் நன்றாக வேலை செய்வார்கள், உறவுமுறை நன்றாக இருக்கும் என்றெல்லாம் விளக்கம் கொடுத்து, பத்வா போட்டார். இவ்விசயத்தில் கூட, குழந்தை பிறந்தததும், தாயே தொழுகை கூறி, முலைப்பால் ஊட்டலாம் என்றுள்ளது. ஆனால், அப்பெண்ணின் கணவன் அதனை தவறாகப் புரிந்து கொண்டு, இவ்வாறு நடந்து கொண்டதால் சர்ச்சை உண்டாகியுள்ளது.

women-met-magician-alone

குறி கேட்க சென்றவர்களிடம் பூஜை செய்ய வேண்டும் என்று சொன்ன மந்திரவாதி: தூத்துக்குடி மாவட்டம் ஏரல் அருகேயுள்ள வாழவல்லானைச் சேர்ந்தவர் திருமால். இவரது மனைவி தனலட்சுமி (42). தனலட்சுமி தனது 2 மகன்களின் வேலை தொடர்பாக முத்துகிருஷ்ணாபுரம் கருப்பசாமி கோயில் பூசாரியான மந்திரவாதி சோமசுந்தரத்திடம் குறி கேட்க சென்றுள்ளார். இக்காலத்தில் பி.இ / பி.டெக் படித்தவர்களுக்கே வேலை கிடைக்காத நிலையுள்ளது. நன்றாக படித்து, தேரியவர்கள், துறைப்பற்றிய விவரங்கள் அறிந்தவர்களுக்கு வேலை கிடைத்து விடுகிறது. ஆனால், மற்றவர்கள் பரிதாபகரமாக உள்ளது. இந்நிலையில், குறி கேட்க சென்ற போது, தொடர்ந்து பூஜை செய்ய வேண்டும் என அவர் கூறியுள்ளார். இதனால், தனலட்சுமி கணவரிடம் திருச்செந்தூர் கோயிலுக்கு சாமி கும்பிட செல்வதாக கூறி விட்டு அடிக்கடி அவரை தனலட்சுமி சந்தித்துள்ளார். மேலும், மந்திரவாதி சோமசுந்தரம் பூஜை செய்ய தேவைப்படுவதாகக் கூறி தனலட்சுமியிடம் இருந்து தாலி செயின் உள்ளிட்ட நகைகள், பணத்தை உள்ளிட்டவற்றை வாங்கியுள்ளார்.

women-met-magician-alone-got-murderedகொடுத்த நகைகளைத் திருப்பிக் கேட்டதால் கொலை செய்த மந்திரவாதி: தொடர்ந்து தன்னிடம் நகை, பொருட்களை பிடுங்குவதை அறிந்துகொண்ட தனலட்சுமி கொடுத்தவற்றை திரும்ப கேட்டுள்ளார். இதனையடுத்து 2014ஆம் ஆண்டு அக்டோபர் மாதம் பணம், நகையை கேட்டு தனலட்சுமி தகராறு செய்யவே அவரை, கோயிலுக்கு வரவழைத்து கயிற்றால் கழுத்தை நெரித்து கொலை செய்ய முயன்றுள்ளார். அவரது கொலை முயற்சியில் இருந்து அவர் தப்பி தோட்டத்துக்குள் ஓடயுள்ளார். அப்போது, தைக்காவூரைச் சேர்ந்த மற்றொரு மந்திரவாதி அருள்குமாருடன் சேர்ந்து தலையில் உருட்டுக் கட்டையால் அடித்துக் கொன்று தோட்டத்தில் புதைத்துள்ளனர். தனது மனைவி மாயமானதை அடுத்து அவரது கணவர் திருமால் கொடுத்த புகாரின் பேரில் காவல் துறையினர் வழக்குப் பதிவு செய்து குற்றவாளிகளை தேடி வந்தனர். 2 வருடமாக காவல் துறையினருக்கு தண்ணீர் காட்டிவந்த சோமசுந்தரம் 17-10-2016 அன்று இரவு சிக்கினார். அவரை காவல் துறையினர் கைது செய்துள்ளனர்.

tiruchenthur-murder-by-two-exorcists-october-2016

சர்ப்பதோஷம் போக்க பூஜை என்று நாடகமாடி, நகை பறிக்க முயன்ற மந்திரவாதி[1]: சென்னை தாம்பரத்தை அடுத்த பழைய பெருங்களத்தூர், சிவசண்முகம் தெருவை சேர்ந்தவர் சிவநேசன். இவரது மனைவி காளீஸ்வரி (வயது 33). இவர்களது குடும்பத்தில் பல பிரச்சினைகள் இருந்து வருகின்றன. இவ்விசயம் அக்கம்-பக்கத்தாருக்கும் தெரிந்திருக்கிறது. அந்நிலையில், இவர்களது குடும்பத்தில் கடுமையான சர்ப்பதோஷம் இருப்பதாகவும், அதற்கு பரிகார பூஜை செய்தால் சரியாகிவிடும் எனவும் 19-10-2016 அன்று காலை அவரது வீட்டிற்கு மந்திரவாதி போல் உடை அணிந்து வந்த 2 வாலிபர்கள் கூறினர். இதை நம்பிய காளீஸ்வரி அவர்களை வீட்டுக்குள் அழைத்து சென்றார். அவர்கள் 2 பேரும் பூஜை செய்வது போல் நடித்தனர். பின்னர் காளீஸ்வரி அணிந்திருந்த தங்க நகைகளை கழற்றி, ஒரு துணியில் வைத்து கட்டி பூஜை அறையில் வைக்கும்படி தெரிவித்தனர். அவரும் நகைகளை கழற்றி வைத்தார். இதற்கிடையே காளீஸ்வரி நகைகள் வைத்திருந்த துணியை பிரித்து பார்த்தபோது, அதில் வைக்கப்பட்டிருந்த நகைகள் காணாமல் போனது தெரியவந்தது.

periyar-spirit-does-not-come

நகைகள் காணாத போனதால், மந்திரவாதிகளைப் பிடுத்து போலீசிடம் ஒப்படைத்தது:  இதனால் அதிர்ச்சி அடைந்த அவர் சத்தம் போட்டு அக்கம்பக்கத்தினரை அழைத்தார். இந்த நிலையில், அந்த வாலிபர்கள் 2 பேரும் அங்கிருந்து தப்பி ஓட முயற்சித்தனர். அவர்களை அக்கம்பக்கத்தினர் பிடித்து தர்ம அடி கொடுத்து பீர்க்கன்காரணை போலீஸ் நிலையத்தில் ஒப்படைத்தனர்[2]. போலீசார் நடத்திய விசாரணையில், அவர்கள் இருவரும் வேலூர் மாவட்டத்தை சேர்ந்த ரமேஷ் (19), செல்வகுமார் (19) என்பதும், சென்னை நகரின் பல்வேறு இடங்களில் தோஷம் கழிப்பதாக கூறி நகைகளை கொள்ளையடித்து வந்ததும் தெரியவந்தது. இதுகுறித்து பீர்க்கன்காரனை போலீசார் வழக்குப்பதிவு செய்து, அவர்கள் 2 பேரையும் கைது செய்து விசாரித்து வருகின்றனர். இங்கும், சர்ப்பதோசம் இருக்கிறது என்றால் எப்படி பெண்கள் நம்பலாம், உடனே தெரியாதவர்களிடம் நகைகள் கொடுத்து, பூஜைக்கு ஒப்புக் கொள்ளலாம் என்பதெல்லாம் ஆச்சரியமாகத்தான் உள்ளது. இப்படியாக, திராவிட நல்திருநாட்டில், பேயோட்டுபவர்கள், பகுத்தறிவுவாதிகளை ஏமாற்றியுள்ளதும் விசித்திரமாக இருக்கிறது.

dravidian-devil-sorcery-exorcism

திராவிட நல்திருநாட்டில் பேய்களும், பேயோட்டுபவர்களும் அதிகமாகி வருவதும் வேடிக்கையாக இருக்கிறது: பகுத்தறிவு பெரியாரிஸத்தில் ஆத்மா இல்லை, என்று பெரியார் காலத்திலிருந்து ஒப்புக் கொள்ளப்பட்ட சித்தாந்தமாக இருந்து வருகிறது. மனிதனுக்கு உயிர் உள்ளது, இறக்கிறான் என்பதெல்லாம் ஒப்புக் கொள்கிறார்கள், ஆனால், மறுபிறப்பு முதலியவற்றில் நம்பிக்கை இல்லை. இருப்பினும், வருடா வருடம், பெரியார், மணியம்மை சமாதிகளுக்குச் சென்று மாலைபோட்டு, மலர் தூவி, விளக்கு வைத்து,……..மரியாதை செல்லுத்தி விட்டு வருகிறார்கள். ஆனால், பேய்-பிசாசு உண்டு என்று ஊடகங்கள் வழியாக பிரச்சாரம் செய்பவர்களை அவர்கள் கண்டுகொள்வதில்லை. இன்னும் சொல்லப் போனால், அவ்வூடகங்களுக்கு சொந்தக்காரர்களாக, பெரும்பாலும் அவர்கள் இருக்கிறார்கள். ஏலும், சமீபத்தில் டிவி-சீரியல்கள் முதல் திரைப்படங்கள் வரை, பேய்-பிசாசு படங்கள் சமீபத்தில் தான் அதிகமாக இருக்கின்றன. அதன் பாதிப்பில் தான் பெண்கள், மேற்குறிப்பிட்டபடி  காரியங்களில் அறிந்தோ அறியாமலோ ஈடுபட்டு, பிரசினைகளில் சிக்கியுள்ளார்கள். அதனால், திராவிட நல்திருநாட்டில் பேய்களும், பேயோட்டுபவர்களும் அதிகமாகி வருவதும் வேடிக்கையாக இருக்கிறது.

 

© வேதபிரகாஷ்

22-11-2016

periyar-atm-spirit-negative

[1] தினத்தந்தி, பெருங்களத்தூரில் மந்திரவாதி போல நடித்து நகை திருட முயற்சி 2 வாலிபர்கள் , பதிவு செய்த நாள்: புதன், அக்டோபர் 19,2016, 12:43 AM IST; மாற்றம் செய்த நாள்: புதன், அக்டோபர் 19,2016, 4:45 AM IST.

[2]http://www.dailythanthi.com/News/Districts/Chennai/2016/10/19004312/Pretending-to-be-a-magician2-men-arrested-for-trying.vpf

 

பகுத்தறிவு பெரியாரிஸத்தில் ஆத்மா இல்லை, ஆனால், பேய்-பிசாசு உண்டு: திராவிட நல்திருநாட்டி

நவம்பர்22, 2016

பகுத்தறிவு பெரியாரிஸத்தில் ஆத்மா இல்லை, ஆனால், பேய்பிசாசு உண்டுதிராவிட நல்திருநாட்டில் பேய்களும், பேயோட்டுபவர்களும்!

puzhal-excorcist-magician-dm-22-11-2016

திராவிட சித்தாந்திகளும், செக்யூலரிஸ பேய்களும்: சமீபத்தில் நடந்துள்ள “மந்திரவாதிகள்” சம்பந்தப்பட்ட விவகாரங்கள் திடுக்கிட வைப்பதாகவும், கவலையாகவும் இருக்கின்றன. 60 ஆண்டுகளாக நாத்திகம் போதித்து, கடவுள் நம்பிக்கையை சீரழித்து, பெரியார்-அறிஞர்-கலைஞர்-பேராசியர் போன்றோர் “திராவிடர்களை” பகுத்தறிவோடு “முட்டாள்கள்” ஆக்கியிருக்கின்றனர். ஆனால், அதே நேரத்தில் “பேய் கதைகள்” எழுதி, “பேய் சினிமாக்கள்” எடுத்து, மற்றொரு “ஞானத்தையும்” வளர்த்துள்ளனர். இது “விட்டலாச்சார்யா” பாணியை விடுத்து, பெரியாரிஸ-ஹாரி பாட்டர் முறையில் சென்றாதால், பகுத்தறிவு-நம்பிக்கையாளர்கள், மாற்று வழிகளில் பின்பற்ற ஆரம்பித்து விட்டனர் போலும். ஆமாம், “ஆத்மா” இல்லையென்று சொல்லி “பேய்-பிசாசுகளில்” நம்பிக்கை வந்து விட்டது. “அம்மனோ சாமியோ, அத்தையோ மாமியோ கம்பனூர் நீலியோ கல்யாண தேவியோ..?” பாணியில் சினிமாவில் பேயோட்டியது 1960களில். இன்றோ, “எக்ஸார்ஸிட்”, “ஓமன்” ரேஞ்சுகளை மீறி விட்டார்கள். பேய் என்றாலே பாதிரி-சிலுவைகள் தான் வரவேண்டும். பேய்களும் மாறிவிட்டன, அதாவது, மதம் மாற்றப்பட்டு விட்டன. செக்யூலரிஸ இந்தியாவில், இனி பேய்களுக்குக் கூட மதம் பார்க்க வேண்டும் போலிருக்கிறது. இனி சில நிகழ்ச்சிகளைப் பார்ப்போம்-அலசுவோம்.

puzhal-magician-exorcist-22-11-2016

பேய் விரட்டுவதாக இளம் பெண்ணுக்குசூடு! பாலியல் தொல்லை: மந்திரவாதி ஓட்டம்[1]: பேய் விரட்டுவதாக கூறி, பெண்ணுக்கு பாலியல் தொல்லை கொடுத்து, அதற்கு எதிர்ப்பு தெரிவித்ததால், அந்த பெண்ணின் உடலில் சூடு போட்ட, போலி மந்திரவாதி உட்பட இருவரை, போலீசார் தேடுகின்றனர். பாவம், பேயெல்லாம் கிடைக்கிறது, பார்க்கிறார்கள், பேசுகிறார்கள் ஆனால், பேயோட்டுகிறவர்களை தேட வேண்டியிருக்கிறது. சென்னை, புழல் பகுதியைச் சேர்ந்தவர் விஜயகுமார், 36; தொழிலாளி. இவரது மனைவி, ராஜேஸ்வரி, 30. இவர்களுக்கு, இரு மகன்கள் உள்ளனர். ராஜேஸ்வரி, மன அழுத்தம் காரணமாக, கடந்த சில வாரங்களாக உடல்நலம் பாதிக்கப்பட்டிருந்தார். ஆனால், மருத்துவரிடம் செல்ல வேண்டு என்று தெரியவில்லை போலும். தன் மனைவிக்கு பேய் பிடித்திருக்கிறது என நினைத்த விஜயகுமார், அதே பகுதியைச் சேர்ந்த, மந்திரவாதி சந்திரன் என்பவனின் உதவியை நாடியுள்ளார். அதற்கு அவர், ’50 ஆயிரம் ரூபாய் செலவாகும். 48 நாட்களில் உன் மனைவி குணமாகிவிடுவார்’ என, நம்பிக்கை அளித்திருக்கிறான். அதற்கு முன்பணமாக, 5,000 ரூபாயும் பெற்றுள்ளான்.

puzhal-magician-exorcist-22-11-2016-dm-cutting

மந்திராவாதி மனைவியை உள்ளே அழைத்துச் சென்றானாம், கணவன் வெளியே நின்றானாம்: 20-11-2016 ஞாயிற்றுக்கிழமை அன்று, விஜயகுமார், தன் மனைவியை, சந்திரன் வீட்டிற்கு அழைத்துச் சென்றுள்ளார். ‘ராஜேஸ்வரியை பிடித்துள்ள பேயை விரட்ட, சிறப்பு பூஜை செய்ய போகிறேன்’ எனக் கூறி, அப்பெண்ணை அழைத்துக்கொண்டு, சந்திரன் உள்ளே சென்றுள்ளார். அவனது உதவியாளன் நவீன், வீட்டிற்குள் இருந்தான். விஜயகுமார், வீட்டின் வெளியே நின்றிருந்தார். என்னடா இது, இப்படி செய்கிறார்களே என்று யோசித்திருக்க வேண்டாமோ? இந்த சந்தர்ப்பத்தை பயன்படுத்தி, போலி மந்திரவாதி சந்திரனும், நவீனும், அந்த பெண்ணுக்கு பாலியல் தொல்லை கொடுக்க முயன்று உள்ளனர். அதற்கு, ராஜேஸ்வரி எதிர்ப்பு தெரிவித்துள்ளார். இதனால், ஆத்திரமடைந்த இருவரும், ராஜேஸ்வரியின் உடலில் சூடு போட்டுள்ளனர்[2]. அலறி துடித்த அவர், வெளியில் ஓடி வந்து, கணவனிடம், மந்திரவாதியின் அட்டகாசம் பற்றி கூறியிருக்கிறார்.

puzhal-magician-22-11-2016

பேயோட்ட வந்தவன் ஓடிவிட போலீஸார் தேடுகிறார்களாம்: பேயோட்டுகிறேன் என்று பாலியல் தொல்லை கொடுத்ததை அறிந்து, அதிர்ச்சி அடைந்த விஜய குமார் மற்றும் அக்கம்பக்கத்தில் இருந்தோர், அவர்களை பிடிக்க முயன்றனர். ஆனால், விசயம் அறிந்த, போலி மந்திரவாதியும், அவனது உதவியாளனும் தப்பி ஓடிவிட்டனர். அருத்தம் அடைந்த விஜய குமார் போலீஸாரிடம் புகார் கொடுத்தார். இது குறித்து, புழல் போலீசார் விசாரித்து வருகின்றனர். ஆக, பேயை மந்திரவாதி விட்டு ஓடிவிட, போலீஸார் அவனை தேடுவது, நல்ல தமாஷுதான்! இனி திராவிடத்தின் கேரளதேசத்தில் நடந்ததைப் பார்ப்போம்[3]. “தமிநாடு-கேரளா திராவிடப் பண்பாட்டு உறவுகள்” என்று திராவிடத்துவவாதிகள் இன்றும் எழுதி வருகிறார்கள்[4]. கேரளாவில் மந்திரம்-சூனியம்-பேயோட்டுதல்-ஆரூடம்-பிரசன்னம் முதலியவற்றை பார்ப்பதில், செய்வதில் நிறைய பேர் இருப்பதாகத் தெரிகிறது. குறிப்பாக, முஸ்லிம்கள் இவற்றில் ஈடுபட்டுள்ளதும் வியப்பான விசயம் தான்.

kerala-man-allegedly-stopped-wife-from-breastfeeding-baby-until-prayers

மந்திரவாதி சொன்னதால், பிறந்த குழந்தைக்கு பால் கொடுக்க தடுத்த கணவன்தப்பாமல் கேட்ட மனைவி[5]: கேரள மாநிலம் கோழிக்கோடு அருகே உள்ள முக்கம் பகுதியைச் சேர்ந்தவர் அபுபக்கர் (28). இவரது மனைவி ஹப்சத் (21). கர்ப்பிணியான ஹப்சத்தை பிரசவத்திற்காக முக்கத்தில் உள்ள இ.எம்.எஸ் மருத்துவமனையில் அனுமதித்தனர். 04-11-2016 காலை அவருக்கு அழகான ஆண் குழந்தை பிறந்தது. குழந்தைக்கு உடனடியாக தாய்ப்பால் கொடுக்கும் படி மருத்துவர்கள் அறிவுறுத்தியுள்ளனர். ஆனால், இஸ்லாமிய மத குருவின் அறிவுரைப்படி, மசூதியிலிருந்து 5 முறை தொழுகைக்கான அழைப்புச் சத்தம் கேட்காதவரை குழந்தைக்கு தாய்ப்பால் கொடுக்கக் கூடாது என்று மனைவியிடம் அபுபக்கர் கூறியுள்ளார்[6]. அதை ஏற்று, பெற்ற குழந்தைக்கு தாயும் பால் கொடுக்க மறுத்துவிட்டார். மருத்துவர்கள் எவ்வளவோ எடுத்துக் கூறியும் தாய்ப்பால் கொடுக்க அபுபக்கர் எதிர்ப்பு தெரிவித்ததுடன் குழந்தைக்கு ஏதாவது ஆனால் கூட தான் பொறுப்பேற்பதாக உறுதியளித்து, தனது மனைவி மற்றும் குழந்தையை மருத்துவமனையிலிருந்து கட்டாய டிஸ்சார்ஜ் பெற்று அழைத்துச் சென்றுவிட்டார்[7].

female-workers-breast-feed-male-workers-for-good-workவிசாரணையில், தம்மை தலாக் செய்துவிடுவதாக கணவர் மிரட்டியதாலேயே குழந்தைக்கு தாய்ப்பால் கொடுக்க மறுத்ததாக தெரிவித்த மனைவி: இருப்பினும் மருத்துவமனை பிரச்சினை வரக்கூடாது என்று போலீஸாரிடம் புகார் கொடுத்தது. இதுகுறித்து அளிக்கப்பட்ட புகாரை அடுத்து, உரிய விசாரணை நடத்த கோழிக்கோடு மாவட்ட ஆட்சியர் பிரசாந்த், தாமரச்சேரி டிஎஸ்பிக்கு உத்தரவிட்டார்.  இதையடுத்து பிறந்த குழந்தையின் உரிமையான தாய்ப்பாலை கொடுக்க மறுத்ததாக தாய் ஹப்சத், தந்தை அபுபக்கர் மீது சிறார் நீதிச்சட்டப்படி வழக்குப்பதிவு செய்தனர் போலீஸார்[8]. இந்நிலையில், குழந்தையின் தந்தை அபுபக்கரிடம் போலீஸார் விசாரணை நடத்தியதில், அப்பகுதியை சேர்ந்த ஐதூருஸ் என்ற மந்திரவாதி கூறியதால்தான், குழந்தைக்கு தாய்ப்பால் கொடுக்கவிடாமல் தடுத்ததாக தெரிவித்துள்ளார்[9]. இதையடுத்து முக்கம் போலீஸார் அபுபக்கர் மற்றும் மந்திரவாதி ஐதூருஸை கைது செய்தனர்[10]. முன்னதாக, இந்த விவகாரத்தில் குழந்தையின் தாயிடம் காவல்துறையினர் நடத்திய விசாரணையில், தம்மை தலாக் செய்‌துவிடுவதாக கணவர் மிரட்டியதாலேயே குழந்தைக்கு தாய்ப்பால் கொடுக்க மறுத்ததாக தெரிவித்துள்ளார்.

© வேதபிரகாஷ்

22-11-2016

islamic-breast-feed-fatwa-and-practice

[1] தினமலர், பேய் விரட்டுவதாக இளம் பெண்ணுக்குசூடு! பாலியல் தொல்லை: மந்திரவாதி ஓட்டம்!, பதிவு செய்த நாள். நவம்பர்.21, 2016. 21.26.

[2] http://www.dinamalar.com/news_detail.asp?id=1653780

[3]  அ. கருணானந்தம், தமிழ்நாடுகேரளா திராவிடப் பண்பாட்டு உறவுகள், விடுதலை ஞாயிறு மலர், பக்கம்.2, 19-11-2016.

[4] http://viduthalai.in/page2.html

[5] தினகரன், குழந்தைக்கு தாய்ப்பாலை தடுத்த தந்தை, மந்திரவாதி கைது, Date: 2016-11-06@ 01:09:59.

[6] http://www.dinakaran.com/News_Detail.asp?Nid=256848

[7] தினமணி, பிறந்த குழந்தைக்கு தாய்ப்பால் கொடுக்க தடுத்த தந்தை மீது வழக்கு!, By DIN  |   Published on : 06th November 2016 10:09 AM.

[8] http://www.dinamani.com/latest-news/2016/nov/06/%E0%AE%AA%E0%AE%BF%E0%AE%B1%E0%AE%A8%E0%AF%8D%E0%AE%A4-%E0%AE%95%E0%AF%81%E0%AE%B4%E0%AE%A8%E0%AF%8D%E0%AE%A4%E0%AF%88%E0%AE%95%E0%AF%8D%E0%AE%95%E0%AF%81-%E0%AE%A4%E0%AE%BE%E0%AE%AF%E0%AF%8D%E0%AE%AA%E0%AF%8D%E0%AE%AA%E0%AE%BE%E0%AE%B2%E0%AF%8D-%E0%AE%95%E0%AF%86%E0%AE%BE%E0%AE%9F%E0%AF%81%E0%AE%95%E0%AF%8D%E0%AE%95-%E0%AE%A4%E0%AE%9F%E0%AF%81%E0%AE%A4%E0%AF%8D%E0%AE%A4-%E0%AE%A4%E0%AE%A8%E0%AF%8D%E0%AE%A4%E0%AF%88-%E0%AE%AE%E0%AF%80%E0%AE%A4%E0%AF%81-%E0%AE%B5%E0%AE%B4%E0%AE%95%E0%AF%8D%E0%AE%95%E0%AF%81-2593625.html

[9] தமிழ்.வெப்துனியா, பூஜை செய்வதாக கூறி பெண்ணை ஏமாற்றி கொலை செய்த மந்திரவாதி, Last Modified: செவ்வாய், 25 அக்டோபர் 2016 (14:22 IST).

[10] http://tamil.webdunia.com/article/regional-tamil-news/sorcerer-cheating-and-murder-of-woman-116102500026_1.html

 

சட்டப்படி நடவடிக்கைகள் எடுக்கப்படும் போது, தூஷண பிரச்சாரம், அவதூறு சித்தரிப்புகள், கேவலமான விமர்சனங்கள் ஏன்? (ஆசாராம் பாபு பிரச்சினை தொடர்கிறது)

ஓகஸ்ட்31, 2013

சட்டப்படி நடவடிக்கைகள் எடுக்கப்படும் போது, தூஷண பிரச்சாரம், அவதூறு சித்தரிப்புகள், கேவலமான விமர்சனங்கள் ஏன்? (ஆசாராம் பாபு பிரச்சினை தொடர்கிறது)

 

செய்தியாளர்களை சந்தித்த சாமியார் ஆசாராம்  கூறியதாவது: 29-08-2013 அன்று ஊடகக் காரர்களிடம் பேசும் போது[1], ஆசாரம் பாபுவும், “என் மீது வேண்டுமென்றே பழி சுமத்தப் படுகிறது. இத்தகைய பிரச்சாரங்கள் கடந்த நான்கரை ஆண்டுகளாக நடந்து வருகின்றன[2]. அஹமதாபாதில் இரண்டு குழந்தைகளை பலிகொடுத்தே என்று கூட பிரச்சாரம் செய்யப்பட்டது[3]. குறிப்பாக ஊடகங்களில் அத்தகைய பொய்-பிரசாரம் நடந்து வருகிறது. ஆனால், எதுவும் நடக்கவில்லை. இது அரசியல் சதியாகும். நான் குற்றவாளி என்று யாராவது நிரூபித்தால் ரூ.5 லட்சம் பரிசு கொடுப்பேன்[4]. இவ்விசயத்திலும், அவளது தந்தை என்னிடத்தில் தீட்சைப் பெற்றுள்ளார். அதனால், அவள் எனக்கு மகள் போலாவாள். பிறகு எப்படி பலாத்காரம் நடக்கும். அந்த சிறுமி யாரின் தூண்டுதலின் மீதாகத்தான் புகார் கொடுத்துள்ளாள்”, என்றும் அறிவித்துள்ளார்[5]. தொடர்ந்து, “என்னை கைது செய்து சிறைக்கு அனுப்பினால், நான் உண்ணாவிரதம் இருப்பேன். சிறை உணவை நான் தொட மாட்டேன். என்னை கொல்லும் சதித்திட்டத்தின் ஒரு அங்கமாக, சிறை உணவு இருக்கும் என, நான் கருதுகிறேன். எனக்கு எந்த கட்சியினரும் ஆதரவாக இல்லை. என்னை காப்பாற்ற யாரும்முயற்சிக்கவில்லை”, இவ்வாறு, சாமியார் ஆசாராம் கூறினார்.

 

குற்றச்சாட்டை மறுக்கும் காங்கிரஸ்: காங்கிரஸை மறைமுகமாக குற்றம் சாட்டியதால்[6], இதை, காங்கிரஸ் மறுத்துள்ளது. முகமது ஷகீல் ஆசாராம் இதற்காக மன்னிப்புக் கேட்க வேண்டும் என்று சொல்லியுள்ளார். ரேணுகா சௌத்ரியோ, காங்கிரஸுக்கு என்ன வேறு வேலையில்லையா என்று பொரிந்து தள்ளியுள்ளார். இதற்கிடையே ஆசாராம் மீதான பாலியல் பலாத்கார வழக்கை சுப்ரீம் கோர்ட் மேற்பார்வையில், சி.பி.ஐ., விசாரிக்க வேண்டும் என, சுப்ரீம் கோர்ட்டில் பொதுநல மனு தாக்கல் சென்னையிலிருந்து செய்யப்பட்டு உள்ளது. உண்மையிலேயே, இந்த சென்னைக்காரருக்கு அதிக “உஷார்தனம்” இருக்கிறது போலும்! தமிழகத்திலேயே ஏகப்பட்ட பாலியல் சட்டமீறல்கள், அசிங்கங்கள், ஆபாசங்கள் செய்திகளாக, புகைப்படங்களுடன் வந்து கொண்டிருக்கின்றன. ஆனால், அதையெல்லாம் விடுத்து, ராஜஸ்தானில் நடந்த விவகாரத்தில் மனு போட்டுள்ளார். பாராட்ட வேண்டிய விஷயம் தான். சேலையூரில் ஒரு பாதிரி தன்னை பலாத்காரம் செய்துள்ளார் என்றும் போலீஷ் கமிசனரிடம் இரண்டு நாட்கள் முன்னர் புகார் கொடுத்துள்ளார். அதையும் இவர் கவனித்தால் நல்லது!

 

பிஜேபியின் நிலைப்பாடு: பிஜேபி இனிமேல் அந்த சாமியாரை ஆதரித்து எதுவும் பேசவேண்டாம் என்று வலியுருத்தப்பட்டுள்ளது. முன்னர் உமா பாரதி மற்றும் பிரபாத் ஜா என்ற பிஜேபி தலைவர்கள் அவரை ஆதரித்துப் பேசியுள்ளனர்[7]. உமா பாரதி, “ஆசாராம் பாபு குற்றமற்றவர், அவர் சோனியா, ராகுல் முதலியோரை தொடர்ந்து விமர்சித்து வருவதால்தான், அவர் மீது இத்தகைய புகார் கொடுக்கப்பட்டு, நடவடிக்கை எடுக்கப்படுகிறது. இது ஒரு அரசியல் சதியாகும்”, என்றும் டுவிட்டரில் தெரிவித்திருந்தார்[8]. “குருக்கள், சாமியார்கள் எல்லோரும் ஓழுக்கமாக இருக்க வேண்டும். ஏனெனில் அவர்களது நடத்தை சமூகத்தைப் பாதிக்கிறது”, என்று மோடி கூறியிருக்கிறார். குஜராத்தில் இந்த சாமியாருக்கு அதிக பக்தர்கள் என்பதால், காங்கிரஸ் மறைமுகமாக தொந்தரவு செய்யலாம் என்று தெரிகிறது. மத்தியபிரதேசத்தை ஏற்கெனவே மிரட்டி வருகிறது.

 

ஆசிரமத்தின் பெண் சமரசத்திற்கு வந்தார் – வரவில்லை: இதற்குள் ஆசிரமத்தைச் சேர்ந்த பூஜா பென் என்ற பெண் சீடை ஒருத்தி, சிறுமியின் தாயாரிடத்தில் வந்து, புகாரை வாபஸ் வாங்க்கிக் கொள்ள வேண்டிக் கொண்டதாக செய்திகள் வந்துள்ளன. ஆனால், ஆசிரமத்தை தொடர்பு கொண்டு விசாரித்தபோது, தமக்கு அவ்வாறு ஒன்றும் தெரியாது என்று சொல்லப்பட்டது[9]. அவர்களது வீட்டிற்கு போலீஸ் பாதுகாப்பு கொடுக்கப்பட்டுள்ளது. மகள் கூறியதாக, தந்தை கூறியது, “அவரது அறைக்குச் சென்றதும், அவர் சட்டையைக் கழட்டினார். தன்னைத் தொடச் சொன்னார். நான் மறுத்தேன். பிறகு அவர் என்னை தொட்டுப் பார்த்தார். அப்பொழுது சத்தம் போடாதே என்று மிரட்டினார்”, என்று அச்சிறுமி சொன்னதாக “இந்தியா டுடே” செய்தி வெளியிட்டுள்ளது[10]. இப்பொழுது பெற்றோர்கள், “வெளியே துப்பாக்கி ஏந்திய வீரர்கள் இருக்கிறார்கள், அவர்கள் உன்னை சுட்டுக் கொன்று விடுவார்கள்”, என்று மிரட்டியதாகக் கூறுகிறார்கள்[11].

 

போலீஸார்முரண் பாடாகக் கூறுவது: கற்பழிக்கவில்லை, அவ்வாறு முயற்சியும் செய்யவில்லை: தில்லி போலீஸார் தவறாக வழக்குப் பதிவு செய்துள்ளனர் என்று ஜோத்பூர் போலிஸ் கூறுகின்றது[12]. முன்பு, கிரிக்கெட் செக்ஸ்-சூதாட்டம் விசயத்தில் கூட தில்லி-மும்பை போலீஸார் இவ்வாறு முரண்பாடாக பேட்டிக்களை கொடுத்தன, ஊடகங்கள் செய்திகளை வெளியிட்டன. இப்பொழுது, ஆசாராம் பிரச்சினையிலிருந்து தப்பிப்பாரா என்று தெரியவில்லை[13]. இருப்பினும் ஊடகங்கள் “கற்பழிப்புப் புகார்” என்றுதான் தலைப்பிட்டு செய்திகளை அள்ளி வீசிக்கொண்டிருக்கின்றன. ஜோத்பூருக்கு வரவில்லை என்றால், நாங்கள் மத்தியபிரதேசத்திற்குச் ட்சென்று கைது செய்வோம், அங்கு சென்று விசாரணை செய்வோம் என்றெல்லாம் கூட போலீஸார் அறிக்கைகள் விட்டுக் கொண்டிருக்கிறார்கள். டுவிட்டரில் கூட போட்டதாக செய்திகள் வந்துள்ளன. இதெல்லாம், முன்பு தமிழக போலீஸார் கல்கி சாமியாரிடம் நடந்து கொண்டதை போலுள்ளது. அப்பொழுது கல்கி சாமியார் ஆந்திராவில் உள்ள ஆசிரமத்தில் உட்கார்ந்து கொண்டார். தமிழக போலீஸார் அங்கு சென்று கைது செய்வோம் என்று முனைந்தபோது, சந்திரபாபு நாயுடு தலையிட்டு தடுத்தார். அதாவது, எல்லைக்கள் சட்டக் கட்டுப்பாடுகளை மீறி அவ்வாறு செய்யும் பொழுது, சட்டங்களை மீறுவதாகிறது. ராஜஸ்தான் போலீஸார், அவ்வாறு செய்வதானால், அதற்கேற்ற முறையில் அனுமதி பெற்றுதான் செய்ய வேண்டியிருக்கும்.

 

இந்தியாடுடேவின் முரண்பட்ட செய்திகள்: “இந்தியா டுடே”வின் ஒரு செய்தியின் படி, மருத்துவ பரிசோதனை அவள் கற்பழிக்கப் பட்டாள் என்று காட்டவில்லை என்று ஒரு போலீஸ் அதிகாரி எடுத்துக் காட்டியுள்ளார், என்றுள்ளது. இன்னொரு செய்தியின் படி, அவள் கற்பழிக்கப் பட்டாள் என்றுள்ளது[14]. படிப்பவர்களுக்கு என்ன தெரிவிக்க வேண்டும் என்று அவர்களுக்குத் தெரியாமல் இல்லை. இருப்பினும், இப்படி குழப்பி வருவது ஏன் என்று தெரியவில்லை. “ஹெட்லைன்ஸ் டுடே” மற்றும் “இந்தியா டுடே” அளவிற்கு அதிகமாகவே, செய்திகளைத் தருகிறோம் என்பதைவிட, பிரச்சாரம் செய்கிறோம் என்பது போல வேலை செய்து கொண்டிருக்கின்றன. ஆசாராமின் வக்கீலைக் கூப்பிட்டு பேட்டி காண்பிக்கிறார்கள். அவர் கேட்கிறார், “வெறும் அபிடேவிட் (affidavit) மீது வைத்து தானே செய்திகளை போடுகிறீர்கள், குற்றச்சாட்டுகள் வைக்கப் படுகின்றன, ஆனால், இதுவரை எதையும் நிரூபிக்கப்படவில்லையே?”, என்று, ஆனால், ஊடக வல்லுனர்கள் திரும்ப-திரும்ப கேட்டதையே கேட்டுக் கொண்டிருந்தார்கள். அப்படியென்றால், தைரியமாக போலீசிடம் வந்து சரண்டர் ஆகவேண்டியதுதானா, ஏன் ஓடி ஒளிகிறார் என்று கேட்கின்றனர்.

 

ஹெட்லைன்ஸ் டுடே”  மற்றும்  “இந்தியா டுடே”  ஊடகங்களின்  பிரச்சாரம்: இந்தியாவில் எத்தனையோ புகார்கள் கொடுக்கப்படுகின்றன. உதாரணத்திற்கு சுப்பிரமணிய சுவாமி, முந்தைய மத்திய சட்ட அமைச்சர், சோனியாவின் மீது ஏகப்பட்ட புகார்கள் கொடுத்துள்ளார், வழக்குகள் பதிவு செய்யப்பட்டுள்ளன; ஆனால், எல்லாமே கிடப்பில் கிடக்கின்றன. யாரும் சோனியா ஏன் ஆஜராகவில்லை, போலீஸார் ஏன் அவரை கைது செய்யவில்லை என்று கேட்கவில்லை, கேட்பதில்லை. ஆனால், இந்த சாமியார் விசயத்தில் ஏன் இப்படி நடந்து கொள்கிறார்கள் என்று தான் வியப்பாக இருக்கிறது. “ஹெட்லைன்ஸ் டுடே” மற்றும் “இந்தியா டுடே” இப்பொழுதைய கிராபிக் வித்தையை, இந்திய சந்நியாசிகளை அவதுறாக சித்தரிக்கப் பயன்படுத்திக் கொண்டுள்ளது. அந்நிய ஊடககள் தாம், இந்திய-விரோதமாக அல்லது உந்திய சமூகத்தை கேவலப்படுத்த அவ்வாறு செய்கின்றன என்றால், இந்திய ஊடகங்களான இவையே அதிகமாக செய்துள்ளன. வழக்குகள் நடந்து கொண்டிருக்கும் போது, தீர்ப்புகள் வராத நிலையில், அவர்கள் எல்லோரும் குற்றவாளிகள், தண்டனையாளிகள் என்பது போல விவரங்களும் கொடுக்கப்பட்டுள்ளன. அதாவது, கொடுக்கப்போகும் தீர்ப்புகளையும் மிஞ்சி, இவர்களே, மிகப்பெரிய நீதிபதிகளாகி விட்டனர், தீர்ப்புகளையும் வழங்கி விட்டனர். ஆனால், மற்ற விவகாரங்களில் அவ்வாறு ஏன் செய்யவில்லை என்பது தான், சாதாரண இந்தியர்களுக்கு எழ்கின்ற சந்தேகம்.

 

ஆசாராம் பாபு மற்றும் ஆசிரமத்தின் அதிகாரிகளின் மீது சாட்டப் பட்டுள்ள குற்றங்கள்: ஆசாராம் பாபுவின் மீது இந்திய குற்றச்சட்டப் பிரிவுகள் 376, 342, 506 and 509 மற்றும் சிற்றுவர்-சிறுமிகளை பாலியல் குற்றங்களினின்று தடுப்பு சட்டத்தின் பிரிவுகள் 23 and 26ன் கீழ் புகார்கள் பதிவு செய்யப்பட்டுள்ளன. ஆசாராம் பாபுவின் மீது சம்மன் மற்றும் சிந்த்வாரா குருகுலத்தின் மானேஜர் (மத்தியப் பிரதேசம்) மற்றும் (சம்பவத்தின் போது ஜோத்பூரில் ஆகஸ்ட் 15 அன்று இருந்ததாகச் சொல்லப்படும்) ஹாஸ்டல் வார்டன், குருகுலத்தின் காப்பாளார் முதலிய ஆசிரமத்தின் அதிகாரிகளுக்கும் நோட்டீசுகள் அனுப்பப்பட்டுள்ளன[15]. எனவே சட்டப்படி நடவடிக்கைகள் எடுக்கலாம், குற்றம் நிரூபிக்கப்பட்டால், தண்டனை கொடுக்கலாம். அவரே ஒப்புக் கொண்டபடி, தூக்கில் கூட போடலாம்!

 

© வேதபிரகாஷ்

31-08-2013


[4] சில ஊடகங்கள் ரூ.50 லட்சங்கள் என்று குறிப்பிடுகின்றன.

[7]  BJP has restrained its leaders from defending self-styled godman Asaram Bapu, accused in a case of sexual assault against a minor. BJP leaders including Uma Bharati and Prabhat Jha had earlier alleged there was a political conspiracy in the allegations against Asaram.

[15] Asaram Bapu has been booked under Sections 376, 342, 506 and 509 of the IPC, Section 8 of the Prevention of Children from Sexual Offences Act (POCSO) and Sections 23 and 26 of the Juvenile Justice Act. Besides the summons served on Asaram Bapu, notices have also been issued to the manager of Chhindwara gurukul in Madhya Pradesh, hostel warden and the main caretaker of Asaram, who was present at Manai ashram in Jodhpur with him on August 15, when the alleged sexual assault took place there.

http://www.dnaindia.com/india/1882129/report-asaram-bapu-case-narendra-modi-asks-saints-to-keep-good-conduct